Maatewos Seensa
Seensa
Kaayyoon Maatewos akka Waaqayyo waadaawwan dur Israaʼeliif gale sana karaa jireenya, duʼaa fi duʼaa kaʼuu Yesuus Kiristoosiitiin eege argisiisuu dha. Mootummaan samii inni bara dheeraadhaaf eegamaa ture sun amma seenaa Yihuudootaa guutuu taasisuudhaan gara biyya lafaa dhufeera. Maatewosis Yesuus ilma Daawit, mootii Israaʼel isa beekamaa fi ilma Abrahaam abbaa Israaʼelin hundeesse sanaa taʼuu isaa mulʼisuudhaan jalqaba. Yesuus kun sanyii Israaʼel isa dhugaa fi Kiristoos Waaqni waadaa gale sanaa dha.
Kiristoos akka nama seenaa Israaʼel isa darbe yaadachiisuu taʼee ti; kunis gara Laga Yordaanositti gad buʼuudhaan, lafa onaa keessatti qoramuudhaan, barattoota kudha lama akka gosoota Israaʼel isa haaraatti walitti qabuudhaan, seera isa haaraa kennuuf jedhee gara tulluutti ol baʼuu fi kanneen kana fakkaatan argisiisuudhaan mulʼate. Barreessaan kun yaada Yesuus akka Musee haaraatti barsiisa isaa haasaa dhedheeraa shanitti walitti qabee mulʼisa. Haasaan kunis garaa garummaa jechoota Yesuus yommuu waan kana dubbatee raawwatetti jedhaniin beekama. Akkuma Seerri Musee kitaabota shan of keessaa qabu sana, Maatewosis kutaawwan gurguddaa shan dhiʼeessa.
Kitaabichi akka Yesuus hojii haaraa gurguddaa furii saba isaatiif hojjete himuudhaan xumura. Akkuma seenaa Baʼuu saba Israaʼel keessatti taʼe sana, nyaanni Ayyaana Faasiikaa erga kabajamee booddee furiin dhufa. Yesuus addunyaadhaaf jedhee lubbuu isaa dabarsee kennee ergasii immoo warra duʼan keessaa kaafame. Jalqaba kitaabichaa irratti, Yesuusiif maqaa Amaanuʼel jedhamutu kenname; hiikkaan isaas, “Waaqayyo nu wajjin jira” jechuu dha. Yesuusis xumura irratti waadaa, Ani yeroo hunda isin wajjinan jira jedhu galeefii duuka buutota isaa addunyaatti erge.
Currently Selected:
Maatewos Seensa: HAH
Highlight
Share
Copy
Want to have your highlights saved across all your devices? Sign up or sign in
Kitaaba Qulqulluu, Hiikkaa Ammayyaa Haaraa™, Loqoda Dhiʼaa
Mirgi seeraan eegama © 2022 Biblica, Inc.
Eeyyamaan itti fayyadamu.
Mirgi hundi addunyaa guutuu irratti kan eegamee dha.
Holy Bible, New Oromo Contemporary Version™, Western
Copyright © 2022 by Biblica, Inc.
Used with permission. All rights reserved worldwide.