लूका 9

बारा चेलाहा मुकलिलो

(मत्ती 10.5-15; मरकुस 6.7-13)

1फासाडी तिये बारा जोह हादीत तियाहा आखे दुष्ट आत्माआ अने माद्वड्याहा हाजो कोइला याकोअता सामर्थ्य अने अधिकार आप्यू, 2अने तियाहा कोयु परमेश्वरोओ राज्याआ प्रचार कोअला अने माद्वड्याहा हाजो कोइला कोअता मोकल्ये. 3अने तियाहा कोयु, “वाटेम किबी लेअलो नाहा काठी, खोतली नाहा, रोटा नाहा, नाहा पोशा, नाहा बेन-बेन कापडे.” 4ज्या कोडा होमला कोआत तुमु जाही, तिहीच रो, अने तिहीरोत फासी जा. 5जो कोडु तुमाआ स्वागत कोईत ने ओय, तियाअ नगरामारोत निहीलावेले आपाआ गुडाआ धूळ फोकडीत दया का तियाहा तुमाआ साक्ष रोही. 6आखिर ते निहित गावा गावून सुवार्ता प्रचार कोईत, अने प्रत्येक माहुंहु हाजो कोईत फिरीत रोल्या.

हेरोदेस बिह्यु

(मत्ती 14.1-12; मरकुस 6.14-29)

7देशाआ चोपट चा राजा हेरोद ओ आखे होमलित घाबरील्यो गोल्यो, काहाके दिहरे कोयु का योहान मोल्यांमेरोत जिवंत होय, 8अने कोढाबी एलीया देखायू होय, अने बेहरे भविष्यवक्ता मायरोत कोडु एक जिवंत ओवयू होय. 9पोन हेरोद कोयु “योहानाआ ताहा आय मुडको उडाळीलो कोअयु ओतु?” अने ओमे ओ कोडू होय ज्याआ विषयाम ए गोठी होमल्यु होय अने तिये तियाहा पालीला इच्छा कोअयी.

पाच हजार मांहोह खावाड्यु

(मत्ती 14.13-21; मरकुस 6.30-44; युहन्ना 6.1-14)

10फासाडी प्रेषित फासी आविलो आपु जे कोल्यु ओते ते-ते तियाहा सविस्तर कोअल्यु ताहा तो तियाहा आरी घेऊन बेथसैदा नावोओ गावोही एकांत जागे गोल्यो. 11ओ होमजीत गोर्दी तियाआ फासाडी आवयी अने ते आनंदावाही तियाहा मिल्यू, अने तियाहा परमेश्वरोओ राज्याआ गोठी कोहू लाग्यू अने हाजो होऊला इच्छा कोईत ओते तियाहा हाजो कोल्यु. 12ताहा दीही बुडूहू लाग्यू तेहलाम बाराबी जोओ आवीत, “गोर्दी खोबोर दया का चारू साईटोमेऱ्या गावोमेहे जात अने वोह्तीई माय मोकलित खाअलाआ सोय कोईली, काहाके आमाहा ईहि उजाड जागाम होव” 13तिये तियाहा कोयु, “तुमुज तियाहा खाहुं दया” तिये कोयु, “आमापो पाच रोटा अने बेन मासे सोडीत फासी किबी नाहा, परंतु होय, केधी आमाहा जात आव आखे माअहारोत याकोअता रोटू वेसातो लाविले ताहा उवे.” ते मांहे ताहा पाच हजारोंओ जागे पास ओते. 14काहाके तीही पाच हजार मांहे ओते तिये आपाआ शिष्यांआ कोयु, “तियाहा पन्नास-पन्नास जोह पंगतीही बोहाडीत दया” 15तिये तेहेज कोल्यु अने बोहाडीत देदे. 16ताहा तिये ते पाच रोटा अने बेन मासे लेधलो, अने होर्गो जागे पालहु आशीर्वाद मागीत्ल्यो, अने तोडीत-तोडीत शिष्यांआ आपित गोल्यो, का माहुंहु वाटा. 17ताहा आखे खात तृप्त उवे अने शिष्यांनी उरील्योओ तुकडा कोईत बारा टोपल्या भरुण विसित.

पतरस येशु मसीह ही ग्रहण कोअयु

(मत्ती 16.13-19; मरकुस 8.27-29)

18जाहा तो एखालाम प्रार्थना कोईत ओतु अने शिष्य तियाआ आरी ओते, ताहा तीये तियाहा फ़ुस्ल्याआ, “माहेमाहू नाहाकोत कोतेहे?” 19तिये उत्तर आप्लु, “योहान बाप्तिस्मे आपणारो, अने कोडु-कोडु एलिया अने कोडु ओच का जुनो भविष्य वक्त्या मायरोत जिवंत ओवयू होय.” 20तिये तियाहा फ़ुस्ल्याआ, “परंतु तुमु माहु नाहाकोत कोतेहे?” पेत्रने उत्तर आप्लु, “परमेश्वरोओ मसीहा” 21तिये तियाहा चेतावनी कोयु का कोडोबी कोहू नाहा.

