मरकुस 12

येशु द्वारा दुष्ट शेतकरीई दृष्टांत

(मत्ती 21.33-46; लूका 20.9-19)

1फाशु तो दृष्टान्त आपीत तियाआ आरी गुठी कोअयु एखु माहू द्राक्षाआ मोलू लागाड्यु अने सोमकिर वाडू बांद्यु अने रोहाआ कुंडो खोद्यो अने मालू बोणाव्यू अने कीसानोहो तियाआ ठेकु आपीत दिहरा देसामेहे जातु रोयु. 2फासाडी फोलाहा हंगामाआ टायमोमें तिये खेतीवालाई होमला दासाहा मोक्ल्यीत का खेतीवालाई द्राक्षाच्या वाटीमेरोत फोलोओ भाग जोडीत. 3पोन तिये तियाहा तोईत माअये अने निसे आथे मोकलित आप्लु. 4फासाडी तिये होमला दासाहा त्याआरोत मोकल्ये; तिये तियाआ मुंडको फाडीत टाक्ये अने तिया अपमान कोअयु. 5फासाडी तिये होमला जोह फासी मोक्ल्यीत; तिये तियाहा माईत टाक्ये तेहलाम तिया जागे जाअखो जोह माअये, अने किबी जनाहा माईत टाक्येतेलहाम तिये फाशी जाअखो जनाहा मोक्ल्यीत; त्यामेरयू तिये किबी जनाहा माअये, अने किबी जनाहा माईत टाक्ये. 6ओमे एकुच जोओ रोत गोल्यो, तो तियाआ प्रिय पोऱ्या ओतु; आखरी तिये पण तिया जागे ओ विचार कोईत मोक्ल्यीत का ते माआ पोऱ्याहा आदर कोआ. 7पण तियाअ किसान आपसामेहे कोयु, ओच ताहा वारस होय; साला आपु तियाहा माईत टाकुहू तेहलाम वतन आपाआ होय. 8अने तिये तियाहा तोईत माईत टाक्ये अने द्राक्षाच्या वाडीतून बारथे टाकीत आप्लु. 9याकोअता द्राक्षाआ वाडीचा मालक नाहाकोत कोअही? तो आवीत तिया खेतीकोअनाराआ नाश कोअही, अने द्राक्षाआ वाडी दिहराहा आपित टाकिलो. 10नाहाकोत तुमु पवित्र शास्त्रात ओ वचन नाहा वाचले काहा ज्या डोणुहु राज्य शास्त्रीयांवांही बेकार ठेरव्यू ओतु, तोज कोनशील ओवयू; 11ओ प्रभू त्याउगेरोत उवे, अने आमा नजरेवाही अदभुत होय. 12तेहलाम तिये तियाहा तो तोहू पालील्यो; काहाके होमजीत गोये ओते ली तिये आपाआ विरोधाम ओ दृष्टांतमे कोयू होय पण ते माहुंहु बितगोये अने सोडीत निहित गोये.

कैसरोहो फालू आपलो ओ दृष्टांत

(मत्ती 22.15-22; लूका 20.20-26)

13तेहलाम तिये तियाहा गोठीमे ठोगीओलो याकोअता किबी परूशियांआ अने हेरोदियाआ तियाआ जागे मोक्ल्यीत. 14ते आवीत तियाहा कोयु, “ओ गुरु, आमाहा मालुम होय का तू खोरो होय, अने कोडाआज फिकीर कोईत नाहा; काहाके तू मांहाआ सोब पालीत गोठी नाहाकोईत, परंतु परमेश्वरोओ मार्ग खोरो डोआवाही देखाडत्लू ताहा नाहाकोत कैसराहा कर आपलो योग्य होय काहा नाहा? 15आमू आपुहू, आव नाहा आपुहू?” तिये तिया कपट होमजीत तियाहा कोयु, “माहु काहा पारखिलो? एक पोशाआ मांही लेतआव, का आय तियाहा पाल्हू.” 16ते लेत आव्ये, अने तिये तियाहा कोयु, “ओ ठासु अने कोडाआ होय?” तिये कोयु, “कैसरआ.” 17येशु तियाहा कोयु, “जो केसराआ होय तो कैसरहा आपा, अने जे परमेश्वरोओ होय.” ते परमेश्वरोओ आप तेहलाम ते तियापो जाखो आश्चर्यचकित उवे.

पुनरुस्थानो विषय मेहे प्रश्न

(मत्ती 22.23-33; लूका 20.27-40)

