MAHTE 7
7
Masha Kaga Hpe Jeyang Ai Lam
(Luk 6:37-38,41-42)
1“Karai Kasang e jeyang ai n hkrum myit ga, masha kaga ni hpe hkum jeyang myit, 2hpa majaw nga yang, nanhte masha kaga ni hpe jeyang ai hte maren Karai Kasang gaw nanhte hpe jeyang na marin dai; nanhte masha kaga hpe jeyang ai shaloi lang ai tara hte maren nanhte hpe jeyang na ra ai. #Mrk 4:24; Luk 6:38. 3Dai rai yang nanhte gaw tinang a myi hta rawng ai hpun tawng hpe n myit shakru ya ai mi, na nhpu nnau wa a myi hta rawng ai nbun hpe, hpa rai yu nga n ta? 4Na a myi hta hpun tawng rawng nga nlen, ‘chyeju hte na a myi hta na nbun hpe ngai lai kau ya de ga,’ ngu nna na nhpu nnau wa hpe nang kaning rai tsun gwi lu n ta? 5Sawt ai wa e, na a myi hta na hpun tawng hpe shawng lai kau u; dai hpang na a nhpu nnau wa a myi hta na nbun hpe lai kau ya na matu, nang asan sha mu lu na rin dai.
6“Chyoi pra ai arai hpe gwi ni hpe hkum jaw mu; shing rai yang shanhte mahtang nanhte hpe nhtang kawa na marin dai. Nanhte a hkachyi hpe wa ni a man e hkum kabai tawn mu, shing rai jang, dai ni tinang a lagaw hte dai hpe kabye kau na mara ai.
Hpyi Mu, Tam Mu, Akawk mu
(Luk 11:9-13)
7“Hpyi mu, shaloi nanhte lu na myit dai; tam mu, shaloi nanhte mu lu na myit dai; akawk mu, shaloi nanhte a matu chyinghka hpaw ya na ra ai. #Luk 9:9-10; Yhn 14:13; 15:7,16; Yak 1:5; 1Yh 3:22. 8Hpa majaw nga yang, hpyi ai wa kadai mung lu la ai; tam ai wa kadai mung mu la ai; akawk ai wa hpe mung chyinghka hpaw ya na wu ai. 9Nanhte kawa ni hta na kadai wa mi, shi a kasha muk hpyi yang, nlung jaw na wu ni? 10Shing n rai nga hpyi yang lapu jaw na wu ni? 11Nanhte zawn re ai n hkru n kaja ai ni pyi tinang a kasha ni hpe kaja ai kumhpa gara hku jaw na chye nga myit yang gaw, dai hta grau n-ga, sumsing lamu na nanhte a Kawa gaw, shi kaw hpyi ai ni hpe kaja ai kumhpa ni jaw na n rai hka! 12“Nanhte gaw, masha ni nanhte a matu hpa hkan galaw na tsaw matsaw hte maren, nanhte mung dai hku shanhte a matu hkan galaw mu: dai gaw Mawshe a jep ai Tara hte myihtoi ni a sharin shaga ai lam a lachyum nan rai nga ai. #Luk 6:31; Rom 13:8-10; Gal 5:14; 1Tm 1:5.
Gyip Ai Chyinghka Lam
(Luk 13:24)
13“Dai gyip ai chyinghka hku shang mu, hpa majaw nga yang, ngarai mung de hkrang ai chyinghka lam gaw dam lada rai nna loi nga ai majaw dai hta shang mat wa ai ni law la ma ai. 14Rai ti mung, asak hkrung ai de hkrang ai chyinghka chyawm gaw, gyip nga ai hte de a lam yak la nga ai rai nna, dai hpe mu tam ai ni n law la ma ai.
Hpun Hte De A Asi A Lam
(Luk 6:43-44)
15“Nanhte kaw sa du ai ntsa de sagu hpyi hpun tawn nna kata de amya sha na myit rawng ai chyahkyawn matse hte bung ai myihtoi masu ni hpe sadi let koi kau nga mu. #Eze 22:27; Mrk 13:22; Luk 6:26; Kas 13:6; 2Pe 2:1; 1Yh 4:1. 16Shanhte galaw ai sat lawat asi hte shanhte hpe nanhte chye lu na marin dai. Ju hpun ni hta na maihpang si di la lu a ni? 17Dai rai nna hkam kaja ai hpun shagu hta kaja ai asi si nga ai rai nna, hpun daw wa ai hpun chyawm gaw n ja ai asi si nga ai. 18Kaja ai hpun gaw n ja ai asi si lu ai n rai, hpun daw wa ai hpun mung, ja ai asi si lu ai n rai. 19Ja ai asi n si ai hpun shagu hpe gaw kran daw kau nna, wan hta kabai bang kau ai hkrum ma ai. #Mat 3:10; Luk 3:9; Yhn 15:2,6. 20Dai rai nna myihtoi masu ni hpe shanhte a sat lawat lailen hku nna chye lu na marin dai.#Mat 12:33.
Ngai Nanhte Hpe Galoi Mung N chye Made Ai
(Luk 13:25-27)
21“Ngai hpe, ‘Madu e, Madu e,’ nga ai ni yawng mayawng wa, sumsing lamu a Mungdan hta shang lu na ma ai n rai: Sumsing lamu hta nga ai, nye Wa a myit ra ai lam hte maren hkan galaw ai ni chyu sha shang lu na mara ai. 22Tara daw dan ai nhtoi du ai shaloi, ‘Madu e, Madu e, na a mying hte Karai Kasang a mungga hkaw tsun saga ai hte, na a mying hte nat law law hpe shaden kau nna, na a mying hte mauhpa magam amu law law shachyen saga ai,’ nga nna law law wa ngai hpe tsun na mara ai. 23Dai shaloi e, ‘Ngai nanhte hpe galoi mung n chye made ai; n hkru n kaja ai masha ni e, ngai kaw na pru mat wa mu!,’ ngu nna ngai shanhte hpe tsun na mawe ai. #Shk 6:8; Luk 13:25,27; 2Tm 2:19.
Nta Gap Ai Masha Lahkawng A Lam
(Luk 6:47-49)
24“Ndai nye a ga na nna hkan galaw ai wa kadai mung, tinang a nta hpe lunghkrung ntsa e gap da ai hpaji rawng ai wa hte bung nga ai.
25Dai marang htu nna, hka tung wa ai hte nbung bung wa nna, dai nta hpe ahtu wu timung, lunghkrung ntsa e gaw da nga ai majaw, n kadawng lu ai. 26Rai ti mung, nye a ga na nna n hkan galaw ai wa kadai mung, tinang a nta hpe zaibru jang e gap da ai masha angawk hte bung nga ai. 27Dai marang htu nna, hka tung wa ai hte nbung bung wa nna, dai nta hpe ahtu wu ai rai nna dai gaw kadawng daw mat ai; de a kadawng daw mat ai gaw nyawp rap rai nga ai!,” ngu nna hkaw dan mu ai.
Yesu A Ahkang Aya
28Ya Yesu dai ga ni hpe hkaw tsun ngut jang, shi sharin shaga ai lam hpe shawa masha ni mau mat nga ma ai. #Mrk 1:22; Luk 4:32. 29Hpa majaw nga yang, shi gaw tara sara ni zawn n rai, ahkaw ahkang atsam rawng ai ga hte shi shanhte hpe sharin shaga mu ai.
Currently Selected:
MAHTE 7: JCLB
Highlight
Share
Copy
Want to have your highlights saved across all your devices? Sign up or sign in
Jinghpaw Common Language Bible © Bible Society of Myanmar, 2009.