Filipensis 2

Umildadi di Kristu ku si garandesa

1Bo vida na Kristu ta fasi bos forti, si amor ta konsola bos, Spiritu ta da bos#2 Kor 13.13; Kol 3.12-13 kumuñon, bo ta sinti garandi amor pa ŋutru, bo ta sinti pena di ŋutru. 2Suma ki sedu asin, bo ta kompleta ña#Jon 3.29; Rom 12.16 kontentamentu; bo ten un mesmu manera di pensa, mesmu amor, mesmu sintidu ku mesmu ideia. 3Ka bo fasi nada ku spiritu di kumbosadia#Rom 12.10; Gal 5.26; Tia 3.14; 1 Ped 5.5 o di garandesa, ma ku umildadi kada kin dibi di oja si kumpañer mas di ki el. 4I ka dibi di jubi son#Kap 2.21 pa si interes, ma pa di utru tambi. 5Sentimentu ku bo dibi di ten i kil ku Kristu Jesus#Mat 11.29; Jon 13.15 tenba, suma ku no ta kanta:

6“Sempri i teneba naturesa#Is 9.6; Zak 13.7; Jon 1.1-2; 17.5; 2 Kor 4.4; Eb 1.3 di Deus,

ma i ka kuda kuma i dibi di buska sedu igual ku Deus a forsa.

7I pui si kabesa suma#Sal 22.6; Is 53.3; Rom 15.3 nada;

i toma naturesa di#Is 42.1; 53.11; Ez 34.23-24; Zak 3.8; Mat 20.28 servu, i bida suma#Jon 1.14; Gal 4.4; 1 Tim 3.16 omi.

8Oca i staba na forma di omi,

i baŝa si kabesa; i yanda sempri na obdiensia#Mat 26.39,42; Jon 10.18; Eb 12.2

te mortu, ki mortu di krus.

9Pa e roson Deus yalsal te lugar mas#Jon 17.1-2,5; At 2.33; Eb 1.4 altu,

i dal un nomi riba di tudu utru nomi,

10pa tudu jinti na seu, ku tera, ku bas di tera,

ten ku finka juju#Is 45.23; Apok 5.13 pa da Nomi di Jesus rispitu.

11Kada boka ten ku konta klaru kuma Jesus Kristu i Siñor#Jon 13.13; 1 Kor 8.6

pa gloria di Deus no Pape.”

Lampra suma lus na mundu

12Asin, ña amigus ku N ama, suma ku bo obdisin#Ef 6.5 sempri ocan ku bos, gosi ku N ka sta la i mas importanti inda pa bo obdisi. Na rispitu ku medu bo pui bo salbason pa i tarbaja, 13pabia i Deus#2 Kor 3.5; Eb 13.21 ku ta tarbaja na bos pa da bos diseẑu ku puder pa kumpri si bon vontadi.

14Bo fasi tudu kusa sin keŝa o diskuti, 15pa bo pudi sedu puru, inosenti, fijus di Deus#Mat 5.14-16; 1 Ped 2.12 sin kulpa, ku na vivi na mundu di jinti mau i tortu. Bo ten ku lampra na se metadi suma strelas ku na numia mundu, 16kontra bo na da elis palabra di vida. Si bo fasi asin, N ta ten ku njata na bos na Dia#2 Kor 1.13-14; Gal 2.2; 1 Tes 2.19 di Kristu, pabia i ta mostra kuma tudu ña kurida ku ña tarbaju i ka sedu amonton.

17Si kontra ña sangi ten ku darmadu suma oferta#Rom 15.16; Kol 1.24; 2 Tim 4.6 riba di bo fe ku sedu suma sakrifisiu pa Deus, N ta kontenti; N ta rapati ña alegria ku bos tudu. 18Di mesmu manera, bo kontenti tambi; bo rapati bo alegria ku mi.

Timótiu ku Epafroditu

19Si i vontadi di Siñor Jesus, N spera kuma N ka na tarda pa manda bos#At 16.1 Timótiu, pa N pudi fika animadu pa obi bo noba. 20El i uniku ku ten sintidu suma mi, ku ta ten interes di bardadi pa bos. 21Tudu jinti ta kuda son#Kap 2.4; 1 Kor 10.24,33; 2 Tim 3.2; 4.10,16 di se kabesa; e ka ta mporta ku kil ki di Kristu Jesus. 22Abos propi bo sibi kuma ki da proba di si balur, manera ki tarbaja ku mi na sirvis di Bon Noba suma fiju#1 Kor 4.17; 1 Tim 1.1,18; 2 Tim 1.2 ku si pape. 23Asin N na pera manda bos el, ora ku N sibi kuma ku ña kasu na bai. 24N fia na Siñor kuma ami propi#Kap 1.25 N ka na tarda, N na bai nunde bos.

25N oja kuma i bon pa N manda bos no ermon Epafroditu, ña kumpañer#Kap 4.18; Filem 1-2 di tarbaju ku di luta, kil ku bo mandanba pa i judan na ña nesesidadi. 26I sinti saudadi di bos tudu; i fika ku kasabi suma ku bo obi kuma i staba duenti. 27Na bardadi i staba duenti, kuas pa muri, ma Deus ten pena del; i ka son del, ma tambi di mi, pa ka N ten tristesa riba di tristesa. 28E ku manda N na manda bos el mas dipresa, pa bo pudi ojal utru bias, bo fika kontenti; ami N ta ten menus tristesa. 29Asin bo risibil ku garandi kontentamentu, suma un ermon na Siñor. Bo rispita#1 Kor 16.16,18; 1 Tes 5.12; 1 Tim 5.17 jinti suma el, 30pabia i riska si vida, kuas pa muri, pabia di tarbaju di Kristu, pa dan ajuda ku abos bo ka pudi danba.

Currently Selected:

Filipensis 2: povB

Highlight

Copy