Jon 4

Minjer di Samaria

1Fariseus obi kuma Jesus na fasi jinti disipulus, i na batisaba mas di ki Jon. 2(Ma i ka Jesus ku na batisaba jinti; i si disipulus.) 3Oca ku Jesus obi ke ku na faladu, i sai na Judeia, i riba pa Galileia. 4I tenba ku pasa na Samaria.

5I bai pa un prasa di Samaria ku ta comadu Sikar, pertu di terenu#Kum 48.22; Jos 24.32 ku Jakó daba si fiju José. 6I staba la un fonti ku seduba di Jakó. Jesus kansaba yanda, i sinta pertu di fonti, oca me-dia pertu.

7I bin bin na fonti un minjer di Samaria pa kata yagu. Jesus falal: “Patin yagu pa N bibi.” 8Si disipulus baiba kumpra kumida na prasa. 9Minjer di Samaria fala Jesus: “Abo i judeu, bu na pidin, ami samaritanu, yagu di bibi!” (Pabia judeus ka ta filaba#2 Re 17.24; Luk 9.52-53; 10.33-35 ku samaritanus.) 10Jesus falal: “Si bu sibiba ke ku Deus tene pa da, o bu sibi tambi kin ku na pidiu yagu, bu ta pidilba, el i ta dau yagu#Is 12.3; 44.3; Jer 2.13; Zak 14.8 ku ta da vida.” 11Minjer ruspundil: “Siñor, bu ka tene kusa pa kata yagu ku el, e fonti i fundu; nunde ku bu na tira yagu ku ta da vida? 12Nta bu mas garandi di ki no pape Jakó ku fikanu ku e fonti? El propi ku si fijus ku si limarias e bibi e yagu.” 13Jesus falal: “Kin ku bibi e yagu li i na torna tene sedi mas, 14ma kin ku bibi yagu ku ami N na dal i ka ta torna tene sedi mas, pabia yagu#Kap 6.35; 7.37-38 ku N na dal i ta fasi nel fonti di yagu bibu ku ta darma pa vida ku ka ta kaba.” 15Minjer falal: “Siñor, dan#Kap 6.34 ki yagu, pa N ka torna tene sedi, nin pa N ka torna bin kata yagu li.” 16Jesus falal: “Bai coma bu omi, bu bin li.” 17Minjer ruspundil: “N ka tene omi.” Jesus falal: “Bu papia diritu, manera ku bu fala bu ka tene omi, 18pabia bu teneba ja sinku omi; kil ku bu tene gosi i ka bu omi; kil ku bu fala i bardadi.”

19Minjer falal: “Siñor, N oja kuma abo i anunsiadur. 20No papes ta adoraba Deus ne monti; abos judeus bo fala kuma son na Jerusalen ku jinti dibi di adora#Lei 12.4-5,11; 1 Re 9.3 Deus nel.” 21Jesus falal: “Minjer, bu pudi fia kuma, ora na ciga ki ka na sedu ne monti, nin na Jerusalen, ku bo na adora#Mal 1.11 ña Pape. 22Abos bo ta adora kil ku bo ka#2 Re 17.29 kunsi; anos no ta adora kil ku no kunsi, pabia salbason bin di#Is 2.3; Luk 24.47; Rom 9.4-5 judeus. 23Ora na bin, i ciga ja, ku adoraduris di bardadi na adora ña Pape ku Spiritu#Kap 14.17; 1 Kor 3.16; Fil 3.3 ku bardadi, pabia ña Pape ta buska kil ku ta adoral asin. 24Deus i#At 17.24-29; 2 Kor 3.17 Spiritu; i pirsis pa kil ku na adoral pa i adoral ku Spiritu ku bardadi.” 25Minjer falal: “Ami N sibi kuma Mesias” (ku ta comadu Kristu) “i na bin; ora ki bin i na kontanu tudu.” 26Jesus ruspundil: “Ami ki Kristu, ami ku na papia#Kap 9.37 ku bo.”

