Jon 2

Kasamenti na Kaná

1Tris dia dipus, festa di kasamenti fasidu na tabanka di Kaná, na area di Galileia; mame di Jesus staba la. 2Jesus ku si disipulus kumbidaduba tambi pa mati ki kasamenti. 3Oca biñu bin kaba, mame di Jesus falal: “E ka tene ja biñu.” 4Jesus ruspundil: “Mama,#Kap 19.26 ke ku no ten la? Ña ora#Kap 7.6,8,30; 8.20 ka ciga inda.” 5Mame di Jesus fala kriadus: “Bo fasi tudu kil ki fala bos.”

6Na ki kau i tenba seis puti di pedra pa pui yagu, ku judeus ta usaba pa sirmonia#Mar 7.3 di purifikason; kada puti pudi leba oitenta, o te sentu i vinti litru. 7Jesus fala kriadus: “Bo inci ki putis yagu.” E inci elis kun. 8Dipus Jesus fala elis: “Bo tira gora, bo leba ŝef di mesa.” E leba. 9Ŝef di mesa, kontra i purba yagu ku bida biñu, (oca i ka sibi di nunde ku ki biñu bin, ma son kriadus ku sibi, suma elis ku tira yagu,) i coma noivu 10i falal: “Tudu jinti ta sirbi bon biñu purmeru; ora ku jinti bibi ja rindidu, e ta kumsa pui kil ku mas ka sabi; ma abo bu guarda ki bon biñu te gosi.”

11I asin ku Jesus kumsa si sinalis na Kaná di Galileia; i mostra#Kap 1.14 si puder gloriosu; si disipulus fia nel. 12Dipus de kusas, Jesus bai pa tabanka di Kafarnaun ku si mame, si ermons ku si disipulus; e fika la puku dias.

Jesus purifika kasa di Deus

(Mat 21.12-17; Mar 11.15-18; Luk 19.45-48)

13Festival di Paskua di judeus#Kap 6.4; 11.55; Sai 12.14 staba pertu; Jesus bai Jerusalen. 14I oja jinti na kasa di Deus ku na bindiba turus ku karnel ku pumbas, ku torkiaduris di diñeru sintadu na mesa. 15Jesus kumpu un ŝikoti di korda, i tira elis tudu na kasa di Deus; tambi i bota turus na rua, ku karnel; i spaja diñeru di torkiaduris; i bati mesas; 16i fala jinti ku na bindi pumbas: “Bo tira e kusas di li! Ka bo fasi kasa di ña Pape#Luk 2.49 kau di bindi nel.”

17Si disipulus lembra di kusa ku skirbidu na Palabra di Deus, ku fala: “Amor pa bu kasa#Sal 69.9 na keman.”

18Judeus ruspundi, e punta Jesus: “Kal sinal#Kap 6.30; Mat 12.38 ku bu na mostranu kuma bu ten diritu di fasi asin?” 19Jesus ruspundi elis: “Bo bati e templu#Mat 26.61 li, N ta lantandal na tris dia.” 20Judeus falal: “E kasa leba korenta i seis anu pa i kumpudu; abo gora bu fala kuma na tris dia bu ta lantandal!” 21Ma templu ku Jesus na falaba del#1 Kor 3.16; 6.19; 2 Kor 6.16; Kol 2.9 i si kurpu. 22Oca ki lanta di mortu, si disipulus lembra#Kap 14.26; Luk 24.8 kuma i fala elis ba e kusa; e fia na Skritura, ku palabra ku Jesus fala.

23Oca Jesus staba na Jerusalen duranti festival di Paskua, manga di jinti oja sinalis ki na fasiba; e fia nel, 24ma Jesus propi ka fiaba na ki jinti, pabia i kunsi elis ba tudu. 25I ka pirsisaba pa ningin kontal aserka di jinti, pabia el i sibi diritu#Kap 6.64; 13.11; 16.30; 21.17; 1 Sam 16.7; 1 Kron 28.9; Sal 44.21; Mat 9.4; At 1.24; Apok 2.23 ke ku sta na se korson.

Currently Selected:

Jon 2: povB

Highlight

Copy