मत्ती 20

अंगूर बगीचा गा मुंजरीकू गा उदाहरण

1यीशु मसीह लगातार इथू लठ्ठाका मंडीवा होय, स्वर्ग राज्य इनी उदाहरण रोंगो होय। जो कोरो फेजेर ओटके कि आमगा अंगूर गा बागिचान मुंजरीकूके कामय गेन येंडाकु। 2मेटे डीचनी मुंजरीकूटे कामय दडा घल्जी ठाहरातिंज्के मिनी म्या दिनार (म्या दिन गा मुंजीरी) मुंजरी ठाहरातिंजटे, दिकुके अंगूर बगिचान कामय घल्जी कुलकेकु। 3डी फेजेर गा अंदाजोटे नाऊ बाजान, डी कोरोनी अदा एठा मुंजरीकूके हाटीन टेंगेनटे डोकेकु, जो चोचकाभी बान दडा लक्के डा। 4डीचनी दिकुटे मंडीके, “आपे भी अंगूर गा बागिचान सेने, इंज आपेके म्या दिन गा ठहरातिंज्के मुंजरी जेबा।” मेटे दिकुभी कामय दडा ओले। 5डीचनी डयागेन एठा आफाई बजा गा डाबोलटे हाटीन ओले। एठा दूसरा मुंजीरीकु घाटाएन, दिकुके साही मुंजरी जिऊ गा वादा डावे एठा कामय गेन येंडाकेकु। 6अंदाजोटे सिंगरुप पाच बाजान डाबोलटे ओटजे डो दूसरा मुंजरी हाटीन टेंगेनटे डोकेकु। एठा दिकुटे मंडीके, “आपे चोया दिनभोर बिना कामय गा टेंगेनके? दिकुनी डीचके मंडीके इनिघल्जी कि जेकानी आलेके मुंजरीन येंडाडुका।” 7डीचनी दिकुटे मंडीके, “आपे भी इंजा अंगूर बगिचान सेने डो एठा कामय डाए, एठा इंज आपेके म्या दिन गा ठहरातिंज्के मुंजरी जेबा।”

8सिंगरूपनी अंगूर बागीचा गा स्वामी नी हेजा भांडरी मंडीके, “मुंजरीकूके हाकोटे आखरीन नी कामय गेन डोके कुरकू टे साटे पेला टाएन दिकुके मुंजीरी जिकी।” 9जब सेबाई मुंजीरीकु आदिरजे, जो मुंजीरीकु डया टे सिंगरुप गा पाच बाजान टाएन कामय गेन येंडाके डा। दिकुन म्या दिन गा ठहरातिंज्के मुंजरी दिन गा दिनार (म्या दिन गा मुंजीरी) घाटाएन। 10मुंजरीकू जो फेजेरा-फेजेर हेन डा, दिकुनी इनी धोटे समझातिंज्के, कि आलेन येठाभी घाटाऊवा। पेनो दिकुन भी म्या दिनार (म्या दिन गा मुंजीरी) घाटाएन। 11मेटे दिकु अंगूर बागीचा गा स्वामी लिंजेन कुरूकुरू टे मंडी लज्जे, 12“आखरीन हेनमिंकू इनी मुंजरीकूनी बस म्याका घंटा कामय डाके डा, एठा आमनी दिकुके भी देटोका मुंजरी जीके डो जो आलेके भी देटोका जिले। आलेनी मेटे गर्मीन पूरा दिन काडी महनातबे।” 13मालिकोनी दिकु तलाटे म्याखोम के जवाब जीके, “हे सोपती इंज्नी आमगा सेंग्गोन चोचकाभी धोका बान दडुका, इंज्नी आमके डीका मुंजरी जीके, डे लिंजेन आले सहमतके डा पूरा दिन कामय घल्जी ठहरातिंज्के मुंजरी म्या दिनार (म्या दिन गा मुंजीरी) मंडीडुका डा? 14अमा मुंजरीन डो सेने इंजा इच्छा इनी होय कि चोटो आमेन देटोका बदोन हेजे मुंजीरीकूके जिकी। 15पक्का रुपोटे इंजेन इनी हाक होयकी इंज इंजागा मर्जी रोंगो खर्चोएबा। आमेन जुलू बाकी होना चोयाकी इंज दूसरा बारेन दयालु मेना।” 16इनिघल्जी घोनेच सेबाई जो पेला होय, टाऊ मेना, एठा जो टाऊ होय, पेलाऊबा मेना। हाकोके मिंकुनी घोनेच होय, लेकिन कलाम्केमिंकू काम होय।

गुजू एठा डबोला टे जीटाऊ गा बारेन हेजे मिनी टेमो

(मरकुस 10:32-34; लूका 18:31-34)

