Éxodo 4

1Moisesi arhispti: Imats'ïni no jakak'ucheati, imaksï uantaati: ACHAkini no xarhacheti.

2ACHA arhispti:

¿Amperisï ják'irhu kámani jaki? Ka ima arhispti: Pirimu ma.

3Acha arhispti: K'uanintskara Ka ima k'uanintskaraspti, ka pirimu akuitse úkorhentaspti ka Moisesi kéntikukuspti jimpoka chérhespka.

4ACHA, Moisesini arhispti:

Ch'éti jupiku ka akuitseni tarhata.

Ka ima ióxurhantaaspti ka jupikaspti ka akuitse pirimu úkorhentaspti.

5Enkari ísï úska inteni jimpoksïni jakak'ucheati eskakini ACHA xarhacheska, chári tuo anapuecheri Diósï, Abraamiri Diósï ka Isakiri Diósï ka Jakobiri Diósï. 6Ístu ACHA arhispti: P'anhe. Ka ima jupinhespti ka enka na ják'i uearhantapka, iámu urapkurhantaspti xáni xúta júk'akuni.

7ACHA ménteru arhispti: Ménteru p'anhentsï.

Ka Moisesi p'anhentaspti ka enka na ják'i uenhantapkia, sési ják'urhantaspti eska ampe nóma úni.

8ACHA uantastpi: Enkaksïni ma úni jámani no jakak'ucheaka níksïni kurhach'ani, tsimani úni jámaniksï jakak'ucheatia.

9Ka enkaksïni tsimani úni jámani no jakak'ucheska níksïni kurhach'ani, itsïri iurhekuarhu p'itaaka ka atantskaraakari, ka enka antatseraaka ima iurhiri úkorhentaati.

10Moisesi, ACHAni arhispti: ¡Ák'eru, ACHA! Ji no mentuni úska sési uantarini, nómeni ni iásï enkachi uantaxeni jaka. Ji iatsitakuarhu uataxesïnka ka jámasïnka katampa matochani.

11Ka ACHA arhispti: ¿Anti ne kueraski k'uiripueri penchumekua? ¿Anti no jísïni ACHAe enkani nemani kánti o nunuxi o taxenhari úk'a?

12Ni, jikini jarhuataaka uantaxeni ka jurhentaakakini amperisï uantaa.

13Moisesi arhispti:

Sési jimpo ACHA, máteru nemaniri axapirinka.

14Tátsekua ACHA, Moisesini ikiakuspti ka arhispti: Aaroni chéti erachi jima jarhasti ima enka Lebiri sïrukueka, ima sési uantasïni, imakini erokaati ima tsípeati exentatikini.

15Imaniri jinkuni uantaxekuaka, ka arhiakari ampe enka uantaaka, ka cha jinkuni jauaka jima enkats'ï uantaaka, ka arhiakaksïni ampe enkats'ï uáka. 16Ima uantapechaati iretarhu anapuecha, ka t'úri ima jinkuni uantaaka eskari jinteni jinkuni uantaxeni jarhani. 17Ka pirimu jinkuni enkari kámani jauaka exeratauakari ampe enka úakari.

Moisesi, Ejiptu k'uanhatsentaspti.

18Moisesi, Jetruo k'umanchekuarhu kúanhatsentapsti jima ka tarhampao ka arhispti:

Íntskurini sésikua Ejiptu níntani jima enkaksï jucheti erachicha jaka, uékasïnka exeni eskaksï sési jarhaska. Ka Jetro arhispti:

Ni exeani.

19ACHA, Moisesini arhispti Madiani.

Ejiptu k'uanhatsentsï, imaksï enkaksïni uékani jápka atani uántikuni, iámuksï uarhistia.

20Jimak'ani Moisesi témpani ka uáp'echani ch'ánch'akirhu ma jatsiraaspti ka Ejiptu níntaspti. Ka pirimu jupikapaspti enka ACHA arhipka. 21ACHA, Moisesini arhispti: Enkari Ejiptu k'uanhatsentakia, jankorhe jima úni ampe enka Irecha jauaka, imani ampe enkakini arhikia. Ka ji mintsita chuperakuaka ka no jurak'uati iretarhu anapuechani nirani.

22T'úri arhiaka irechani: ACHA ísï uantasti: Israeli jucheti uáp'a tatakesti ka mák'uesti. 23Arhiskakinia eskari jurak'uaka nirani jucheti uáp'a tatakani, eskarini marhuacheaka, ka t'úri no jurak'uska nirani. Jimposïni iásï chéti uáp'a tatakani uántikuaka enka urhetika.

24Xanhari enkaksï pakarapka sónti k'uini ACHA jima niraspti Moisesini kúmani, ka jima uékaspti atani uántikuni. 25Séfora kachukutarakua ma p'ikuspti ka uáp'a tatakani sïkuiri pasïri p'ikuts'ïkukuspti ka k'uanintukuspti ka arhispti: T'úri jucheti uámpeska iurhiri jimpo.

26Tátsekua ACHA, Moisesini jurak'uspti nirani. Ka Séfora uantaspti: Uámpa iurhiri jimpo enka sïkuiri p'ikuts'ikuka.

27ACHA, Aaronini arhispti: Ni Moisesini kúmani jima enka kánekua k'arhinteka. Ka Aaroni Moisesini niraspti kúmani Diósïri juátarhu, ka enka na exentaapkia putinharikuspti. 28Moisesi, Aaronini iámentu ampe aiankuntaspti enka xáni ACHA arhipka, ka xarhatakua ampe enka úpirinka. 29Tátsekua Moisesi ka Aaroni nirasptiksï tánantaani iámentu tata k'ératichani Israeliri sïrukuechani, 30ka Aaroni arhiaaspti ampe enka ACHA Moisesini arhipka, ka iretarhu anapu k'uiripu japarini úspti imani ampe enka ACHA arhipka.

31Ka iretarhu anapu k'uiripuechaksï jakak'uspti. Ka enkaksï kurhaapka eska ACHA niaraspka Israeli uáp'echani p'úrhempeani, ka eska exeaspka na enkaksï kómu nitamakorheni jápka, tínkuikuatserasptiksï ka uantamukukorheni.

Currently Selected:

Éxodo 4: BI-PURHE

Highlight

Copy