Jon 3

Jesus nsina Nikodemus kusas di nobu nasimentu

1I tenba un omi fariseu ku comadu#Kap 7.50; 19.39 Nikodemus, ku seduba ŝef di judeus. 2I bai pa Jesus di noti, i falal: “Rabi, anos no sibi kuma Deus mandau pa bu bin nsinanu, pabia ningin ka pudi fasi e sinal#Kap 9.16,33; At 2.22; 10.38 ku bu ta fasi si Deus ka sta ku el.” 3Jesus ruspundil: “N na kontau bardadi kuma, kin ku ka padidu utru bias#Kap 1.13; 2 Kor 5.17; Gal 6.15; Ef 2.10; Tia 1.18; 1 Ped 1.3,23; 1 Jon 3.9 ka pudi oja renu di Deus.” 4Nikodemus puntal: “Kuma ku un omi beju ta pudi padidu utru bias? Nta i pudi miti na bariga di si mame pa i torna padidu?” 5Jesus ruspundil: “N na kontau bardadi, kin ku ka padidu di#Titu 3.4-5; 1 Ped 3.21; 1 Jon 5.6-8 yagu, tambi di Spiritu di Deus, i ka pudi yentra na renu di Deus. 6Na kurpu algin ta padidu na si papes; spiritualmenti i ta padidu na Spiritu di Deus. 7Ka bu dimira suma ku N falau kuma i pirsis pa bu padidu utru bias. 8Bentu ta supra#Ekl 11.5; 1 Kor 2.11 nunde ki misti; bu ta obi si baruju ma bu ka ta sibi nunde ki ta sai nel, nin pa nunde ki na bai. I asin tambi ku tudu jinti ku padidu di Spiritu di Deus.”

9Nikodemus ruspundi, i puntal: “Kuma ku e kusas pudi sedu?” 10Jesus puntal: “Abo i mestre na Israel, bu ka ntindi e kusas? 11N na kontau bardadi, anos no ta papia ke ku no sibi, no ta diklara kil ku no oja, ma bo ka seta no palabra. 12Si N fala bos aserka di kusas di tera, bo ka fia, kuma ku bo na fia si N fala bos aserka di kusas di seu? 13Ningin ka subi na seu#Kap 6.33,38,50-51,62; 16.28; Dit 30.4; 1 Kor 15.47; Ef 4.8-10 si i ka kil ku ria di seu, ku sedu Fiju di omi.

14“Suma ku Moisés lantanda#Kap 8.28; 12.32; Num 21.9 serpenti di feru na lala, i asin tambi ki pirsis pa Fiju di omi lantandadu, 15pa tudu kil ku setal i ta tene vida ku ka ta kaba. 16Deus ama#Rom 5.8; 1 Jon 4.9-10,14 jinti di mundu dimas, tok i da si uniku Fiju, pa tudu kil ku setal ka ta pirdi, ma i ta tene vida#Kap 3.36; 5.24; 6.40,47; 20.31; 1 Jon 5.11-12 ku ka ta kaba. 17Deus ka manda si Fiju pa i bin kondena mundu, ma pa i#Kap 8.11; 12.47; Luk 9.56 salbal.

18“Kin ku setal ka na kondenadu, ma kin ku ka setal i sta ja kondenadu, pabia i ka seta uniku Fiju di Deus. 19Kondenason i es: lus bin#Kap 1.4,9-11 mundu, ma jinti ama mas sukuru di ki lus, pabia kusas ke ta fasi i mau. 20Tudu kilis ku ta fasi mal e ka ta gosta#Jo 24.13,17; Ef 5.13 di lus, ma e ta libra del, pa kusas mau ke ta fasi ka ojadu. 21Kilis ku ta fasi kusas di bardadi e ta bin pa lus, pa se tarbaju pudi ojadu, pabia e ta fasil ku Deus.”

Jesus ku Jon Batista

22Dipus de kusas, Jesus bai ku si disipulus pa tera di Judeia. I fika la juntu ku elis, i na batisa#Kap 4.2 jinti. 23Jon na batisa na un lugar comadu Enon, pertu di Salin, pabia i tenba la manga di yagu; jinti ta baiba la#Mat 3.5-6 pa e batisadu. 24Jon ka puduba inda#Mat 14.3 na kalabus.

25Utru disipulus di Jon e bin na diskuti ku un ŝef di judeus aserka di sirmonia di purifikason. 26E bai pa Jon, e falal: “Rabi, kil ku staba ku bo na utru ladu di riu Jordon, ku bu falanu#Kap 1.15,27,34 aserka del, i na batisa; tudu jinti na bai nunde el.”

27Jon ruspundi: “Ningin ka pudi risibi nada#1 Kor 4.7; Eb 5.4; Tia 1.17 si Deus ka dal el. 28Abos propi i tustumuña di ke ku N fala, kuma ami i ka#Kap 1.20; Mal 3.1 Mesias, ma N mandadu si dianti. 29Kil ku tene noiva#2 Kor 11.2; Ef 5.25-27; Apok 21.9 i noivu, ma amigu di noivu ku sta ku el, i ta obil, i ta kontenti ku vos di noivu. De manera ña alegria sta ja kompletu. 30I pirsis pa el i kirsi, ami pa N menusa.”

31Kil ku bin di riba#Kap 8.23; Rom 9.5; 1 Kor 15.47; Ef 1.20-21 sta riba di tudu jinti. Kin ku bin di tera i di tera, i ta fala kusa di tera. Kil ku bin di seu sta riba di tudu. 32I ta konta kil ki oja ku kil ki#Kap 3.11; 8.26; 15.15 obi, ma ningin ka ta seta si palabra. 33Kin ku seta si palabra i ta konfirma#Rom 3.4; 1 Jon 1.10; 5.10 kuma Deus ta fala bardadi. 34Kil ku Deus manda i ta papia#Kap 7.16 palabra di Deus, pabia Deus ta dal si Spiritu sin midil. 35Deus Pape ama si Fiju, i ntregal#Kap 5.20; 13.3; Luk 10.22 tudu kusas na si mon. 36Kin ku seta Fiju#Kap 3.16 i ta tene vida ku ka ta kaba, ma kin ku ka seta Fiju i ka ta oja vida; kastigu di Deus na fika riba del.

Currently Selected:

Jon 3: povB

Highlight

Copy