17यीशु यरूशलेम शहर सेने लठ्ठाका बारह चेलाकूके एकलान सैय्येकु, एठा कोरान नी मंडी लज्जे। 18“डोगे, आले यरूशलेम शहर गेन सेनेवा होय, एठा कोरो गा कोण मुख्यायाजक एठा मूसा गा नियम इथूमिठाच गा टीन उठाएनेच मेना एठा दिकु डिच्के घोगेच गा लायको ठहरातिंज्के। 19एठा इंज्के अलग्गो जाटोकु गा टीन जेच्बा। एठा दिकु दियागा मजाक ऊळातीन्जेबा, दिया लिजेन उलीच बेजेवा, डीचके बाल्खा टे मुंडाएबा, एठा क्रूस लिंजेन पेळेजेचबा, एठा आफाई दिन इंज जीटाऊवा।”

म्या आंटे गा हेजा सानी गा घाल्जी उशार

(मरकुस 10:35-45)

20मेटे जब्दी गा कोणटे आंटे हेजा कोणकु सेंग्गोन नी दियागा मेरान हेके डो मंडीके, “हे गुरु, आले चाहतावा कि जो चोचकाभी आले अमाटे आसी टासो। 21यीशु नी डीचके मंडीके, आपे चोच चाहतावा कि देटेन दियाटे मंडीके, येदेन मंडीके, कि इन्जागा बरी कोणकिंज आमगा स्वर्ग गा राज्यन म्याखोम आम जेवना कोनेन म्याखोम आम डाखोरया कोनेन सुबान डाए।” 22यीशु नी जवाब जीके आपेन बान मालूम कि चोच आसिवा जो कासु इंज भोभागातिंजवा मेना, चोच आपे डी कासुके भोगातिंजेवा, दिकुनी डीचके जवाब जीके हा आपे भोगातिंजेवा। 23यीशु दिकुके मंडीके, आपे इंजगा कासुके भोगातिंजेवा पेनो इंजा डाखोरया एठा जेवना जेकाकेका सुबान इंजा कामय बाऊ होय, पेनो जे घाल्जी इंजगा बाटे कोंटे तैयारके दिकुका घांजी होय।

24इनी आजुमटे, भाग्यकु एठा चेलाकू दिकु याकूब एठा यूहन्ना लिजेन खिजोऊ लज्जे। 25मेटे यीशु नी चेलाकूके मेरान हाकोटे दिकुटे मंडीके, “आपे हाडाई होय कि जो कुरकू इनी दुनियान हाक मेंबा होय। दिकु इकुगा हाक गा इस्तामाल आपना इटान थंदळ कुरकू लिंजेन हाक दोडो घाल्जी दडावा होय। दिकुगा अगुवा कुरकू दिकुगा बातो ममानातिंज घाल्जी दिकुगा हाक इस्तामाल दडावा होय। 26पेनो आपे तलाटे येनोगो बान डाऊ जो आपे तलाटे खाट होना डा, देटेन आपेगा भाग्य आरोए। 27एठा जो आपे तलाटे जो याजक आरु टासो दिजेन दूसराकु गा सेवा दडा होना। 28डेनोगोका कोरो गा कोण होय दुसराकूगा सेवा दडा घाल्जी इनी दुनियान हेन डा। इंज इनिघल्जी बान हेजडुका कि दूसरा इंजा सेवा डाये। इंज चोटोका कुरकू के दिकुगा पापो टे आरागेच्बा गुजू जेबा।”

बरी अंधळा गा दोडो गा दान

(मरकुस 10:46-52; लूका 18:35-43)

29जब दिकु यरीहो शहर टे ओट लक्के डा, मेटे म्या खाट गर्दी दियागा टाऊटे ओले। 30एठा बरी अंधळाकिंज, जो सळक्को गा धुरान सुबानके डा, येटेन आजुमटे यीशु चेल्के होय, हाकोटे मंडी लज्जे, “हे प्रभु, दाऊद गा कोणकुटे, आले लिंजेन दया डाए।” 31घोनेच कुरकू नी डीचके कल्लाकेनेच, कि कायोम कि कायोमका थंदळके, पेनो दिकु एठाभी चिल्लातिंजटे मंडीके, “हे प्रभु, दाऊद गा कोणकुटे, आले लिंजेन दया डाए।” 32मेटे यीशु नी टेंगेनटे, दिकुके हाकोकेकु एठा मंडीके, “आपे चोच चाहतावा कि इंज आपिंज घल्जी डाए।” 33दिकिंजनी यीशु टे मंडीके, “हे प्रभु, येटेन आलेगा मेट खुल्लायु।” 34यीशु नी असान हेन्ड़ो दिकिंज गा मेट उठाजे, एठा दिकिंज तुरुटो दोडो लज्जे, एठा दियागा टाऊटे ओले।

Currently Selected:

मत्ती 20: GOKNT

Highlight

Copy