Actes Dingeninu
Dingeninu
Like rende bisangumu bibeye. Girege, Musamu wuboti, gyagwambili monyu yi Sesu mu butambe, dufu du andi ne durambugu du dufu. Gi mubeye, Bidyanzu bi Bilumbi, gyagwambili dibandu di dibundu di Sesu ne neve bilumbi banzile musamu andi. Beremwanzile gu Serisalem, sige gu binange bi duke ne gu melongu metsyenge nzube Mediterane gwandi. Re nane bevagile gidyanzu gi Sesu bevege, gi gwanze musamu boti gu batu be begulu botsu ne be migitse myotsu, bivunde ne begegi, bikiti ne begeli (Like 24.47-48; Bilumbi 1.8).
Gu gurende gisangumu gi andi, Like ivule batu babe mbeyi tsi bilombi bi bitange. Gu bilombi bimosi yandi beni Like abe vane. Dyalabeni mbare mu mirendu mimosi Like rende re «Yetu» (16.10-17; 20.5 - 21.18; 27.1 - 28.16).
Gisangumu gigabilu nane:
Girini 1-2 Gu dibandu di gisangumu gi Bidyanzu bi Bilumbi, Sesu pande gu nzambi ve mbeke Nyambi (1.9). Bandile gigumbi gine, asekunde gubange vane munongu mosi, tumbe avegitsile bilumbi Dinyuni Diboti, dyarugili gu Nyambi. Dinyuni dine di begaremusange gu gwanze mambu meneni me Nyambi vage. Ve dibandu kwange disukisilu di gisangumu gi Bidyanzu, Dinyuni Diboti bege batu bone gubinge Sesu ne gumuvagile gitu.
Girini 3-7 Bebingitsi be Sesu babange Sif. Vane Pyere ne bilumbi bimosi banzilange Sif gu Serisalem musamu boti re Sesu ayi Kirisete, kanangu ne mwobutsi wavingilu ne Sif. Dibundu di batu dyabingi ne guvagile Sesu gitu dirogange ke guroge. Tumbe bidyeti bi Sif bibusange.
Girini 8-12 Bebingitsi bendange kepagere mbure mu Sudé, gu Samari ne munzusu. Banze musamu boti gwandi gu batu be sandi Sif. Dine dibe dyambu dyone. Gigumbi gine, Sif beyabange re ke yawu Sif tsi guburu ne tsi kaluge be benze yabe Nyambi ngenze. Tumbe Sesu Kirisete gavegi mutu wotsu gube gyenze ne Nyambi. Mebundu me bane be Nyambi meburu nesi mu gari batu be sandi Sif, mabange sobegeni ne Sif ne besusu be batu. Kwange digumi ne bibeye di birini, Pyere re yi mutu suli mu gilombi gi gisangumu gi Mambu.
Girini 13-28 Bandile digumi ne birini bireru, ve nzime Pyere, Pol re mutu suli. Dibundu di Atyose yi Siri dimusale ne gumurume ne batu bemosi gu gwanze musamu boti wu Sesu mu mbure tsyotsu mu bulongu. Birini bine byagwambili mivevilu mi andi, neve musamu wuboti wulalegenile mu mugoluku Mediterane ne kwange gu Rom, yadi didume yi bulongu bu gigumbi gine.
Currently Selected:
Actes Dingeninu: SWJ
Highlight
Share
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES