PALABURU 34
34
I Sikemi majaĘĽati i Dina
34:1-31
1Ri anu sandeme, i Dina ana i Yako anuweʼa pai Lea, njoʼu ri waʼa embanya to Kanaʼa. 2Butu nakita i Sikemi ana i Hemori to Hewi anu mewali mokole ri wilayah setu i Dina, napoloncoka anaweʼa setu nepa najaʼati. 3Pai lawi metakamo kojo rayanya ri Dina, napomawomo kojo siʼa pai napari-pari da naka anaweʼa setu woʼu mampomawo siʼa. 4Natoʼo i Sikemi ri papanya, “Kuperapi papa da naka ndipari-pari da naka kuleʼo mamporongo anaweʼa setu.”
5Nadonge i Yako, karoonyamo ndajaĘĽati ananya, paikanya ua waĘĽa ananya ntongo njau majagai pinatuwunya ri pada, bareĘĽe nakoto mampowia bara nunjaa-njaa ri kabareĘĽepanya mewalili tau seĘĽe.
6Ratamo i Hemori papa i Sikemi ri Yako da mogombo pai siʼa. 7Sindara setu mewalilimo waʼa ana i Yako ungka ri pada. Madonge anumewali setu, jingki raya pai masengke raya ntau seʼe. Maka ua ndapajaʼati i Dina setu kamonconya i Sikemi mampetikodimo pura-pura to Isaraeli. 8Natoʼo i Hemori ri Yako, “Anaku i Sikemi metakamo rayanya ri anamu, mewali kuperapi da mabuya rayamu da naka anaku mamporongo siʼa. 9Mewali maʼimo tapampareʼe kasintuwu kono bancamu pai bancaku da mombeporongoka. 10Pai komi maya maroo-roo sangkani-ngkani pai kami ri tana seʼi; ri mbeʼi ntano pepokonomu. Komi maya mobalu-balu mampasambaka aga-agami.”
11Ungkalairia mompau i Sikemi pai papa i Dina pai waʼa ntukakanya, “Kuperapi da ndibangani perapiku seʼi, nepa da kuwaika komi nunjaa ntano anu ndipokono ndiperapi. 12Nditoʼomo pombai nunjaa anu ndipodaraya, pai ndapakanotomo sangkuja oli mporongo. Da kuwai nunjaa anu ndiperapi, podoia ndiwai yaku mamporongo anaweʼa setu.”
13Ua karoonyamo najaʼati tuaʼi ntau seʼe i Dina, inceʼe painaka nambambasi ntau seʼe i Sikemi pai papanya i Hemori. 14Natoʼo ntau seʼe ri tau radua setu, “Manee raya mami da mangawai tuaʼi mami setu da molangkai pai tau anu bareʼe ndasuna. 15Da kasintuwunaka perapimi setu paikanya sangadi ndilulu ada seʼi, inceʼemo: Komi sangadi da mewali ewa kami, posokinya pura-pura tuama ri komi sangaya-ngaya da ndasuna. 16Ane roomo inceʼe da kasintuwunakamo perapimi kono da pombeporongoka setu. Kami da rodo mpaliu ri oyomi pai da mewali sambaʼa-mbaʼa banca pai komi. 17Paikanya ane bareʼe ndipokono mantarima waʼa ada mami, pai bareʼe ndipokono ndasuna, da katima muni anaweʼa setu nepa malai kami.”
18Naepe i Hemori pai Sikemi ada setu sintinaja, 19painaka natarima i Sikemi ada setu ua pampomawonya i Dina. Pai ri oyo waĘĽa ntinanya i Sikemi seĘĽimo anu ndapedongeka paunya.
20Ungkalairia njoʼumo i Hemori pai i Sikemi ri kareʼe mpogombo ri baa-baa ngkota, njairia tau seʼe mompau pai waʼa ntau bangani ngkota setu, natoʼo ntau seʼe ewaseʼi, 21“Waʼa nto Isaraeli setu inceʼe baleta. Mewali waikamo nakaroo-roo ntau seʼe ri tana seʼi sangkani-ngkani pai kita pai bereʼe kasubunya tau seʼe malai wainjoʼu-waimaʼi malulu pepokono ntau seʼe. Tana seʼi bangke, gana tapeari sangkani-ngkani pai tau seʼe. Kita maya mamporongo waʼa anaweʼa ntau seʼe, ewanceʼe seʼe tau seʼe maya mamporongo waʼa anaweʼata. 22Paikanya waʼa ntau setu podo da napokono maroo-roo pai kita pai da mewali sambaʼa-mbaʼa banca pai kita ane tapokono malulu ada ntau seʼe, inceʼemo: pura-pura tuama ri oyota sangaya-ngaya da ndasuna ewa tau seʼe. 23Mewali pura-pura pinatuwu pai waʼa aga-aga ntau seʼe kitamo da mampotumpu. Mewali mbolimo kita masintuwunaka perapi ntau seʼe da naka napokono ntau seʼe maroo-roo pai kita.” 24Pura-pura waʼa ntau anu njau njairia masintuwunaka totoraka i Hemori pai Sikemi, inceʼe painaka pura-pura tuama anu bangkemo ri oyo ntau seʼe ndasuna.
25Pusa tatogo ndeme, sindara waĘĽa ntuama setu ntongo mantodosaka pemotosi mpasuna, radua ana i Yako tukaka i Dina anu mampotoĘĽo i Simeo pai Lewi, mantima ngkaroo penainya, nepa mesua mponjii-njii ri raya ngkota. Ungkalairia napepate ntau seĘĽe pura-pura tuama anu njau njairia, 26tesuamo woĘĽu i Hemori pai i Sikemi. Nepa natima ntau seĘĽe i Dina ungka ri banua i Sikemi nakeni mpalai. 27Roo nalebatusaka ntau seĘĽe waĘĽa ntuama setu, mesuamo ana i Yako anu ntaninya mamuru ri raya ngkota setu, mampesawaki pajaĘĽati ntau setu tuaĘĽi ntau seĘĽe i Dina. 28Natima ntau seĘĽe waĘĽa mbula, bimba, japi, kalide pai mpengaya-ngaya anu reĘĽe ri raya ngkota pai ri pada. 29Natima ntau seĘĽe waĘĽa aga-aga anu manyuli, natawani ntau waĘĽa mbeĘĽa pai ananggodi, pai mampamuru pura-pura bangani waĘĽa banua ri kota setu.
30Natoʼo i Yako i Simeo pai Lewi, “Komi mampakasusamo yaku. Seʼi-seʼi waʼa nto Kanaʼa pai to Perisi pai pura-pura tau anu reʼe ri tana seʼi da mampobanciikamo yaku. Kita seʼi bareʼe maria imbata; ane mompasanjuyu tau seʼe da mangaewa yaku, pura-pura kita da naʼopisaka.”
31Paikanya mesono tau seʼe, “Kami bareʼe loʼu raya mami da mampapaliuka tuaʼi mami napowia ntau ewa weʼa wongo.”
Currently Selected:
PALABURU 34: LAIPMF
Highlight
Share
Copy
Want to have your highlights saved across all your devices? Sign up or sign in
