Popular Bible Verses from Filipensis 2

Share

Ka bo fasi nada ku spiritu di kumbosadia o di garandesa, ma ku umildadi kada kin dibi di oja si kumpañer mas di ki el. I ka dibi di jubi son pa si interes, ma pa di utru tambi.

Sentimentu ku bo dibi di ten i kil ku Kristu Jesus tenba, suma ku no ta kanta

“Sempri i teneba naturesa di Deus, ma i ka kuda kuma i dibi di buska sedu igual ku Deus a forsa. I pui si kabesa suma nada; i toma naturesa di servu, i bida suma omi. Oca i staba na forma di omi, i baŝa si kabesa; i yanda sempri na obdiensia te mortu, ki mortu di krus.

pabia i Deus ku ta tarbaja na bos pa da bos diseẑu ku puder pa kumpri si bon vontadi.

Pa e roson Deus yalsal te lugar mas altu, i dal un nomi riba di tudu utru nomi, pa tudu jinti na seu, ku tera, ku bas di tera, ten ku finka juju pa da Nomi di Jesus rispitu. Kada boka ten ku konta klaru kuma Jesus Kristu i Siñor pa gloria di Deus no Pape.”

Bo fasi tudu kusa sin keŝa o diskuti, pa bo pudi sedu puru, inosenti, fijus di Deus sin kulpa, ku na vivi na mundu di jinti mau i tortu. Bo ten ku lampra na se metadi suma strelas ku na numia mundu

Asin, ña amigus ku N ama, suma ku bo obdisin sempri ocan ku bos, gosi ku N ka sta la i mas importanti inda pa bo obdisi. Na rispitu ku medu bo pui bo salbason pa i tarbaja