यूहन्ना 21
21
तिबिरियास समुद्र गा धुरान चेलाकू लिंजेन ओटबा
1इनी बातो बादोन यीशु नी हेज खुदके गलील समुद्र गा डीके तिबिरियास भी मंडीवा होय, डेगा धुरा लिंजेन चेलाकूके ओटके। एठा इनी रोंगो टे ओटके- 2शमौन पतरस एठा थोमा जो दिदुमुस मेंबा होय, एठा गलील जिल्हा गा काना पुरा गा नतनएल एठा जब्दी गा कोंटे एठा सेंग्गोन यीशु गा चेलाकू तलाटे दूसरा बरी गोलाके डा। 3शमौन पतरस नी दिकुटे मंडीके, “इंज काकू उठा चेल्के मेना।” दिकुनी दियाटे मंडीके, “आले अमा सेंग्गोन सेनेवा होय।” एठा दिकु तुरुटो का ओटजे डो डोंगा लिंजेन पेळेन, पेनो डी रातो चोचका बान उठाडुका। 4दूसरा दिन फेजेर आंगुटे यीशु नी धुरान टेंगेनके डा, चेलाकूनी बान चिनाडुका कि येटेन यीशु होय। 5मेटे यीशु नी दिकुटे मंडीके, “हे प्रियो, चोच आपे मेरान चोचका जोम गा होय?” दिकुनी जवाब जीके, “बाने।” 6डीचनी दिकुटे मंडीके, “डोंगा गा डाखुरी कोनेन जाली येंडाए, मेटे घाटाऊवा।” मेटे दिकुनी जाली येंडाके, एठा दिकुन येटो जादा काकू घटाएनकि दिकुटे जाली बान ओळु लज्जे। 7इनिघल्जी डी चेलानी दियाटे यीशु प्यार दोडो डा पतरस टे मंडीके, “येटेन नी प्रभु होय।” जब शमौन पतरस नी इनी आजुम्के कि देटेन प्रभु होय, मेटे डीचनी हेजा डी कपळे उरीये जो डीचनी कामय दडा टेमो आगुरुके डा। एठा समुद्रन ओएन। 8पेनो एठा चेलाकू डोंगा लिंजेन काकू कुटे भेट्टिके जाली ओळटेका हेन चोयाकी दिकु धुराटे अंदाजोटे म्या सेद्दी मीटर लेंक्कीन डा। 9जब दिकु धुरान आदिरजे, मेटे दिकुनी कोल्जा गा सिंगेल गेन काकू डोके डा एठा मेरान सोकळा भी डा। 10यीशु नी दिकुटे मंडीके, “जो काकू आपे आए उठाके होय डी तलाटे अदा सेगे।” 11शमौन पतरस नी डोंगा लिंजेन पेळेचटे म्या सेद्दी त्रेपन खापेट काकू कुटे भेट्टिके जाली धुरान ओळके एठा येटो काकूनौर थंदळेनभी जाली बान टयाडूका। 12यीशु नी दिकुटे मंडीके, “हेजे आटा जोमे।” एठा चेलाकू तलाटे जेकान भी येटो हिम्मत बान दडुका कि दियाटे कोम्बाराए, “आम जे होय?” चोयाकी दियेन मालूम डा कि येटेन प्रभु होय। 13यीशु नी सोकळा ठुल्के एठा दिकुके जीके एठा डेगा बादोन काकू भी। 14इनी आफाई बार होय कि यीशु नी गोएन मिठाच जाटे जीटाएन बादोन चेलाकू दर्शन जीके।
यीशु गा पतरस टे बातो चितो