येशु द्वारा तिया मृत्युउ भविष्यवाणी

22ताहा तिये कोयु, “माअहा पोऱ्या याकोअता आवश्यक होय का तो जास्तीज दु:ख सहन कोअही, डायाहोस अने मुख्य याजक अने शास्त्री तियाहा तुच्छ होमजीत माईत टाकीदेय, अने ते तिसऱ्या दीही जीवतो ओवे.”

येशुउ फासाडी साल्लोओ मतलब

(मत्ती 16.21-28; मरकुस 8.30-9.1)

23तिये आखाहा कोयु, केधी कोडु माआ फासाडी आवी इच्छा तो तियाहा ताहा आपाआ माह नाकारीत आप अने प्रत्येक तेदीही आपाआ क्रूस विसित माआ फासाडी आव. 24काहाके जो कोडु आपाआ जीव वाचाआडयो पालोहो तो तियाहा गमवेल, परंतु जो कोडु माआ याकोअता आपाआ जीव वासाड़े तोज तियाहा वासाडे. 25केधी मांहु आखा जगाला मिलवीही अने तियाआ दु:ख सहानकोए ताहा तियाहा नाहाकोत लाभ उवे? 26जो कोडु माआ पोरोत अने माआ गोठीवाही लाजवाही, माअहा पोऱ्या पण, जांहा आपाआ अने आपाआ बाह्हाआ अने पवित्र स्वर्गदूताआ गौरवा आरी आवे तेहलाम त्याआरी लाजवाडल्यो जाइअलो. 27आय तुमामे खोरो कोत्लू काजे ईहि उभे होय, याहा मायते किबी एहलो होय का जो पर्यंत परमेश्वरोओ राज्य पालीत नाहा लेत, तो पर्यंत मोईतगोल्यू ची चव साखीत लेणारे.

मूसा अने एलियारी येशु

(मत्ती 17.1-8; मरकुस 9.2-8)

28आव गोठीइ कोडु आठ दिहे फासाडी तिही पेत्रस अने योहान अने याकोब याहा लेत प्रार्थना कोइला याकोअता डोगोपो गोल्यो 29जांहा तो प्रार्थना कोअतुज ओतु, तेहलाम तियाआ सोबीई रूप बोद्लीत गोये, अने तियाआ कापडे उजले होतगोयो सोमकूहु लागाडीत. 30अने पाला, मोशे अने एलिया ओ बेन माहु तियाआ आरी गोठी कोईत ओते. 31ते गौरवा आरी देखायो अने तियाआ मोईला चर्चा कोईत ओते, जे यरुशलेम मेहे उवे ओते. 32पेत्रस अने तियाआ जोडीदार नीदेम ओते, अने जांहा हाजलो प्रकारे विचार कोईत, तिया गौरव अने तियाअ बेन परुश्यांहा, तियाआ जागे उभे ओते पालील्यो. 33जाहा तो तियाआ जागे जाहू लाग्यू, पेत्राई येशुहू कोयु, ओ स्वामी, आमाहा इही रोहिलो उचित होय काहा आखरी आमाहा तीन मंडप बोनाडहि, एक ताआ याकोअता, एक मोशे याकोअता, “अने एक एलिया याकोअता.” तियाहा मालुम निमिले का नाहाकोत कोईत होय. 34तो ते कोताच ओतु का एक वादलो आवीत तियाहा कोंडीत लेधलो, अने जांहा ते तियाअ वादलाहा घेरायला लागाडीत तेहलाम बिही गोये 35तेहलाम तियाअ वादलामरोत ओ शब्द निघाल्यू, ओ माआ पुत्र अने माआ निवाडल्यु होय, याआ होमला. 36ओ शब्द उवेताहा येशु एखालुज देखायू अने ते ठावकू रोल्या अने जे किबी पालील्यो ओते तियाआ कोडूच गोठी तियाअ तेदीही कोडूच कोओलो नाहा.

सुआहा दुष्टत्मा सी छुटकारु

(मत्ती 17.14-18; मरकुस 9.14-27)

37अने तेदीही ते डूगोओ वरून उतरीलो ताहा एक वोडी गोर्दी तियाआ जागे आवीत गोयी 38अने पाला, गोर्दी मायरोत एक मांहुहू आयडीत कोयु, ओ गुरु, आय ताहु विनंती कोअत्लू का माआ पोऱ्यापो कृपा नजर को; कोईत तो माआ एखलूच एक पुत्र होय. 39अने पाला, एक खराब आत्माआ तियाहा तोअत्लू, अने तो होमला एक आयडीत उठत्लू; अने तो तियाहा एहेलू निपटी टाकोहो का तियाआ सोबिमरोत फेस आवत्लू; अने तियाहा कुतीते साडता सोडीत नाहा. 40आयताहा ताआ शिष्यांआ विनंती कोअयी का तियाहा काडा, परंतु ते काढहु सेकेले नाहा. 41येशु उत्तर आप्लु, “ओ अविश्वासी अने कुटील मांहे, का काजा तुमाआ आरी रोही अने तुमाआ सहन कोआ? ताआ पोऱ्याहा ईहि लेतआव.” 42तो आवताज ओतु का दुष्टात्मा तियाहा तोईत पिलीत, परंतु येशु दुष्टात्माहा धमकावयू अने पोऱ्याहा हाजो कोईत तियाआ बाह्हा आथे होपित आप्लु. 43तेहलाम आखे मांहे परमेश्वरोओ वोडू सामर्थ्याआ पालीत चकित उवे. ताहा तोओ तिया चेलाहा कोयू.