18फासाडी सदुकीयांनी पण, ओ कोयु का मोरीत जीवतो उठे ओ निमिले, तियाहा जागे आवीत तिया फ़ुस्ल्याआ, 19“ऐ गुरु, मोशे लेतजा आमा कोअता लेखिलो होय केधी कोडाआ पाही बी फासाडी मोईत गोल्यो अने तियाआ लाडी रोत जाइअलो, ताहा तिया पाही तिया पाही तियाआ लाडीआरी वेहवाल कोईत लेय अने आपाआ पाहि कोअता वंश उत्पन्न कोअही. 20सात पाही ओते पेल्लो पाही बिना पोऱ्ये मोईत गोल्यो. 21तेहलाम तियाआ पायाहोवांही तियाअ बाय आरी वेहवाल कोईत बिना संतान मोईत गोल्यो; अने तेहलूज तिसरावांही पण कोल्यु. 22अने साता पोरोत संतान ओवयू अने आखाम फासाडी ती बाय पण मोईत गोयी.” 23आखरी जीवतो उठेताहा तीयामोरोत कोडाआ लाडी उवे? काहाके ती सात जाणाहा लाडी उवी ओती. 24येशु तियाहा कोयु, कि तुमु आव कारनोवाही भ्रमोम नाहा होय ने का तुमु पवित्रशास्त्राआ उलखित्लू नाहा, अने नाहा परमेश्वरोओ सामर्थ्याआ? 25काहाके जांहा ते मोल्यामरोत उठे तेहलाम ते वेहवाल नाहा कोअनारू अने नाहा वेह्वालाकोअता आप्लु जाय, परंतु होर्गाम दूताआ एकहरको रोही. 26मोल्यामरोत जीवतो उठविलो विषयी कि तुमु मोशेए पुस्तकाम साडोओ गोठीमे वाचले नाहा काहा परमेश्वरोओ तियाहा कोयु आय अब्राहमो परमेश्वर, अने इसहाकआ परमेशवर, अने याकोबाआ परमेशवर होय? 27परमेश्वरआ मोल्याआ नाहा पोन जीवताआ परमेश्वर होय; आखरी तुमु वोडो भ्रमोम पोडये होय.

महान आज्ञा

(मत्ती 22.34-40; लूका 10.25-28)

28शास्त्री या मायरोत एक जोओ आवीत तियाहा वाद-वाद कोअत्लू तेहलाम होमलित अने ओ होमजीत का तिये तियाहा हाजा रीतीवाही उत्तर आप्लु, तियाहा फ़ुस्ल्याआ, “आखाम वोडी आज्ञा कोडली होय?” 29येशु तियाहा उत्तर आप्लु, “आखे आज्ञा पेक्षा एज मुख्य होय ओ इस्राएल एक प्रभू आमाआ परमेश्वर एकुच प्रभू होय, 30अने तू प्रभू आपाआ परमेश्वरोओ आखो मोनाकोईत, अने आपाआ आखो शक्तीवांही प्रेम कोअही. 31अने दिहरी ए होय, तू आपाआ आरी कोरयापो आपाआ हारकोज प्रेम कओरा याआ पेक्षा फासी कोड्लीस आज्ञा नाहा.” 32शास्त्रीई याहा कोयु, “ओ गुरु, ठीक होय तू खर कोयु का तो एकुच होय अने तियाहा सोडीत कोडूच नाहा. 33अने तियापो आखो मोनाकोईत अने आखो बुद्धी अने आखो शक्तीवांही प्रेम कोअही; अने आरी कोरयापो आपाआ सारखो प्रेम कोईओलो, आखा होमबली अने बलिदानपो रोत वोडी होय.” 34जाहा येशु पालील्यो का तिये होमजीत उत्तर आप्लु, तेहलाम तो बोलतुल्यो “तू परमेश्वरोओ राज्यामेरोज सेटे नाहा.” अने कोडाआ फासी तियाहा किबी फुसिला हिंमत उवी नाहा.

येशुउ प्रश्न

(मत्ती 22.41-46; लूका 20.41-44)

35कोईत येशु मंदिरोम उपदेश कोइत अओ कोयु, शास्त्री केहलो कोतेहे का, ख्रिस्त दाविदाआ पुत्र होय? 36दाविद खुद पवित्र आत्माम आवीत कोयु होय “प्रभूनी माआ प्रभूहु कोयु, माआ हाजला सेटे बोह, जो पर्यंत का आयताआ वैऱ्यी ताआ गुडानिसे कोईत नाहा आपित.” 37दाविद खुद तियाहा प्रभू कोत्लू, “फासाडी तो तिया पुत्र तेहे नाहाकोत ठरेल?” अने गोर्दी मेरये मांहे तियाआ आनंदावाही होमलित.

येशु द्वारा चेतावनी

(मत्ती 23.1-36; लूका 20.45-47)

38तियाआ आपाआ उपदेश माय तियाहा कोयु, “शास्त्री पोरोत सावध रो, जे वोडो झगे कालीत फिरीवलो अने बाजारामे लत्ले नमस्कार, 39अने प्रार्थना कोअमे मुख्य-मुख्य स्थान अने खाअलाकाजे मुख्य-मुख्य स्थान पण जोवे रोतेहे 40ते विधवाआ कोओहो खात टाकतले, अने देखाडीला कोअता जाखो वेल पर्यंत प्रार्थना कोईत रोत याहा वोडू दंड जोडीत.”

विधवाआ दान

(लूका 21.1-4)

41ते मंदीराआ भडारा आगाडी बोहित पालीलो ओतु का मांहे मंदीराआ भांडाराम कोडला प्रकारे पोशा टाकतले; अने जाअखो श्रीमंताही जाअखो किबी टाक्ये. 42एतांम एक गरीब रोंडाली आवीत बेन दमडी, जी एक नान्या आरी ओती ते टाक्ये. 43तेहलाम तिये आपाआ शिष्यांआ जात हादीत तियाहा कोयु, “आय तुमामे खोरो कोयु ओतू का मंदीराआ भांडाराम टाकण्याऱ्या मायरोत आव गरीब विधवेने आखाम जाखो टाक्ये.” 44काहाके आखाज आपाआ धनोओ वाढी मायरोत टाक्ये, परंतु इयेज आपाआ कोम ओते तियाआ मायरोत म्हणजे जेवळे तीई ओते, म्हणजे आपाआ आखे जीविका टाकीत आप्यी.

Currently Selected:

मरकुस 12: NOINT

Highlight

Copy