यूहन्ना 20
20
खाली कब्र
1इतवार गा फेजेर आंगु टेमो मरियम जो मगदेला गाँव टे डा अंधरान थंदळ टेका अदा दूसरा सेंग्गोन कब्र कोनेन हेन एठा घोटाके कब्र गा मु दराजोटे म्याधेळेन टे डोके। 2मेटे देटेन सळुपके एठा शमौन पतरस एठा डी दूसरा चेला गा मेरान दियाटे यीशु प्यार दोडो डा हेंडो मंडीके, “जेका प्रभु गा गोएन कोम्बोर काब्र तलाटे ओटटे साईय्ये। एठा आले बान मालूम कि डीचके तोटेन डोकेनेच होय।” 3मेटे पतरस एठा देटेन दूसरा चेला ओटटे कब्र कोनेन ओले। 4एठा बर्खिंज भी सेंग्गो-सेंग्गोन साळूप लक्के डा, पेनो दूसरा चेला पतरस टे खट्टेका साळुपटे कब्र कोनेन पेला पोचातींजे। 5एठा झुकातिंजटे बस कपळे सोटका डोके, मेटे देटेन तलन बान सेंडुका। 6मेटे शमौन पतरस दियागा टाऊ-टाऊ पोचातींजे एठा कब्र गा तलान ओले एठा कोम्बोरके उगुरका लम्बा कपळे गा पट्टी सोटका डोके। 7म्वार गेन उगुरके कपळे गा पट्टी, कोम्बोरके उगुरमिनी कपळे गा पट्टी सेंग्गोन बाने, पेनो अलग्गो का म्या जगान जेक्काका डोके। 8मेटे दूसरा चेला भी जो कब्र कोनेन पेला पोचातींजे डा तलान एठा धोटे विश्वास डाके कि यीशु गोएन मिठाच जाटे जीटाएन होय। 9पवित्र ग्रंथ गेन यीशु गा बारेन इनी पक्का रुपोटे ओल्के मेना डा कि देटेन हेजा गुजूटे डाबोलटे जीटाऊवा लेकिन दिकु आए टाएन समजातिंजडुका डा। 10मेटे इनी चेलाकू इकुगा उरान हिराएन।
मरियम मगदलीनी के दर्शन
11पेनो मरियम जो मगदेला गाँव टे डा जाम लठ्ठाका कब्र गा मेरान बल्लान टेंगेनके का एठा जाम-जाम कब्र कोनेन होम्बाटे, 12बरी स्वर्गदूत किंज्के पुलूम कपळे उरीमिनी म्याखोम के कपार गा जगा मेरान एठा दूसरा नंगा गा जगा मेरान सुबानटे डोकेकु, देटेन यीशु गा गोएन कोम्बोर डोके मेना डा। 13दिकुनी दियाटे मंडीके, “हे तराई, आम चोया जम्बा होय?” डीचनी दिकुटे मंडीके, “दिकु इंजा प्रभु गा कोम्बोरके टुलजे होय एठा इंजेन बान मालूम कि डीचके तोटेन डोकेनेच होय।” 14इनी मंडी गा बादोन देटेन टाउन आंगुरके एठा यीशु के टेंगेनटे डोकेनेच पेनो बान चिनाडुका कि देटेन यीशु होय। 15यीशु नी दियाटे मंडीके, “हे तराई, आम चोया जम्बा होय? जेके घगाटावा होय?” डीचनी सोकरी समझातिंजटे दियाटे मंडीके, “हे श्रीमान, अगर आम दियागा कोम्बोर साईय्ये होय मेटे इंजाटे मंडे कि डीके तोटेन डोके होय एठा इंज डीके सेगेवा।” 16यीशु नी दियाटे मंडीके, “मरियम!” डीचनी टाऊ आंगुरटे दियाटे इब्रानी भाषा गेन मंडीके, “रब्बूनी डेगा अर्थ हे गुरु।” 17यीशु नी दियाटे मंडीके, “इंजा नंगाके बाकी उठा। चोयाकी इंज आए टाएन बाटे गा मेरान माठान बान सेंडुका मेना, बनकी इंजा चेलाकू मेरान सेने डो एठा दिकुटे मंडीकी कि इंज इंजा बाटे, जो आपेगा बाटे भी होय, जो इंजा परमेश्वर, जो आपेगा परमेश्वर भी होय दिकु मेरान चेल्के मेना।” 18मरियम जो मगदेला गाँव टे डा डीचनी ओलेडो चेलाकूके घालके, “डीचनी प्रभु के डोकेनेच एठा प्रभु नी दियाटे बातोवे।”
