Génesis 49

Jakobi tempeni tsimani uáp'echani úch'akuraspti

1Jakobi uáp'echa tanhantaspti ka arhiaspti: Tankorhentsï je, jíksïni mítetaraka ampe enka úkorheaka iásï uératini ka ixu urhepatini.

2Antarherats'ïni je ka kurha je,

kurhaa je Israelini chári táteni.

3Rubeni, iámentu jucheti sapicheri t'úri úrhetiska,

t'úri jinteska jucheti uinhapekueni,

enkani k'uiripepka,

t'úri jucheti janhanharhikueska ka jucheti uinhapekueska,

4nóri úsïnka p'inkukorheni eska itsï iurhek'amasïnkari.

¡Nóteruri t'u úrhetiuakia!

Jimpokari jucheti uarhitini jinkuni k'uiska,

jucheti k'uikuarhuri ikichakueni ják'uska.

5Simeoni ka Lebi, cháts'ï tsimarheni no amparhati k'uiripueska,

chári atáp'etarakua kánekua nósesi úsïnti.

6Eska jucheti alma no jima jauaka enka chá nósesi ampe eratseni jauaka úskuni,

jimpoka jucheti kaxumpekua jima jeuepatakorheati.

Cháts'ï xáni ikiani k'uiripuechani uántikuaska, ka xáni ikiani k'arhiri anhantsïchani kuarhantukuaska.

7Nósesisti ikiata,

Nósesisti chári no p'amok'ukua.

Arhukuakaskïni táchanits'ï jauaka Israeli.

8Ka Juda t'únkeni, chéti erachichaksïni k'éri ampe arhiati.

Antauakari uarhipeni chéti ikiatpirichani.

Chéti erachichaksïni t'énhtsatseati t'únkeni japantiru.

9Juda t'úri ísïska eska puki sapichu ma,

enka k'amachak'a imani enka uantikuk'a,

ka tátsekua nirak'a aponteni k'uini,

eska na jámka puki t'arhepiti ma,

no néma uék'a tsínharhitani.

10Nónema euati juramukua Judani,

na enka jatini juaka ima,

enka iámu parhakpeni juramuaka,

enkaksï iámentu iretecha janhanharhiaka.

11Imeri eskuecha sánteru turhipesti,

eska ubasï itsïrhuta,

imeri sïnichaksï sánteru urapesti

eska etsukua,

imeri ch'anchakini jótaati,

jima enka ampanharhi ubasï jukaka,

ka iámu atarhekorheati ubasï itsïrhuta,

ka iurhuntaati úbasï itsïrhuta.

12Charhacharhanharhiati xáni kauini,

ka sïnichani t'uput'upuxeati xáni etsukua arhani.

13Sabuloni t'úri japunta k'éri uanamukutini irekakari,

jima enkaksï icharhutecha uáka niarani,

ka Sidoni jamperi chétiuati.

14Isakari t'úri ísïska eska ch'anchaki uinhapiti ma,

enka ch'anchaki jatakuarhu ísku apontek'a mintsikorheni.

15Enka exepka eska mintsikorhekua sési jantespka,

jurak'utakorhesti eska kuiparhatanhapirinka ampe,

ka jántspiri úkorhespti.

16Dani arhinharhikuati imeri iretarhu anapuechani,

eska Israeli sïruku ma.

17Dani ísïuati eska akuitse ma

xanhari jimpo,

enka tekechuni katsantukuk'a,

ka jatarini uekopani.

18Erokaxaka eskarini p'ímutantaaka, ACHA.

19Gadiniksï sïpak'urhecha kuárhukuati,

ka ima atantauati jimesï enkaksï ima no erokorheaka.

20Aseriri t'irekua kánekua áspeati,

kánekua áspiti úmantaati, ka ima úmakuntani irechani.

21Neftali ísïskari eska axuni kutsïni jásï ma,

axuni sapirhati sési jarhaticheri nánte.

22Jose ísïsti eska amanhech'akua axarhuta ma,

enka itsïrhu uératirhu uanamukutini jukak'a,

enka méntu ísï nirak'a sïruni.

23Pitoki kuaniraticha ikiakusïnti ka

méntkuksï isï kuanirasïnti xáni ikiakuni,

24kóru pitoki kuarhanturhinhasïnti,

ka chanchanhasïksï pakarasïnti Jakobiri ják'i jimpo,

Diósïri jakankurhikua jimpo,

Israeliri anapu tsakapu.

25Chéti táteri Diósïkini jarhuataati,

ima Diósï enka sánteru uinhapitika,

auantarhu uératini uánekua ampe kónteati,

ka inchatsekua uératini uánekua ampe kónteati,

etsukua ka k'uparhakuarhu uératini.

26Chéti táteri sánteru kánespti kóntperata, eska ima enka ima kóntperata enka juáta sapirhaticha ka kératicharhu jaka, iámentu i kóntperata chétisti Jose, jimpokari t'ú erakukateska.

27Benjamini ísïskari eska jiuatsï enka iámentu ampe antak'a,

ka xatini jimpo arhunkuntaka ampe enka pakamuka.

Enka Jakobi uarhipka ka jántskua

28Íksï jintesti tempeni tsimani Israeliri sïrukuecha, ka íni ampesï arhiapti enka úch'akuraapka, ka táchani sïrukua úch'akuraaspti.

29Tátsekua juramukuaspti: Ji uarhixampkia, niraxampkia jucheti tua anapuechani jinkuni, jucheti tátecha jinkuntsïntsïni porhonharitarhu péntaaka jima enka Efroni jaka. 30Jima enka Makpela jaka, Mamre urhepatini, Kanaani echerirhu, jima enka Abrahami, Efroni jititechani piákuapka, uarhiri jántskuarhu: 31Jimaksï jatsintaspti Abrahamini ka tempa jempani Sarani; jimaksï jatsintaspti Isaakini ka tempa jempani Rebekani, ka jima jatsintaspka Líani. 32Ime echeri ka uarhiri jántskua jititecherispti, k'óruksï ima piátaspti.

33Enka Jakobi k'amaraka uáp'echani arhiani, jurhemperaaspti jatsintsiri ka k'éri ma k'arhankuntaspti ka uarhispti. Niraspti imeri tua anapuechani jinkuni.

Currently Selected:

Génesis 49: BI-PURHE

Highlight

Copy