YouVersion Logo
Search Icon

प्रेरितो काम 17

17
थिस्सलुनिके नगर मेहे पौलुस अने सिलास
1फासे ते अम्फीपुलीस अने आपुल्लोनीया मेहेरोत थीस्सलूनीके मेहे आव्ये जीही यहुदीयाआ एक मंदिर ओतो. 2पौलुस आपाआ रोतीई नुसार तियाआ जागे गोल्यो अने तिये शब्बाथाआ तेदीही पवित्रशास्त्राद्वारे त्याआरी वादविवाद कोअयु, 3अने तियाआ अर्थ उगाडीत होमजाडिलो लाग्यू का ख्रिस्ताहा दुख सोसीला अने मोअल्या मायरोत जिवंत उवे आवश्यक ओते अने ओच येशु ज्याआ आय तुमामे कथा होमलाड्यू, 4त्यामेरोत केते जानोतांहि अने भक्तीवाही यूनानी जामेपोरोत जाअखो जानोतांहि अने जाअखो एहलो कुलीन बुईही ग्रहण कोईत लेधलो अने पौलुस अने सिलास यांआरी मिलीलू गोये. 5परंतु यहुदी माहु डाव तोईत बाजारामे माहुंमे किबी खराब माहुहुं आपाआ आरी लेधलो अने गोर्दी एकठे कोईत नगरामेहे गोधळ उघाडीते लागाडीत अने यासोनाच्या कोआही धावून तियाहा मांहा आगाडी लावूअलो ओते. 6ते तीइही नाहा ओ पालहु ते आअडित ओतुताहा यासोनाआ अने किबी पायहोहो नगरआ अधिकारी समोर खेचीत लाविले ओ मांहे जिये जगाला उलटो सुलट कोईत आप्लु होय इही पण आवीत गोये होय. 7यासोनाआ तियाहा आपाआ ईहि पर्यंत उगाऱ्ये होय का ओ आखेज आखे ओ कोयु होय का येशु राजा होय अने कैसराआ आज्ञाआ विरोध कोअता. 8तियाअ माहुंहु अने नगरआ अधिकारी ओ होम्लाडूहु बीवाडीते आप्लु. 9याकोअता तिये यासोनाची अने उरील्योओ माहुंहु आरी जागू आपित सोडवीत लाविले.
बिरिया नगर मेहे पौलुस अने सिलास
10पाहीही लागेज रातीम पौलाहा अने सिलास ला बिरुयास मोकलित आप्लु अने ते तीइही पोतडहु यहुदी मांहाहा प्रार्थना कोआत गोये. 11ओ मांहे ताहा थिस्सलुनीकाआ यहुदी लोकापेक्षा हाजो ओते अने तिये वोडा उत्सुकतेने वचन ग्रहण कोल्यु अने ए गोठी ओच होय का नाहा ओ हर एक दीही पवित्र शस्त्रामेहे होदित रोल्या. 12याकोअता तियाआ वचनापो जाअखो जानोतांहि अने यूनानी कुलामेरयु बुईम रोत अने महुमेरोत जाअखो जानोतांहि विश्वास कोअयु. 13काहाके का जाहा थिस्सलुनीकाम यहुदी होमजीत गोयुका पौलुस बिरुआ परमेश्वरोओ वचन होमलित ओतु तो तीइही आविलो माहुंहु खोळवळून चीतावले. 14तेहलाम पाहीही लागेज पौलाहा मोकलित आप्लु का समुद्राआ किनारावपो निहित जा परंतु सिलास अने तीमुथियुस होमजीत्लो रोत गोये. 15पौलाहा पोताळणारे तियाहा अथेनैपर्यंत घेऊन गोये अने सिलास अने तीमुथियुस साठी ए आज्ञा मिलवीत मोकलित आप्लु का ते तियाआ वेगु-वेगु आव्ये.
एथेंस नगर मेहे पौलुस
16जांहा पौलुस अथेनैमध्ये तियाआ वात पालताज ओतुताहा नगराहा मूर्तीई पोअल्ये पालीत तिया जीव कासावीस ओवयू. 17आखरी तो प्रार्थनामे यहुदी पोरोत अने भक्तीमानाप रोत अने जे चौकामेहे जे मांहे मिलतले तियाआ आरी हर एक तेदीही वादविवाद कोईत ओतु. 