MASMUR 2
2
Raja si ipilih Dibata
1Engkai maka bangsa-bangsa ngerencanaken pemberontaken?
Engkai maka kalak erpekat erbahan si sea-sea? #Perb 4:25-26
2Raja-rajana berontak,
penguasa-penguasa erpekat ngelawan TUHAN
dingen ngelawan raja si ipilihNa.
3Nina kalak e, “Mari sipulahi banta i bas kuasana nari;
mari siruntuhken kuasana.”
4I bas kursi kinirajanNa i Surga nari tawa TUHAN
iuru-uruNa sura-sura si sea-sea.
5IpersingetiNa kalak e alu pernembehNa,
dingen ipebiarNa ia alu rawaNa si gara.
6Nina TUHAN, “I Sion, delengKu si badia,
enggo Kutangkuhken rajangKu.”
7Nina raja e, “Kumomoken me kai si iperentahken TUHAN.
Nina TUHAN man bangku, ‘Kam kap anakKu;
sendah Aku kap jadi bapandu. #Perb 13:33; Heb 1:5; 5:5
8Pindolah, maka Kubereken man bandu kerina bangsa-bangsa;
kerina doni enda kam empuna.
9Alu ciken besi iperperkenndu ia kerina
iripukkenndu seh getem bali ras kudin taneh.’ ” #Ket 2:26-27; 12:5; 19:15
10Genduari o raja-raja, begikenlah kata persinget enda,
o kam pemerentah doni, begiken pelajaren enda:
11Sembahlah TUHAN alu gentar;
erjimpuhlah i lebe-lebeNa alu mbiar.
12Ola sempat keke rawaNa
jenari rempet kam mate ibahanNa.
Malem kal ate kalak
si ernalem man baNa.
Currently Selected:
MASMUR 2: BTX
Highlight
Share
Copy
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
