MASMUR 1
1
KITAP SI PEMENA
MASMUR 1–41
Kemalemen ate si tuhu-tuhu
1Malem me ate kalak
si la megiken pedah kalak jahat,
si la ngusih perbahanen kalak perdosa
si la erteman ras kalak megombang man Dibata.
2Tapi keriahenna e me matuhi Undang-undang TUHAN
dingen ngukurisa suari ras berngi.
3Ia seri ras batang kayu si turah i tepi lau anak
erbuah i bas paksana,
dingen bulungna pe la melus.
Sangap ia i bas kerina pendahinna. #Jer 17:8
4Tapi kalak jahat la bage;
ia bali ras segal iembus angin.
5Kerina kalak perdosa iukum Dibata,
dingen isirangken i bas bangsa Dibata nari.
6Kalak benar itegu-tegu dingen ikawali TUHAN,
tapi si jahat lit i bas dalan ku kebenen.
Currently Selected:
MASMUR 1: BTX
Highlight
Share
Copy
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