27Na ki ora disipulus di Jesus ciga, e fika dimiradu suma ku Jesus na papiaba ku un minjer, ma ningin ka puntal: “Ke ku bu misti?” o: “Pabia di ke ku bu na papia ku el?” 28Minjer disa si puti, i bai pa prasa, i fala jinti: 29“Bo bin jubi un omi ku kontan tudu kusas ku N fasi na ña vida. Nta es i ka Mesias?” 30Ki jinti sai na prasa, e bai pa Jesus.

Tempu di kebra

31Na ki ora ku minjer bai, disipulus di Jesus ngodal, e falal: “Rabi, kume.” 32Jesus fala elis: “N tene kumida pa kume ku bo ka kunsi.” 33Disipulus kumsa na punta ŋutru: “Algin tisil kusa di kume?” 34Jesus fala elis: “Ña kumida i pa N fasi vontadi#Kap 5.30; 6.38; 17.4; 19.30 di kil ku mandan, pa N kompleta si tarbaju. 35Nta bo ka ta fala kuma i ten kuatru mis pa tempu di kebra ciga? Ali N na fala bos: Bo yalsa uju, bo jubi labur ku sta ja maduru pa kebra.#Mat 9.37; Luk 10.2 36Kin ku kebra ta risibi#Dit 11.18; Dan 12.3; 1 Kor 3.8; 2 Jon 8 pagamentu; i ta junta frutu pa vida ku ka ta kaba, pa kil ku ta sumia ku kil ku ta kebra, tudu ta fika kontenti. 37Ditadu i bardadi ku fala kuma un ta sumia, utru ta kebra. 38Ami N manda bos kebra lugar ku bo ka tarbaja. Utrus tarbaja, abos bo bin purbita di se tarbaju.”

39Manga di samaritanu di ki prasa seta Jesus, pa palabra ku minjer testifika kuma, i falal tudu kusas ki fasi na si vida. 40E bai pa Jesus, e pidil pa i fika ku elis. I fika ku elis dus dia. 41Manga di jinti setal pabia di si palabra. 42E fala minjer: “Gosi i ka pabia di bu palabra ku pui no fia, pabia anos propi#Kap 17.8; 1 Jon 4.14 no obil; no sibi kuma el, na bardadi, i Salbadur di mundu.”

Jesus kura fiju di un funsionariu

43Dus dia dipus, Jesus sai di la, i bai pa Galileia. 44El propi i fala kuma un anunsiadur ka ta rispitadu#Mat 13.57 na si propi tera. 45Oca i ciga na Galileia, jinti di ki tera risibil, pabia elis tambi e baiba festival, e oja tudu kusas#Kap 2.23; 3.2 ki fasi na Jerusalen na ki dia.

46Jesus bai utru bias pa tabanka di Kaná, na Galileia, ki kau nunde ki bidanta#Kap 2.9 yagu biñu. I tenba la un funsionariu ku si fiju staba duenti na Kafarnaun. 47I obi kuma Jesus na binba di Judeia pa Galileia. I bai pa el, i rogal pa i bai kural si fiju ku sta kuas pa muri. 48Jesus falal: “Si bo ka oja sinal ku milagri#1 Kor 1.22 bo ka ta fia.” 49Funsionariu pidil: “Siñor, no bai antis di ña fiju muri.” 50Jesus falal: “Bai, bu fiju#Mat 8.13 na bibu.”

Omi fia na palabra di Jesus, i riba. 51Oca ki na bai, si kriadus bin kontra ku el na kamiñu, e falal kuma si fiju sta ja bon. 52I punta elis kal ora ki fika minjor. E ruspundil: “Aonti na uma ora di tardi febri sai nel.” 53Pape di mininu lembra kuma i sedu na ki ora ku Jesus falal kuma si fiju na bibu. I fia, ku tudu jinti di si kasa.

54Jesus fasi e sugundu milagri oca ki na bai di Judeia pa Galileia.

Currently Selected:

Jon 4: povB

Highlight

Copy