(मत्ती 17.22-23; मरकुस 9.30-32)

44पोन जाहा माअहा पोऱ्या माहाआ आथे तोईत आपीलाम आवे तियाअ आखे कानोवाही जेते कोईत ओतु आश्चर्यचकित उवे, तेहलामतीये शिष्यांआ कोयु. 45तुमु आव गोठी उपो कानलागडा, काहाके माअहा पुत्र तोयित्ली जाइअलो.

आखाप रोत वोडू कोड़ो?

(मत्ती 18.1-5; मरकुस 9.33-37)

46फासाडी तियाआ माय ओ वाद उवूंहू वाज्यू का आमामेरोत वोडू कोडू होय. 47फासाडी येशु तियाआ मोन मेऱ्यु विचार होमजीत लेदो, अने होमला पोऱ्याहा लेत आपाआ जागे उभे कोल्यु, 48अने तियाहा कोयु, “जो कोडु माआ नावामेहे आव पोऱ्याहा स्वीकारीलो, तो माहु ग्रहण कोअत्लू; अने जो कोडू माहु स्वीकारीलो काहाके तो तुमामेऱ्या आखाम आयताम आयतु होय तोज वोडू होय.”

जो विरोध मेहे निमिले, तोओ आपा पक्ष मेहे होय

(मरकुस 9.38-40)

49तेहलाम योहानाई कोयु, “ओ स्वामी, आमाहा होमला मांहाहा ताआ नावामे दुष्ट आत्माआ काडीओलो पालील्यो, अने आमाहा तियाहा नाहाकोयो, काहाके तो आमा आरी आवीत ताआ फासाडी नाहा आवीत.” 50येशु तियाहा कोयु, “तियाहा विरोध कोहू नाहा; काहाके तो तुमाआ विरोधाम नाहा, तो तुमाआ त्यापोरोत होय.”

यरूशलेम मेहे यात्रा

51जांहा तियाआ उसे उठाड्यो जाण्याआ दीही पुरो उविलाम ओते, तेहलाम तिये यरुशलेम ला जाईला विचार दृढ कोअयु. 52तिये आपाआ आगाडी दूत मोकल्ये तो सामरी गावून गोल्यो अने तियाआ याकोअता जागू तीयार कोइला याकोअता गोये. 53पोन तिया माहु तियाहा आवी आप्लु नाहा, काहाके तो यरुअशलेमाहा जात ओतु. 54ओ पालहु तियाआ शिष्य याकोब अने योहानाई कोयु, “ओ प्रभू, नाहाकोत ताहा इच्छा होय का आमाहा आज्ञा आपुहू, का जुगोमोरत आग पोडीत तियाहा पेटाडीत टाक?” 55परंतु तिये फेरवित तियाहा धमकाव्यो अने कोयु, “तुमामे मालुम नाहा का तुमु केहलो आत्माआ होय काहाके माअहा पुत्र माहाआ जीवोओ नाश कोइला याकोअता नाहा परंतु वासाडीलो याकोअता आवयू होय.” 56काहाके मनुष्याचा पुत्र माहाआ जीवाआ नाश कोअहु आयु नाहा ते तारुहू आवयुहू अने ते आगाडी दिहरा गावामेहे गोये.

येशुउ फासाडी साल्लोओ मतलब

(मत्ती 8.19-22)

57जांहा ते वाटे जात ओते, ताहा कोडु एक तियाहा कोयु, “जिथे-जिथे तू जाही, आय तुमाआ फासाडी आवीही.” 58येशु तियाहा कोयु, “कोल्याआ दोर अने जुगोमेरयो सिडाहा खोटो रोतेहे, पण माअहा पोऱ्याहा मुंडको टेकीलाकोता बी जागू नाहा” 59तिये दिहीराहा कोयु, “माआ फासाडी आव” तिये कोयु, “ओ प्रभू, माहु पेल्लू जाहू दे का माआ बाह्हाहा बुजीत आवोहो.” 60तिये तियाहा कोयु, “मोल्याहा आपाआ प्रेत गाडूहु पोन तू जात परमेश्वरोओ राज्याआ सुवार्ता को.” 61एक फाशी एकाने कोयु, “ओ प्रभू, आयताआ फासाडी आवीत जाइअलो; पण पहीले माहु जाहू आपा का आपाआ कोओहो माहुंहु जात कोत आवत्लू.” 62येशु लेतजा तियाहा कोयु, “जो कोडु आपाआ आथे ओलोपो मेकोहो अने फासाडी पालत्लू, तो परमेश्वरोओ राज्य याकोअता योग्य नाहा.”

Currently Selected:

लूका 9: NOINT

Highlight

Copy