चेलाकू गा तलान यीशु ओटबा
19डीका इतवार सिंगरुप टेमो जो पेला दिन डा, जब सेबाई म्या सेंग्गोन जमाएन, दिकुनी दराजो बंदोके डा, चोयाकी चेलाकू यहूदी अगुवाकु टे हिघराके डा। मेटे यीशु हेन एठा तलान टेंगेनटे दिकुटे मंडीके, “आपेन शांती घाटायु।” 20एठा इनी मंडीटे डीचनी दिकुके हेजा टी एठा हेजा सिपळी घाल्के, मेटे चेलाकू प्रभु के धोटे खुशोएन। 21यीशु नी डाबोलटे दिकुटे मंडीके, “आपेन शांती घाटायु, जो रोंगो टे इंजा बाटे नी इंज्के दुनिया गेन कुल्लेमी होय, डीका रोंगो इंजभी आपेके दुनिया गा कुरकू मेरान कुलकोम लक्के मेना।” 22इनी मंडीटे डीचनी दिकु लिंजेन होलोम्के एठा दिकुटे मंडीके, “पवित्र आत्मा ना। 23अगर आपे जेका गा पापो मापोएबा, दिकुगा पापो मापोएबा एठा जेगा पापो आपे मापोए बाने, दिकु इकुगा पापोन टोलका थंदळवा।”
दोडो एठा विश्वास दडा
(मत्ती 28:16-20; मरकुस 16:14-18; लूका 24:36-49)
24जब यीशु हेन डा, मेटे बारह चेलाकू तलाटे म्या चेला मतलब थोमा जो दिदुमुस मेंबा होय, दिकु सेंग्गोन बाऊनेच डा। 25जब दूसरा चेलाकू दियाटे मंडी लज्जे, “आलेनी प्रभु के डोकेनेच होय,” मेटे डीचनी दिकुटे मंडीके, “जब टाएन इंज दियागा टी गेन खिला गा गाए बान दोडो एठा खिला गा घाएनौर गेन इंजा बोटो बान येंडा टाएन एठा सिपळीन इंजा टी येंडाटे बान दोडो मेटे टाएन इंज विश्वास बान दडा, कि देटेन गोएन मिठाच जाटे जीटाएन होय।” 26म्या हाप्ता गा बादोन दियागा चेलाकू डाबोलटे उरा गा तलानकु डा एठा थोमा दिकुगा सेंग्गोन डा। दराजो बांदोके एठा यीशु दिकु तलान हेन टेंगेनजे एठा मंडीके, “आपेन शांती घाटायु।” 27मेटे डीचनी थोमा के मंडीके, “अमा बोटो येटेन सेगे डो इंजा टीके उठाए एठा अमा टी साटे इंजा सिपळीन येंडाए एठा शक दडा बंदोए, पेनो विश्वास डाए।” 28इनी आजुमटे थोमा नी जवाब जीके, “हे इंजा प्रभु, हे इंजा परमेश्वर!” 29यीशु नी दियाटे मंडीके, “थोमा, आमनी इंज्के धोटे विश्वास डाके, पेनो धन्य होय, दिकु दिकुनी इंज्के बान दोडुका लेकिन फिरभी विश्वास डाके।”
येटेन पुस्ताक यूहन्ना नी चोया ओलके
30यीशु नी येठाभी घोनेच अचम्बो कामय चेलाकू गा सम्मान घालके, जो इनी पुस्तक गेन बान ओलडुका। 31पेनो इनी इनिघल्जी ओलके मेना होय कि आपे विश्वास डाएका लक्कू, कि यीशु का परमेश्वर गा कोणटे, मसीह होय। एठा दिया लिंजेन विश्वास डा टे हमेशा गा जीवन घटायु।
Currently Selected:
यूहन्ना 20: GOKNT
Highlight
Share
Copy
Want to have your highlights saved across all your devices? Sign up or sign in
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
