मरकुस 11

येशुउ यरूशलेम मेहे प्रवेश कोअलोओ

(मत्ती 21.1-11; लूका 19.28-40; युहन्ना 12.12-19)

1जाहा ते यरूशलेमेऐ आहने जैतुन डोगापोओ बैतफगे अने बेथानी इहीज़ाआ पोचे ताहा तीये आपाआ चेलामेहेरोत बेनुहू एहे कोईत मोखल्यो का, 2“आगाडी गावून जा, अने तीइही पेल एक गावच गोदडा पिलो, ज्यापो कोडु केधी नाहा बोह्ये, बाधआ लेल तुमामे जोडीत तियाहा सोडीत लेतआव 3जर तुमाहा कोडु फुसे ताहा, ओ नाहाकोत कोईत होय?” ताहा कोआ, “प्रभूहु याआ गोरोज होय,” “अने ते गोदडा पिलो तियाहा इही मोकलित आपी.” 4तिये जात तिया गोदडा पिलाहा बारथे बायनोवागे बादितमेल्यु पाल्यू अने सोडीत लागाडीत. 5तिया मायरोत इही उभे ओते, किबी आखू लागाडीत, ओ नाहाकोत कोईत होय, गाढवआ गोदडा पिलाहा काहा सोडीत होय? 6जेहलो येशुनी कोयू उवनारा, तेहलूज तिये तियाहा कोत आप्लु; तेहलाम माहुंहु तियाहा जाहू आप्लु. 7तिये गोदडा पिलाहा येशु च्या जागे लेतआवीत तियाआ उपो आपाआ कापडे टाक्ये अने तो तियापो बोहित गोल्यो. 8तेहलाम आखाज आपाआ कापडे वाटेपो टाक्ये अने किबी जानोतांहि खेतामेरोत डाली वाडीत फैलावीत आप्लु. 9जे तियाआ सोमोर-सोमोर जात अने फासाडी-फासाडी चालते जात ओते, आअडी कोयु जात ओते, होसान्ना धन्य होय जो प्रभूउ नावामेहे आवत्लू 10आमाआ बाह्हू दाविदाआ राज्य तो आवीत होय; धन्य होय आकाश मेहे होसान्ना. 11तो यरूशलेमांत आवीत मंदिरोम आवयू, अने चारू ओर आखे वस्तुऊ बाधित बारा जनावराआरी बेथानी गोल्यो, काहाके हांजेपो उवी ओती.

अंजीरो साड़ोहो श्राप आप्यु

(मत्ती 21.18-19)

12दिहरा तेदीही जांहा ते बैथानियातून निहीलानंतर तियाहा फुक लागीई. 13तो सेटेजरोत अंजिराआ एक निलो साड पालहु जागे गोल्यो का कदाचित तीयाम किबी जोडीत पण पानोहो सोडीत दिहरो किबी नाहा भेटल; काहाके फोलोओ वेल ने ओतू. 14यापोरोत तियाआ तियाहा कोयु, “अमेरोत कोडु ताआ फोल केधीज खाही नाहा” अने तियाआ शिष्य होमलित ओते.

मंदिरोम रोत बेपारिही काड्यु

(मत्ती 21.12-17; लूका 19.45-48; युहन्ना 2.13-22)

15फासी ते यरूशलेमाआ आव्ये, अने तो मंदिरोम गोल्यो; अने तीइही जे घेण-आपही कोईत ओते तियाहा बारथे काडाय लागाडीत, अने सरफांचे चौरंग अने कबूतर वेस्नाराआ बैठक उलटीत आप्लु, 16अने मंदिरोम कोडाआ बासणा लेतलेत आविलो अने जाहू नाहा आप्लु. 17अने शिक्षण लेत कोयु, “की ओ नाहा लेखिलो होय का माआ को आखे जातीही प्रार्थना कोअ कोवाय? पण तुमु तियाहा बांडाआ गुफा बोणाडीत टाक्यी होय.” 18ओ होमलित मुख्य याजक अने शास्त्री तिया घात कोइला कोअता योजना कराय लागाडीत; काहाके ते तियाहा बित ओते, काहाके का आखे मांहे तियाआ शिक्षणापोरोत थक्क उवे ओते. 19हांजेपो ओतुज ते शहराआ बारथे निहित गोये.

विश्वासो सामर्थ

(मत्ती 21.20-22)

20फासाडी वेगीई ते तिहीरोत जात ओते तेहलाम तियाहा आव अंजिराआ सोडोहो मुलोमेरोत हुकाडल्यु पाल्लये. 21पेत्राहा ती गोठी समजली, अने तियाहा कोयु, “ओ गुरुजी, पाला ओ अंजिराआ साड ज्याहा तुमु शाप आप्यू ओतु, सुखून गोये.” 22येशु तियाहा उत्तर आप्लु, “देवापो विश्वास मेका. 23नि तुमामे खरोज कोत्लू का जो कोडु आव डोगोहो कोअही, तू उपटीत जा, अने समुद्राम जात गुगदेए,” अने आपाआ मोनामे संशय नाहा कोहू, ताहा विश्वास तोआ काजे कोयु होय ते होतगोयो जानारू, ताहा त्यांकोअता तोज लेही. 24यकोअता आय तुमामे कोत्लू काजे किबी तुमु प्रार्थना कोईत मागोईला विश्वास कोईत ल्या का तुमामे मिलून जानारू, अने तुमा कोअता लेत जानारू. 25अने जांहा केधी तुमु उभे रोत प्रार्थना कोईत होय ताहा जर तुमाआ मोनामे कोडा विषयी किबी विरोध होय, ताहा क्षमा को; याकोअता का तुमाआ होर्गामेऱ्ये बाह्हू पण तुमाआ अपराध क्षमा कोअही. 26अने जर तुमाहा माफ़ ने कोहा ते तुमाह बाह्हू जो होर्गामेहे होय तुमाह पापाहा माफ ने कोआ.

अधिकार पोओ प्रश्न

(मत्ती 21.23-27; लूका 20.1-8)

27येशु अने तिया शिष्य फासी यरुशलेमोमे आव्ये, अने जांहा तो मंदिरोम फिरीत ओतुताहा मुख्य याजक अने शास्त्री अने बाह्हू तिया जागे आवीत फुसुहू लागाडीत, 28“तू ओ काम कोडला अधिकाऱ्याआ कोईत होय? अने ओ अधिकार ताहु कोडु आप्लु होय का तू ओ काम कोअनारू?” 29येशुनी तियाहा कोयु, “आय पण तुमामे एक गोठी फुसल्यू; माहु उत्तर आपीही ताहा आय ताहु कोअही का ओ काम कोडला अधिकार सी कोत्लू.” 30योहान चा बाप्तिस्मे नाहाकोत होर्गापोरोत ओतू का माहामोरोत ओतू माहु उत्तर दया. 31तेहलाम ते आपसामेहे विचार कोहू लागाडीत का जर आमाहा कोत्लू होर्गापोरोत, “ताहा तो कोअही” “ताहा तुमु तियापो विश्वास काहा नाहा कोअयु?” 32अने जर आमाहा कोहू, “माहामोरोत,” ताहा लोकांची भिईलो होय, काहाके आखाहा मालुम होय का योहान खरोज संदेष्टा ओतु 33सासोल्यू तिये येशुहू उत्तर आप्लु, “आमाहा नाहा मालुम” येशु तियाहा कोयु, “आय पोन तुमामे नाहा कोयु का कोडला अधिकाराआ कोअत्लू.”

Currently Selected:

मरकुस 11: NOINT

Highlight

Copy