Sabiduría 12
12
1Jimpoka chéti espiritu
enka nómeni uarhik'a
iámentuecha jinkuni jarhaska.
2Jimporisï k'amanharhintstichani
sánhani arhik'a xukaani
ka jurhimperaani
ka míataraasïnkari
ampe enkaksï nósesi niátak'a
ka eskaksï kéntikukuaka nósesi jásïni
ka eskaksïni ACHA
t'únkini jakak'uaka.
Diósï néna enka kámaka Kanaani iretani
3Chéti iretarhu ióntki anapuechaniri
4ikimchaaska imani ampe jimpo
enkaksï xáni ikichakua ampe úempka,
jimpokaksï ima
sïkuap'erakua ampe jakak'usïrempka
ka máteru nósesi jásï ampe,
5jimpokaksï no p'amok'uaska
sapichani ataani uántikuani,
ka jimpokaksï
imecheri k'éri t'irekuarhu
k'uiripeta ka sïturhi ampe arhaska
ka k'uiripueri iurhiri jamperi.
Imechani,
enkaksï xásï p'intekua jatsipka,
6tátjempechani
enkaksï uáp'a sapichani atauempka
eratseskari k'amak'uani
juchari ióntki anapuechani jimpo,
7eska ísï jámani i echeri
úpirinka sési eroantaani
chéti sapicheri iretani, íni iretani
enka chéti jimpo sánteru sési jáxeka,
8Ka p'amok'uaskari
imechani jamperi
jimpokaksï parhakpeni anapueska,
Uauapuechaniri axakuaska
eskaksï sánhani arhipirinka k'amak'uani.
9Úpirinkari uinhamu uarhipeni
ka kaxumpitichani
k'amanharhintstichani intsïnharhitaani,
ka úpirinkari ma jimpok'u k'amak'uani
manakorheri ikimenharhichani jimpo,
o uinhapiti juramukuani jimpo,
10Enka úka, uékaskari jiáretaani
eskaksï móantapirinka,
sánhani arhiskari maiampetaraani,
na uék'iri mítepka
eskaksï nósesi niátati antap'enuspka
ka eskaksï antap'enutintki
nósesi ampe eratseska
ka eskaksï nómeni
ménterueni eratsepirinka,
11jimpoka uénani jámantki
ireta no kurhantiraspka.
Anti jimpoksï séskueni kánhaspki
Nónemaniri chérhenisï
no maiampetaraaka
enkaksï ima k'amanharhint'aka,
12ka jimpoka ¿Anti nékini t'únkini úa
ampe arhini imani ampe jimpo
enka t'u úk'a?
O ¿Néua ima
enka no jaiapanhentaaka
ampe enkari úk'a?
¿Nékini empe arhia
enkari k'amantskaaka iretechani?
Imani iretechani enka t'u uaxastaaka
¿Néua ima enkakini ampe arhiaka
ikikurhichani kuáp'eani?
13Jimpoka nóma jarhaska diósï
enka no t'úeka
enka iámentu ampe exeni jarhak'a
ka enkari jatsika
iámu ampe aiankuntani
néna enkari jurhimpitku exeka
o ampe enkari no jurhimpitku exeka,
14Ka nóma irecha
ka nóma juramuti jarhasti
enkakini úaka ampe arhini
imani kuáp'eani
enka t'u maiampetaraaka.
15Jimpokari t'u
sési jimpo arhinharhikpesïnka
iámentu amperi jurhimpitku juramukusïnka,
ka chéti juramukuarhu
nósesi xékatesti imani maiampetarani
enka nómpema arhikua jukaka.
16Jimpoka chéti uinhapekua
arhinharhikperakueri pítsekueska,
ka jimpokachi iámentuecha chétiska
iámentuts'ïni p'amok'usïnka.
17T'úri xarhatakuasïnka uinhapekua
imechani enkaksï no jakak'uka
eskari t'u kánekua uinhapitiska
ka xerets'ïkuasïnkari imechani
enkaksïni míteka
ka jiniksï xerets'ïni.
18Ka jimpokari xáni k'éri uinhapekua kámsïnka
p'amok'pepariniri arhinharhikpesïnka
ka kánekua p'amok'uparinits'ïni juramuchesïnka
jimpokari úsïnka chéti uinhapekuani úrani
na enkari jatini uékaaka.
Ampe enkats'ïni jurhentak'a Diósï néna enka kámpek'a
19Ísï jámaniri chéti iretani jurhentaska
eska kaxumpiti ma p'amokpitiuaka,
ka chéti sapichaniri iámu íntsaaska
eskaksï jurhenaaka mintsikani,
ka jiáretaaskari eskaksï móantaaka
imecheri k'amanharhintskuechani.
20Kananea anapuechaniri,
nántiksï ima chéti sapicheri ikiatspiripki,
ka enkaksï jamperi antakorhepka
eskaksï atanhapirinka uántikunhani,
nóri uinhamu maiampetaraaska
ka jiáretaaskari
eskaksï sánhani arhipirinka
k'amanharhintskuani jurak'uni,
21sánteruri sési káaska chéti sapichani,
jimpokari t'u pakatperaspka
imecheri ióntki anapuechani jinkuni
ka uantakua jimpori
kánekua ampe aiakuaspka.
22Ka juchari ikiatspirichaniri
uánekua ikimperata axakuasïnka,
juchantsïnts'ïni jurhimperasïnka
ka eskachi ísï jámani míauaka
enkari máteruechani
arhinharhikuani jauaka
eskari t'u p'amok'piriska
ka eska imani jurhia
enkani jucha arhinharhikunhaaka
mintsikani jauaka
eskats'ïni p'amok'uaka.
Diósï uinhamu arhinharhikpesïnti enka na sési jimpo arhip'ek'ia
23Jimposï, Ejiptu anapuechani
enkaksï no míakua jukaripka,
ka enkaksï nósesi ampe úparini irekani jápka,
imani ikichakueni jásï ampe jimpo chérapirinti
enkaksï k'éri ampe arhimpka,
24Kánekuaksï tsînchespti
jimpokaksï nósesi jásï xanhari jataspka,
jimpokaksï manakorheri
sánteru nósesi járhatichani
diósï erataaspka
ka jurak'utakorhesptiksï
eskaksï tantoch'anhapirinka
eskaksï no míakua jukarini kánhapirinka,
25ka jimporisï no míakua jukarini káaka
ka imani jimpori maiampetaraaska
enkaksï ima k'uratseni pakaraka.
26Ka útasïksï no p'ikuarherakua jukasti
na uék'iri k'uratsetaaka
ka na uék'iri jurhimperaaka
Diósïri maimpetaraasti
eskaksï na uétarhenchani jápka.
27Enkaksï na p'ikuarherapkia
néna enkaksï maiampetaranhapka
imani manakorherichani jinkuni
enkaksï ima diósï eratauempka
imani enkaksï uinhamu k'uratsetaani jápka
jiáni k'óruksï jiókorhesptia
eska ima Diósïspka enka ísïka
enkaksï no uékapka míteni
¡Ka ísïksï maiampetaranhaspti
k'amarhuni jámani!
Currently Selected:
Sabiduría 12: BI-PURHE
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.