Imizekeliso 13
13
1UNYANA olumkileyo uyeva imfundiso kayise; kodwa umgxeki akeva intetiso.
2Ngesixakato somlomo womntu wodla okulungileyo; kodwa umpefumlo wabenza ngobuxoki wodla ubudlwengu.
3Olinda umlomo wake, uyagcina ubomi bake: owakamisa kakulu umlomo wake, woba nentshabalalo.
4Umxe̔lo wevila uyakanuka, kanti akuko nto; kodwa umxe̔lo wabakuteleyo wotyetyiswa.
5Ukuteta okubuxoki olungileyo uyakutiya; kodwa okohlakeleyo uyazinukisa, azenzele ihlazo.
6Ubulungisa buyamlondoloza ondlela ilungile: kodwa inkohlakalo iyameyelisela onesono.
7Kuko ozityebisayo, engenanto noko; kuko ozenza ihlwempu, enemfuyo enkulu noko.
8Isizi sobomi bomntu sibubutyebi bake; kodwa ihlwempu aliva intetiso.
9Isikanyiso sabalungileyo siyavuya: kodwa isibane sabakohlakeleyo siya kucinywa.
10Nger̔atshi kuvuswa ingxolisano kupela; kodwa kuko ubulumko nabavumayo ukucetyiswa.
11Imfuyo ezuziweyo ngokungendawo iya kuncitshiswa: kodwa obutayo ngesandla uya kwandisa.
12Itemba elibanjezelweyo liyavisa intliziyo ubuhlungu; kodwa ingumti wobomi inkanuko efeziweyo.
13Olidelayo ilizwi wobujiswa; kodwa owoyikayo umyalelo, yena wovuzwa.
14Umteto welumko ungumtombo wobomi, kuze kumkiwe kuyo imigibe yokufa.
15Ingqondo elungileyo iyanika ufefe: kodwa indlela yabenza ngobuxoki ilukuni.
16Osukuba enokutelekelela uyenza ngokwazi; kodwa ihilihili liyatwabulula ubudenge.
17Isitunywa esikohlakeleyo siyeyela ebubini: kodwa isigidimi esinyanisekileyo siyimpiliso.
18Owalayo imfundiso woba nobuhlwempu nehlazo; kodwa ogqalayo ukwohlwaywa uya kubekwa.
19Imnandi empefumlweni inkanuko efeziweyo; kodwa kuyintshontsho kwizidenge ukumka enkohlakalweni.
20Ohambayo nabalumkileyo wolumka naye: kodwa okolana nezidenge uya kuzuza ingozi.
21Ububi buya kuputuma aboni; kodwa abalungisayo bovuzwa ngokulunga.
22Olungileyo uyashiyela abantwana babantwana ilifa; kodwa ubutyebi bomoni bubekelelwa olungisayo.
23Ukulima kwamahlwempu kuyanika ubuninzi bokutya; kodwa kuko obujiswayo ngokuswela ubugwebo.
24Oyeka uswazi lwake, uyamtiya unyana wake: kodwa omtandayo, uyafuna ukululekwa kwake kamsinyane.
25Olungileyo uyadla kude kube kukuhlutiswa kwomxe̔lo wake; kodwa isisu sabakohlakeleyo soswela ukutya.
Currently Selected:
Imizekeliso 13: XHO1902A
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902.
