प्रेरितो काम 16
16
पौलुस अने तीमुथियुस
1फाशे ते दिरबे अने लुस्त्रा मेबी गोये तीही तीमुथीयूस नावाअ एक चेलू ओतु तो यहुदी विश्वासीई पोर्यु ओतु पोन तियाआ बाह्हू यूनानी ओतु. 2लुस्त्र अने इकुनियुम पायहोरी तियाआ हाजी बोली चालीलोआ ओती 3पौलुस तिमथ्याआ प्रवासाम आपाआरी घेऊन जानारू ओतु अने तिये तियाहा आपाआरी लेधलो अने तियाअ जागापो रोणाआरा यहुदाआ सहायाने तियाआ सुंता कोअयी काहाके तियाहा पण मालूमे ओते का तिया बाह्हू एक यूनानी ओतु. 4नगरोमरोत प्रवास जाआलो कोईत ओयताहा तिये तियाअ जागापो रोयानारू माहुंहु होमला आज्ञा कोयु, जे यरुशलेम माय प्रेषित अने डायु इये निच्छित कोल्यु ओते. 5ह्याप्रमाणे तियाअ जागापो ओतल्या मंडली विश्वास सदृढ उवनारा गोल्यो अने दाडीई दीही तियाआ संख्याआ वोदतो गोयी.
पौलुस दर्शन
6फासाडी फ्रुगीया अने गलतीयाआ भागाकडून निकलीलू काहाके पवित्र आत्मावांहि तियाहा आशिया माय वचन कोइला नाहाकोत कोल्यु ओते. 7फासाडी ते जांहा मुसियाहा हिवोपो पुग्या तेहलाम तिये बितुनिया जांहु निर्णय कोअयो परंतु येशुउ आत्मावाही तियाहा त्याजागे पण जाऊ आप्लु नाहा. 8तेहलाम मुसियापोरोत त्रोआसाहा पुग्या 9रातीई पौलाने दर्शनमध्ये पालील्यो का मकिदुनिया एक माहु प्रार्थना कोईत कोयु होय मेसिडोनिया माय आव अने आमाहा मदत को. 10ओ दर्शन पाहिलाबादमे लागेज ए याआ परिणामी निघाल्यू का परमेश्वराने तियाअ माहुंमे सुवार्ता प्रचार कोईलाकाजे आमाहा हादाडये होय, आमाहा मकिदुनिया जायलो ठेरव्यो. 11ह्याप्रमाणे आमाहा त्रोआसला जलमार्गाद्वाही जाअलाकाजे आमाआं नाव सोडीत अने हीदू समोथ्राके जात पुग्या फासाडी आगाडी तेदीही नियापुलीस निहित गोये. 12तिहीरोत आमाहा एक रोमी उपनिवेश फिलिप्पी ला पुग्यु जे मकिदुनियाच्या भागुम प्रमुख नगर होय याआ नगरामेहे आमाहा किबी दीही रोयोजे. 13फासाडी शब्बाथ तेदीही आमाहा ओ विचार कोईत का प्रार्थना कोइला कोअता त्याजागे एखादी जागू होय अने आमाहा नगर फाटको बारथे खाडीही गोल्यू त्याजागे आमाहा बोहोलो अने एकठे बायराआरी चर्चा कोहू लाग्यू.
यूरोपोओ पेल्लूउ विश्वासी
14तिया जागापो लुदिया नावाआ थुआतीरा नगरो एक बुई ओती ती जाबडो रंगाचे कागडे वेसातो ओती ती परमेश्वरोओ भक्ती कोनारी ओती ती जाखो लक्ष आपित आमा गोठी होम्लाडित ओती प्रभूऊ तिया मोन उगड्यो ओते यकोअता का पौलुस जे कोयु ओतु ते लक्ष आपित होमला. 15आपाआ योग्य परीवाराआरी बाप्तिस्मे लेदले ताहा तीही आमाहा विनंती कोअयी का, “जर तुमु माहु प्रभूऊ विश्वासी भक्त मोनामे होय ताहा आव अने माअ कोअ रो” तेहलाम तिये आमुंहु तियाआ कोआ जॉहु तीयार कोईत आप्लु.
दुष्टआत्मा सी छुटकारु
16फासाडी एहलो उवे का जांहा आमाहा प्रार्थना स्थानोही जात ओते तेहलाम आमाहा एक दासी जोडीहो, तीयीय शकून ची आत्माआ ओती ती दैव्य प्रश्न कोत आपाआ धन्यांहा खूप धन मिलवीत आपित ओती. 17ती आमा अने पौलाचआ फासाडी ओ गोगीत आवयी का, ओ मांहे महान परमेश्वरोओ पावर होय, ओ तुमामे उद्धारो मार्गाआ संदेश कोयु होय. 18ती जाखो दिहेजा ऐहलेच कोईत रोली तेहलाम पौलुस यीई गोगीलापोरोत कंटाळला ओतु तिये वोलीत तियाअ आत्माहा कोयु, आय येशु ख्रिस्ताच्या नावामेहे आज्ञा कोइलो का याआ पोरीपोरीत बारथे निह तेहलाम तो आत्माआ तीहीरोत लागेज बारथे निहित गोल्यो. 19फासाडी तिया धन्यावाहित जांहा ओ पालील्यो का तियाआ आखी कोमाय आशा उवी होय तेहलाम पौलुस अने सिलास ला तोअल्यो अने धरतीपो खेचीलो बाजारामेरे अधिकाऱ्या घेऊन गोये, 20फासाडी दंड आपनाऱ्या अधिकाऱ्याहि घेऊन गोये अने गोग्या, ओ मांहे यहुदी होय अने आमा नगरामे गडबड कोईत होय, 21ओ एहलो रिती रिवाजाबद्दल गोगीत होय काजे ग्रहण कोअला अने तियापो सालीलो आमू रोमी योग्य नाहा.
