प्रेरितो काम 8

शाउलोओ विश्वासी पोओ अत्याचार

1शाऊल ती दीहुच यरूशलेमेहे ऐ मंडली पोओ वोडो दोमिलाआ सुरवात उवी अने प्रेषिताहा सोडीत आखो ने आखो यहूदीया अने सामरिया देशमेहे वेरा सेर ओत गोये. 2किबी भक्ती कोअता स्तेफनाआ कब्रेमेहे मेकल्ये अने त्यांकोअता वोडो शोक कोअयु. 3शौलाआ मंडली हैरान कोईत आप्लु ओते, अने कोअ जात माहाआ अने बोअयीही तोईत जेलूम टाक्तु ओतु.

सामरी मेहे फिलिप्पुस

4जे मांहे अलग उवे ओते ते सुवार्ता प्रचार कोयु फिरीत ओतु, 5अने फिलीप्प सामरिया नगरामे जात मांहुंमे ख्रिस्ताआ प्रचार कोहू लाग्यू. 6जी गोठी फिलीप्प कोल्यी तियाहा माहुंहु होमलित अने जे चिन्ह तो हिकाडीत ओतु तियाहा पालीत एकमतोवाही मोन लागाडले. 7काहाके झाअकामरोत अशुद्ध आत्माआ वोडा शब्दावाही आयडीत निहित गोल्यो अने खूप जोओ लाखवा उवल्यू अने लुले एहलाहा पण हाजो कोल्यु जात ओते, 8अने तियाअ नगरामे वोडू आनंद ओवयू.

शमोन जादूगर

9तियाआ पहीले तियाअ नगरामे शिमोन नावाआ एक मांहोहो ओतु तो जादू कोईत शमरोनी माहुंहु चक्क कोईत अने आपाआ स्वतःहा एक वोडू माहु कोयु ओतु. 10हानापोरोत ताहा मोदापोरोत तिया सन्मान कोईत ओते, ओ मांहु देवाची महा शक्ती होय जो महान कोत्लू. 11तिये खूप दिहीआ तियाहा आपाआ तियाअ जादूउ कामोम थक्क कोईत मेक्ल्ये ओते यकोअता ते तियाआ जास्तीज मोनामे ओते. 12पण जांहा तिये फिलीप्पाआ विश्वास कोअयु जो देवोओ राज्य अने येशु ख्रिस्त नावाआ सुवार्ता कोयु ओतुताहा मांहे किबी माहु, किबी बोई बाप्तिस्मे लेऊ आवे, 13तेहलाम शिमोन लेतजा स्वतःपण विश्वास कोअयु अने बाप्तिस्मे घेऊन फिलीप्प आरी रोंहु लाग्यू ते चिन्ह अने वोडो-वोडो सामर्थ्याचे काम उवनारा पालीत थक्क ओवयू.

सामरी पवित्र आत्मा प्राप्त कोअये

14जांहा प्रेषित जो यरुशलेम ओतु होमल्यु का शोमरोन देवोओ वचन होमजीत लेधलो होय ताहा पेत्र अने योहानाआ तियाआ जागे मोक्ल्यीत. 15तिये जात त्यांकोअता प्रार्थना कोअयी का पवित्र आत्माआ मिळूहुजोवे. 16काहाके तो ओमेजा त्यामेरोत कोदापो उतरीलो घेता तिये ताहा फक्त प्रभू येशुउ नावामेहे बाप्तिस्मे लेदो ओतु. 17तेहलाम तिये तियापो आथे मेकलू ओतु अने तिये पवित्र आत्माआ मिलव्यू.

शमोनो पाप

18जांहा शिमोन पाल्यु का प्रेषिताआ आरी रोविलाआ पवित्र आत्माआ आप्यू जात्लू ताहा त्याजागे पोशा लेतआवीत कोयु, 19ओ शक्ती माहु पण दया का ज्यापो आथे मेकीत तियाहा पवित्र आत्माआ जोडीत. 20पेत्राई तियाहा कोयु, ताआ पोशा तोअआरी नाश ओवो, काहाके तू देवोओ दान पैस्यांनी वेसातो लेअलो विचार कोअयु होय. 21आव गोठीमेहे नाहा ताआ वाटा होय नाहा भाग काहाके ताआ मोन परमेश्वरा आगाडी हीदू नाहा. 22याकोता आपाआ आव खाराब कोअता मोन फेरवित प्रभूहु प्रार्थना को अवश्य होय ताआ मनांआ विचार क्षमा कोल्यु जानारू. 23काहाके आय पालत्लू का तू पित्त सारखे कोडवो अने अधर्माआ बंधनात पोडल्ये होय. 24शिमोन तियाहा उत्तर आप्लु तुमु माकोअता प्रभू येशुहू प्रार्थना को का ज्या गोठी तुमु कोयु तीयामरोत किबी मापो नाहा आविलो पोडी. 25यास्तव ते साक्ष आपित अने प्रभूऊ वचन होमलित यरूशलेम निहित गोये अने शमरोन जास्तीज गावामेहे सुवार्ता प्रचार कोयु गोये.

