मत्ती 11

येशू और डुब्कि देहुइया यूहन्ना

(लूक. ७:१८-३५)

1अपन बाह्रथो चेलनहे आदेश देके सेकके येशू वहाँसे ओइन्के नगरमे सिखाई और खुशीक खबर प्रचार करे गैलाँ। 2यूहन्ना ख्रीष्टके कामके चर्चा झेलमे सुनल, और अपन चेलनहे येशूक थेन कुछु बात पुँछे पठाइल, 3कि “का अप्नि वहे ख्रीष्ट हुइती, जिहिहे पठैना वाचा परमेश्वर कर्ले रहिँत, कि हम्रे दोसुर जहनके असरा हेरी?” 4येशू ओइन्हे कलाँ, “जाऊ और तुहुरे ज्या देख्लो और ज्या सुन्लो जाके यूहन्नाहे बतादेऊ; 5आँधर मनै देख्नाहाँ हुइथाँ, और नागर मनै नेंग्थाँ। कोढ़ रोग लागल मनै चोखागिल बताँ। बहिर मनै सुने सेक्नाहाँ हुइल बताँ। मुअल मनै जित्ती होके उठल बताँ, और गरीबनहे खुशीक खबर प्रचार कराजाइता। 6धन्य हो ऊ, जे मोरिकमे शंखा नै करत।”

यूहन्नाहे येशूक आदर कर्लक

7जब यूहन्नक चेलनके वहाँसे चलगिलाँ। तब येशू यूहन्नक बारेमे भीड़हे कहे लग्लाँ, “तुहुरे उजाड़-ठाउँमे का हेरे गैलो? का बयालके हिलैती रहल गौलरहे? नै, तुहुरे उ हेरे नै गिल रहो। 8तब् तुहुरे का हेरे निकरलो? का महिँगा लुग्गा घालल मनैयाहे हेरे? नै, महिँगा लुग्गा घालल मनै ते राजमहलमे बैट्थाँ। 9तुहुरे काकरे निकरलो ते? का परमेश्वरके अगमवक्ताहे हेरे? हाँ, मै तुहुरिन्हे कहतुँ, परमेश्वरके अगमवक्तासे फेन महान व्यक्तिहे। 10यूहन्ना उ मनैया हो, जेकर बारेमे पवित्र शास्त्रमे असिक लिखल बा,

‘हेर्, मै अपन हुलाकीहे तोरिक आघे-आघे पठैम,

जे तोरिक आइक लग मनैनके मन तयार करी।’”

11“जात्तिके, मै तुहुरिन्हे कहतुँ, जन्नीकमेसे जल्मलहुँक्रिहिनमे डुब्कि-देहुइया यूहन्नासे महान दोसुर केऊ नै हुइल हो। तभुन फेन परमेश्वरके राजमे जे सक्कुहुनसे छुटी बा, ऊ उहिसे आकुर महान हो। 12जबसे डुब्कि-देहुइया यूहन्ना प्रचार करना सुरु करल, उ समयसे अभिनसम स्वर्गक राज जोरसे आघे बह्रता, और हिंसक मनै यिहिहे नाश करना कोशिस करतताँ। 13काकरेकी डुब्कि-देहुइया यूहन्नक समयसम अगमवक्तनके सक्कु किताबमे और मोशक नियम कानुनमे परमेश्वरके राजके बारेम अगमवाणी लिखगिल रहे। 14तुहुरे ग्रहण करना मन्जुर हुइबो कलेसे, यी यूहन्ना वहे एलिया हो, जेकर बारेम भविष्यवाणी करगिल रहे। 15यदि तुहुरे बुझे चहथो कलेसे, यी बातमे ध्यान देऊ कि मै अब्बे तुहुरिन्से का कनु। 16आब यी पुस्ताके मनैनहे मै किहिसे तुलना करुँ? यी ते बजारमे खेलुइया छुटीछुटी लरकन हस हो। जेने एकदोसुर जहनहे बलैथाँ और कथाँ, 17‘हम्रे तुहुरिन्के लग खुशीक बाजा बजैली, पर तुहुरे नै नच्लो। हम्रे रुवैना गीत गैली, पर तुहुरे नै रुइलो।’ 18काकरेकी यूहन्ना घनिघनी उपवास बैठत, और जाँरदारु नै पिअत। ओइने उहिहे भूत्वा लागल बतिस कहिके कथाँ। 19जब मै, मनैयक छावा साधारण मनैनके हस खैनु और पिनु। ते ओइने कथाँ, ‘हेरो, दलिद्रा, मदुवा, कर उठुइया और पापीनके संघरिया!’ कौनो फेन एकथो मनैयाहे ऊ बुद्धिमान बा कहिके ओकर काम साबित कर्थिस।”