पौलुस अने सिलास बंदीगृह मेहे
22गोर्दी पण विरोधाम मांहाआरी तियापो सोडवीत आव्ये दंड अधिकारावाही त्याआं कापडे फाडीत उताऱ्ये अने आज्ञा कोअयी का तियाहा छड्या माईलो. 23तियाहा जाखो छड्या मोयुताहा तिये तियाहा जेलूम टाक्ये अने तुरुंगाआ अधिकाऱ्याआ आज्ञा कोअयी का तियापो वातडो राखोन मेकीलू. 24एहली आज्ञा उवलानंतर तियाहा जेलूम मायत्या आंदारा मेहे मेकल्ये तिये त्याआं गुडू खोडयात उडकान्ये.
पौलुस अने सिलासोहो बंदीगृह सी छुटकारु
25फासाडी लगभग मध्य रात उवी होय अने पौलुस अने सिलास परमेश्वरोओ भजन गावित प्रार्थना कोईत ओते अने दिहरे कैदी ते होमलित ओते. 26तेहलाम त्याजागे एक एहेलू भिवाडनारू भूकंप ओवयू का तुरुंगाचे पायू डगमगले अने लागेज तुरुंगाचे बाआनो उगड्यो गोये तेहलाम प्रत्येकाआ बेडया ढिली ओतगोयु गोलीत पोड्यो. 27जेलों अधिकारावाही जागतू ओतगोयु पालील्यो का तुरुंगाचे बाआनो उगाड्ये होय तेहलाम तिये आपाआ तलवार काढीलो अने स्वता उपो वार कोईत लेही ओतु, तेहलाम. 28तेहलाम पौलाने उचो आवजावाही आवाज आपित कोयु, “स्वताची नुकसान कोईत-कोईत लेऊ नाहा, काहाके आमाहा आखे इहीजा होय” 29यापो तुरुंगाआ अधिकारावाही मशाल मागाळल्यी अने वेगु-वेगु तियाआ जागे गोल्यो अने बिखीकी कापीत-कापीत पौलुस अने सिलास याआ आगाडी गुडू पोडी.
दरोगाआ ह्रदय परिवर्तन
30फासाडी तो तियाहा बारथे घेऊन गोल्यो अने बोलतुल्यो, “महाराज, माआ तारण उवे कोईत कि कोईओलो लागे?” 31फासाडी तिये उत्तर आप्लु, प्रभू येशु उपो विश्वास को तीयावाही ताआ तारण उवे अने ताआ परिवाराआ पण. 32फासाडी तियाआ परिवारारी तिये तियाहा प्रभूऊ वचन कोयु. 33तुरुंगाआ अधिकारावाही तियाआ राती अने तियाआ टायमोमें तियाहा घेऊन गोल्यो अने तिये तियाआ जखोमो धुतल्या अने आपाआ आखे परीवाराआरी बाप्तिस्मे लेदो. 34फासाडी ते पौलुस अने सिलास ला आपाआ कोआ घेऊन आव्ये अने तियाहा तिये रोटू खाऊ काल्ये परमेश्वरोओ विश्वास ग्रहण कोअल्यावांहि तिये आपाआ आखे गोऱ्याआरी आनंद कोअयु. 35फासाडी जाहा दीही उगीअलो तेहलाम दंड अधिकारावाही आपाआ हिपायांहा मोकलित कोयु का तियाहा सोडीत आपलो. 36फासाडी तुरुंगाआ अधिकारावाही ए बातमी पौलाहा कोलाकोईता का दंड अधिकारावाही तुमामे सोडीत आपुहू कोयु होय त्याकोता तुमु बारथे आव अने शांतीई निहित जा. 37फासाडी परंतु पौलाने हिपायांहा कोयु, जर आमाहा रोमी नागरिक होय परंतु आमाहा अपराधी नेओत आखा आगाडी माअये पिठले अने जेलूम मेकल्ये, अने निकाईत-निकाईत ते आमाहा बारथे मोकलित होय खरोज एहलो उवे नाहा एहलो उवूंहू जोवे का ते स्वता आविलो आमाहा बारथे घेऊन जालो. 38फासाडी शिपायाआ दंड अधिकाऱ्यावाही शब्द कोयु, दंड अधिकाऱ्याआ ओ जांहा मालूमे उवे का पौलुस अने सिलास रोमी होय तेहलाम ते जास्तीज बितगोये, 39फासाडी तेहलाम दंड अधिकारी तीही आवयू अने तिये त्याआरोत क्षमा मागित बारथे घेऊन गोल्यो अने तिये ते नगर निहित जांहु कोयु 40पौलुस अने सिलास जेलूम जात लुदियाआ कोआ गोये अने आखे पाहीही मिलून तिये तियाआ उत्साह वोदाडयु अने फासाडी फासी ते तिहीरोत निहित गोये.
Currently Selected:
प्रेरितो काम 16: NOINT
Highlight
Share
Copy

Want to have your highlights saved across all your devices? Sign up or sign in
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.