कुशोओ खोजाहा फिलिप्पुसोओ उपदेश

26फासाडी प्रभूआ एक स्वर्गदूतोवाही फिलीप्प ला कोयु, उठ, अने दक्षिणेकडे जा जे यरुशलेमा गज्जाकडे जात्लू ओ रेगीस्तानी मार्ग होय. 27तो उठित निघाल्यू अने पाल्लये, कुश देशाआ एक मांहु आवीत ओतु जो षंढ अने कुशची राणी कंदचे हिया अधिपती अने भंडारी ओतु जो उपासना कोइला कोअता यरुशलेमेत आवयू ओतु. 28तो आपाआ रथावर बोहयु ओतु अने यशायाह संदेष्टाआ पुस्तक वाचेहे आवीत ओतु. 29तेहलाम आत्मावाही फिलीप्पाआ कोयु, जागे जात आव रथाआरी जा. 30फिलीप्प तिया जागे गुगदिलो अने तियाहा यशायाह संदेष्टाआ पुस्तक वासत्लू ताहा होमल्यु, अने फ़ुस्ल्याआ तू जे वाचेहे होय सोमजाहेका ते मालुम होय? 31ओतो कोयु, जोपोरोत कोडु माहु होमजाडीत नाहा तोपोरोत माहु केहलो होमजोणारो अने तिये फिलीप्पाआ विंनती कोअयी का तो त्याजागे सोडवीत जात बोहजी. 32पवित्र शास्त्रात तो जे वाचेहे ओतु ते ओ होय का तो मेंडाराहोस माईलाकोता मोकल्यु गोल्यो अने जेहलो कोकरू आपाआ तियाअ कातरीला आगाडी ठावकु ओते, तेहलूज ते पण आपाआ सोब उगड्यो नाहा. 33तियाआ लीन अवस्थाम तियाहा न्याय मिल्यू नाहा तियाअ टायमोमें महुअ वर्णन कोडू कोअनारू? काहाके धोरतीपो तिया जीव विशिलो जात्लू 34यापोरोत षंढाने फिलीप्पाआ फ़ुस्ल्याआ, आय ताहु विनंती कोअत्लू आव गोठीई संदेष्टा ओ कोढाकोअता कोत्लू, आपाआ किंवा दिहरा विषयी? 35तेहलाम फिलीप्पाआ आपाआ सोब उगड्यो अने आव शास्त्रामेहे आरंभ कोईत तियाआ येशु सुसमाचार होमलाड्या. 36ताहा वाटे जातले तेहलामेहे ते पायो जागे आवेताहा षंढ कोयो पाल ओ पाई होय माहू बाप्तीस्मा की हरकत नाहा. 37फिलीप्प कोयो “जार तू पूरा मोनोवाही विश्वास कोअतु ते लेत सके है.” “तो उत्तर आप्यु आय विश्वास कोहो येशु मसीह परमेश्वर पुत्र होय”. 38तेह्लाम तिये रथ उभे कोअला आज्ञा कोअयी अने फिलीप्प अने षंढ बेन पाअयोम उतरीलो अने तिये षंढला बाप्तिस्मे आप्यू. 39जाहा ते पाअयोपोरोत निहित उसे आव्ये तेहलाम प्रभूआ आत्माआ लेतजा फिलीप्पाआ विसित लेधलो अने षंढाने तियाहा फासी नाहा पाल्लये, अने तो आनंद कोईत आपाआ सोडकोपो निहित गोये. 40फिलीप्प अश्दोद गावून जात आविलो गोल्यो अने जोपोरोत कैसरीयांहा नाहा फ़ुस्ल्याआ, तोपोरोत नगरा नगरामे सुवार्ता प्रचार कोहू लाग्यू.

Currently Selected:

प्रेरितो काम 8: NOINT

Highlight

Copy