15आटाजोम गा बादोन यीशु नी शमौन पतरस टे कोम्बाराके, “हे #21:15 डोगे इनी पद गेन मत्ती 16:17; यूहन्ना 1:42, 2;15 योना गा कोणटे शमौन चोच आम सच्चोन इनी दूसराकु टे येठाभी इंजा प्यारबा होय?” डीचनी दियाटे मंडीके, “हां प्रभु, आमेन मालूम होय कि इंज अमाटे प्यार दोडोवा होय।” डीचनी दियाटे मंडीके, “इंजागा मेंडा कोंटे देखभाल डाए।” 16यीशु नी डाबोलटे दूसरा बार दियाटे कोम्बाराके, “हे योना गा कोणटे शमौन चोच आम इंजाटे प्यार दोडोवा होय?” डीचनी दियाटे मंडीके, “हे प्रभु, आमेन मालूम होय, कि इंज अमाटे प्यार दोडोवा मेना।” डीचनी दियाटे मंडीके, “इंजागा मेंडा कोंकूटे राखवली डाए।” 17यीशु नी आफाई बार दियाटे कोम्बाराके, “हे योना गा कोणटे शमौन, चोच आम इंजाटे प्यार डोएबा होय?” पतरस नराजोएन, कि डीचनी डीचके आफाई बार येनेगो मंडीके, “चोच आम इंजाटे प्यार डोएबा होय?” डीचनी दियाटे मंडीके, “हे प्रभु, आमेननी सेबाईका मालूम होय। आम इनी मालूम होय कि इंज अमाटे प्यार दोडोवा मेना।” यीशु नी दियाटे मंडीके, “इंजा मेंडाकू गा जगली डाए। 18इंज आपेटे सच्चो-सच्चो मंडीवा मेना, जब आम जवान डा मेटे अमा मयांग टोलटे तोटेन चाहता डा देटेन इखाट डा। पेनो जब आम सानाऊबा मेटे अमागा टी फैलातिंजेवा एठा जेका आमके ठोलकोम्बा एठा आमके देटेन साकोम्बा येटेन आम बान सेने चाहतावा।” 19यीशु नी येनेगो इनी गघाल घल्जी मंडीके कि पतरस टोनोगो गुजूवा एठा परमेश्वर गा महिमा डाएवा। इनी मंडी गा बादोन डीचनी पतरस टे मंडीके, “इंजा चेला आरु घल्जी इंजा टाऊटे हेजे।”
यीशु एठा दियागा प्यारा चेला
20पतरस नी टाऊ आंगुरटे डी चेलाकू टाऊटे हेजे डोकेनेच दियाटे यीशु प्यार दोडो डा, जोजोम गा टेमोन यीशु गा बाजुन सुबांके डा एठा डीचनी यीशु टे कोम्बराके, “हे प्रभु अमा उठामिठाच जे होय?” 21डीचके धोटे पतरस नी यीशु टे मंडीके, “हे प्रभु, इनिजगा सेंग्गोन चोच डाऊवा?” 22यीशु नी दियाटे मंडीके, “अगर इंज चाहता कि देटेन इंजा हिरा टाएन जीटाका थंदळे, मेटे आमके इनिज टे चोच? आम इंजा आरु घल्जी इंजा टाऊटे हेजे।” 23इनिघल्जी चेलाकून इनी बातो फैलातिंजे कि देटेन बान गुजू, पेनो यीशु नी दियाटे इनी बान मंडीडुका डा, कि डीच गुजू बाने, पेनो इनी कि “अगर इंज चाहता कि देटेन इंजा हिरा टाएन जीटाका थंदळे, मेटे आमके इनिज टे चोच?”
उपसंहार
24एटेन डीका चेला होय, जो कोरोनी इनी सेबाई डोके डीचनी इनी बातो गा गवाही जीके होय, एठा जो कोरोनी इनी बातो ओल्के होय आले मालूम होय कि दियागा गवाही सच्चो होय। 25यीशु नी येठाभी घोनेच कामय डाके। अगर म्या-म्याखोम डाटे आले दिकुगा घाले धारे, मेटे इंज समझातिंजेवा मेना, कि पुस्तकनौर ओले धारे, डी दुनिया भोरेन बान ठाऊगु डा।
Currently Selected:
यूहन्ना 21: GOKNT
Highlight
Share
Copy
Want to have your highlights saved across all your devices? Sign up or sign in
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