अपन मन बदलके पाप करना नै छोरुइया शहरके मनै

(लूक. १०:१३-१५)

20जोन-जोन नगरमे येशूक धेउर शक्तिशाली काम हुइल रहिन। उ नगरके मनैनहे ऊ दाँते लग्लाँ। काकरेकी ओइने अपन मन बदलके पाप करना नै छोरलाँ। 21“ए खोराजीन शहरमे बैठुइया मनै! तुहुरिन्हे परमेश्वर दण्ड दिहीँ, ए बेथसेदा गाउँमे बैठुइया मनै! तुहुरिन्हे फेन परमेश्वर दण्ड दिहीँ। काकरेकी तुहुरिन्केमे कर्लक शक्तिशाली काम टुरोस नगर और सीडोन नगरके मनैनमे करल हुइत कलेसे ओइने तब्बेहेँ बोरक लुग्गा घालके अपनमे भुवा घाँसलेताँ। यी देखाइक लग कि ओइने अपन मन बदलके पाप करना छोर सेक्लाँ। 22पर मै तुहुरिन्हे कहतुँ, परमेश्वर न्यायक दिनमे टुरोस और सीडोन नगरके मनैनसे धेउर दण्ड तुहुरिन्हे दिहीँ। 23और ए कफर्नहुम नगरके मनै, तुहुरे सोँच्थो कि तुहुरे गजब महान बतो कि तुहुरे स्वर्गसम पुगतो। पर परमेश्वर तुहुरिन्हे नरकमे गिरैहीँ। काकरेकी तुहुरिन्केमे करगिलक शक्तिशाली काम सदोम शहरमे करजाइत कलेसे उ शहरके मनै आझिक दिनसम पलिरताँ। 24पर मै तुहुरिन्हे कहतुँ, परमेश्वर न्यायक दिनमे सदोम शहरके मनैनसे धेउर दण्ड तुहुरिन्हे दिहीँ।”

मिच्छाइल मनैनहे विश्राम

(लूक. १०:२१-२२)

25वहे समयमे येशू कलाँ, “हे बाबा, स्वर्ग और पृथ्वीक प्रभु, मै तुहिहे धन्यवाद देहतुँ। काकरेकी तैँ यी बात बुद्धिमान और समझदार मनैनसे नुकाके धरले। पर साधारण मनैनहे उ प्रकट कर्ले। 26हाँ, बाबा, काकरेकी तुहिहे अस्तेहेँके करना मजा लागल। 27मोरिक बाबा महिन्हे सक्कु चिज दैदेहल बा। वहे किल बा, जे छावाहे चिन्हत। एक्केथो किल बा, जे बाबाहे चिन्हत, ऊ छावा हो। और ओइने चिहिन्थाँ, जेनहे छावा बाबाहे देखाई चाहत। 28हे सक्कु मिच्छाइल और बोझसे दबल मनै, मोरिक थेन आऊ, मै तुहुरिन्हे विश्राम देहम। 29मोरिक जुवा #11:29 जुवा यकर मतलब येशूक पाछे लग्ना अथवा हुँकार सेवा करना हो।अपन उप्पर उठालेऊ, और मोरिक संग सिखो। काकरेकी मै विनम्र और कोमल मनके बतुँ। तब् तुहुरे अपन प्राणमे अराम भेटैबो। 30काकरेकी मोरिक जुवा सहज बा, और मोरिक भरवा हलुक बा।”

Currently Selected:

मत्ती 11: DVGNT

Highlight

Copy