PALABURU 36

Muli i Esau

36:1-19

(1 Taw. 1:34-37)

1Seʼimo waʼa muli i Esau anu ndapapotoʼo woʼu i Edomi. 2#Pal. 26:34 I Esau mamporongo tatogo weʼa nto Kanaʼa, inceʼemo i Ada, ana i Elo to Heti, i Oholibama, ana i Ana pai makumpu i Sibeo to Hewi; 3#Pal. 28:9 I Basima ana i Sumaila tuaʼi i Nebayo. 4I Ada mampoana i Elipa, i Basima mampoana i Rehueli, 5pai i Oholibama mampoana i Yeusi, i Yaelami pai i Kora. Pura-pura ananggodi setu ndapoana ri tana Kanaʼa.

6Ungkalairia napalaika i Esau i Yako, malai siʼa ri tana anu sambakanya nakeni pura-pura rongonya, waʼa ananya sangkani pai pura-pura bangani banuanya, sangkani pai waʼa mpinatuwunya pai waʼa aga-aganya anu narata ri tana Kanaʼa. 7I Esau mogaʼa pai i Yako ua maria gaga aga-aga ntau seʼe painaka bareʼe madago da sangkani-ngkani. Pai ri tana kareʼe ntau seʼe setu bareʼe gana pada da pangkambi waʼa mpinatuwu ntau seʼe anu maʼai ngkasondo setu. 8I Esau anu ndapapotoʼo woʼu i Edomi, rodo ri buyu mongkodo Seiri.

9Waʼa muli i Esau ngkai nto Edomi setu inceʼemo. 10-13Rongo i Esau anu mampotoʼo i Ada mampoana sambaʼa ana tuama, toʼonya i Elipa. Pai i Elipa mampotumpu alima ana tuama, inceʼemo: i Temani, i Omari, i Sepo, i Gaetami pai i Kenasi. i Elipa mamporewu rongo piara, toʼonya i Timina. Siʼa mampoana sambaʼa ana tuama toʼonya i Amale.

Rongo i Esau anu mampotoʼo i Basima mampoana sambaʼa ana tuama toʼonya i Rehueli. Pai i Rehueli mampotumpu aopo ana tuama inceʼemo: i Nahati, i Sera, i Sama, pai i Misa.

14Rongo i Esau anu mampotoʼo Oholibama, inceʼemo ana i Ana makumpu i Sibeo, mampoana tatogo ana tuama, inceʼemo: i Yeusi, i Yaelami pai i Kora.

15Seʼimo toʼo waʼa anu mampanaʼuka waʼa lemba muli i Esau: i Elipa, ana uyue i Esau, siʼamo anu mampomulika to Temani, to Omari, to Sepo, to Kenasi, 16to Kora, to Gaetami, pai to Amale. Tau seʼe pura-pura muli i Ada rongo i Esau.

17I Rehueli ana i Esau, siʼamo anu mampomulika waʼa lemba: to Nahati, to Sera, to Sama pai to Misa. Tau seʼe pura-pura muli i Basima rongo i Esau.

18Waʼa lemba tondanya seʼi inceʼe muli i Esau ungka ri rongonya anu mampotoʼo Oholibama ana i Ana, inceʼemo: to Yeusi, to Yaelami pai to Kora. 19Pura-pura lemba setu muli i Esau.

Muli i Seiri

36:20-30

(1 Taw. 1:38-42)

20-21Bangani mpuʼu tana Edomi, reʼe bara tesangkuja lemba muli i Seiri, to Hori. Waʼa lemba setu inceʼemo: to Lotami, to Sobali, to Sibeo, to Ana, to Disoni, to Eseri pai to Disani.

22I Lotami inceʼemo ngkai nto Hori pai to Hemani. (I Lotami reʼe kasangkomponya anu weʼa toʼonya i Timina).

23I Sobali inceʼemo ngkai nto Aliwani, to Manaha, to Ebali, to Sepo pai to Onami.

24I Sibeo mampotumpu radua ana tuama, inceʼemo i Aya pai i Ana. (I Ana seʼimo anu marata waʼa mata ue mapane ri pada bone, ri tempo pangkambinya waʼa ngkalide mpapanya). 25-26I Ana inceʼemo papa i Disoni inceʼemo ngkai nto Hemadani, to Esibani, to Yitarani pai to Kerani. I Ana seʼe woʼu reʼe ananya anu weʼa, toʼonya i Oholibama.

27I Eseri inceʼe ngkai nto Bilani, to Sawani pai to Akani.

28I Disani inceʼemo ngkai nto Usi pai to Arani.

29-30Inceʼimo waʼa lemba nto Hori ri tana Edomi: to Lotami, to Sobali, to Sibeo, to Ana, to Disoni, to Eseri pai to Disani.

Waʼa mokole nto Edomi

36:31-43

(1 Taw. 1:43-54)

31-39Ri kabareʼepanya reʼe mokole anu moparenta ri to Isaraeli, waʼa mokole anu da ndaimbasi seʼi anu moparenta ri tana Edomi, mombembesawani:

I Bela ana i Beori ungka ri Dinihaba.

I Yoba ana i Sera ungka ri Bosara.

I Husami ungka ri tana Temani.

I Hadade ana i Bedadi ungka ri Owiti (siʼamo anu manganangi to Mijea ri poʼiwali ri tana Moabi).

I Samila ungka ri Masareka.

I Saulu ungka ri Rehobo ri wingke ngkoronya.

I Baali-Hana ana i Akabori.

I Hadare ungka ri Pahu (rongonya i Mehetabeli ana i Metireda pai makumpu i Mesahabu).

40-43I Esau inceʼemo ngkai waʼa lemba nto Edomi anu da ndaimbasi seʼi: to Timina, to Alawa, to Yeteta, to Oholibama, to Ela, to Pinone, to Kenasi, to Temani, to Mibisari, to Magadieli pai to Irami. Sambaʼa-sambaʼa seʼe lemba mampapotoʼo daera kareʼe mpearinya pai toʼonya.

Currently Selected:

PALABURU 36: LAIPMF

Highlight

Copy