18तेहलाम एपीकुरपंथी अने स्तोयिकपंथी तत्वज्ञान मायरोत कोडोबी तिया विरोध कोअयु अने कोढीबी कोयु, ओ बडबड्या नाहाकोत कोहू इच्छीला होय? परंतु दिहराआ कोयु, तो अन्य देवता मेहे मास्तर मालुम गुंगदिलो काहाके तो येशु पुनरुस्थानाचा सुवर्तेचा सुवार्ता कोईत होय. 19तेहलाम ते तियाहा आपाआ आरी अरियुपगुस ओतगोयु गोये अने फ़ुस्ल्याआ, आमाहा होमज्यू शकतो का ओ नवो मोत होम्लाडित होय, की होय? 20काहाके तू अपरिचित गोठी होमलित होय याकोअता आमाहा होमजीत लेअलो होय का याआ अर्थ नाहाकोत होय? 21याकोअता का आखे अथेने नैकर अने दिहरा देशोओ जे तीइही रोत ओते नवो-नवो गोठी सांगतात अने होम्लाड्या शिवाय अने कोडला कामोम वेल मोकलित निमिले.
अरिपगुस मेहे पौलुसोओ उपदेश
22तेहलाम पौलसाने अरियुपगुस माय उबुरोत कोयु ओ अथेनेआ माआहामेरोत पालत्लू का तुमु हर एक गोठीमेहे देवताआ वोडो मानिनारे होय. 23काहाके का फिरीलावेले जांहा तुमाआ पुजण्या कोअता वस्तूउ पालीत ओतुताहा एक एह्ली एक वेदी पण देखल्यी, ज्यापो लेखिलो ओते अनोळखाती नाहा ईश्वर कोता याकोअता ज्याहा तुमु नि पालीलो उपासना कोतले आय तुमामे तिया प्रचार होमलाड्यू. 24ज्या परमेश्वराने धोरती अने तियाआ आखे वस्तूंवाही बोनाडहि तोज होर्गा अने धोरतीई स्वामी ओमेत आताई बोनाडल्ये मंदिरोम रोत नाहा, 25नाहा कोडला वस्तूआ आवश्यकतेऐ कारनोवाही मांहाहा आथोवाही सेवा लेहो, काहाके तो खुद आखाहा जीवोन अने श्वास अने आखे किबी आपोहो. 26एकाच मनुष्यामेरोत तिये आखे जाती निर्माण कोल्यु यकोअता ते आखे धोरतीपो वास्तव्य कोईओलो, तीयेज माहाआ नियम निच्छित कोल्यु अने तियाअ ठीकानाहा पण ज्या जागापो ते रोत ओते, 27तियाआ प्रयोजन ओच ओते का लोकाहा परमेश्वरोओ हाजा ओवुहू सेकोहो का ते तिही पर्यंत पोतडहु मिलवे एहलो ओतगोयु पण तो आमापोरोत सेटे रोला नाहा. 28काहाके का आमाहा जीवित रोतलू तियाहा आमाआं शक्ती होय अने तियाहा आमाहा वास्तव्य होय याकोईत किबी भविष्यवक्त्यांनी पण कोयु होय का आमाहा तियाआ पोऱ्ये होय. 29काहाके आमाहा तियाआ पोऱ्ये होय त्याकोता आमाहा ओ विचार कोअला नाहा का ते ईश्वरत्व होनो किंवा चांदी किंवा डोनो मोनावाही बोनाडल्ये मुर्तीहोस होय. 30असे अज्ञानी युगाची परमेश्वराई अपेक्ष कोईत आप्यी होय कोईत तो हर एक मांहाहा मोन फिरविला कोअता आज्ञा आपित होय. 31कोईत तिये एक दीही निच्छित कोअयु होय तियाअ तेदीही तो होमला महापरोत जगाआ न्याय कोअनारू होय मोल्यामरोत जिवंत कोइत प्रत्येक कोअता ए गोठी प्रमाणित कोल्यी होय. 32जाहा तिये मोल्यामरोत पुनरुत्थान ओनारो प्रमाण कोयु ओतु तेहलाम कोढीबी तियापो मजाक कोअयी अने किबी माहु कोयु, का आमाहा आव विषयी फासाडी फासी वचन होमला 33तेहलाम पौलुस तियाहा सोडीत निहित गोल्यो. 34किबी माहु विश्वास ग्रहण कोअयु अने तियापरोत ओतगोयु गोये यामे अरीयुपगुस्का सदस्य दियुनुसियुस अने दमरीस नावाआ एक बुई तेहलूज तियापरोत किबी फासी मांहे ओते.

Highlight

Share

Copy

None

Want to have your highlights saved across all your devices? Sign up or sign in