PALABURU 13
13
PogaĘĽa i Burahima pai LoĘĽoti
13:1-13
1Napalaika i Burahima tana Masiri, malai siĘĽa njoĘĽu ri tondo utara, natotoka tondo selata ntana KanaĘĽa, sangkani pai rongonya pai waĘĽa aga-aganya, njoĘĽu woĘĽu pai LoĘĽoti. 2I Burahima koreĘĽemo kojo; siĘĽa mampotumpu bimba, mbula, japi, ewanceĘĽe seĘĽe salaka pai wuyawa. 3Palainya seĘĽe bareĘĽe rodo sambaka-mbaka pai melimba-limba natotoka Beteli. Rata siĘĽa ri daera ri oyo Beteli pai Ai, kareĘĽe anu moĘĽanitu kareĘĽe mpawangunya kema owi 4pai pawangunya lampaĘĽani. Njairia panyombanya ri Pue.
5I LoĘĽoti woĘĽu mampotumpu sombori pai waĘĽa anamayunu, bimba, mbula pai japi. 6InceĘĽe puĘĽunya painaka tana nyairia bareĘĽemo gana padanya da napeari ntau seĘĽe radua ncombori maka pinatuwu ntau seĘĽe maria gaga. 7Painaka mewali popaiso waĘĽa ntopongkambi i Burahima pai waĘĽa ntopongkambi i LoĘĽoti. (Ri tempo setu to KanaĘĽa pai to Perisi ntongo mampeari tana setu).
8Natoʼo i Burahima ri Loʼoti, “Kita seʼi tau mokasangkompo, bareʼe madago ane waʼa ntauku pai waʼa ntaumu da mopaiso. 9Inceʼe painaka moruana kita da mogaʼa. Mewali, pilisimo anu tondo mbeʼi anu nupokono. Ane siko malai tondo ireʼi, yaku da malai njoʼu ri tampa ntaninya.”
10 #
Pal. 2:10
Napapowawo i LoĘĽoti sape-sape nakita samalele rato ri wingke ngkoro Yarade, rata ri kota Soari gana-gana uenya, ewa bonde i mPue bara ewa tana Masiri. (EwanceĘĽe katedikanakanya ri kabareĘĽepa ndagero i mPue kota Sodomo pai Gumora). 11Kabotunya i LoĘĽoti mampilisi samalele rato ri wingke ngkoro Yarade setu, malai siĘĽa ri tondo pebetea. EwanceĘĽemo pogaĘĽa-gaĘĽa ntau radua setu. 12I Burahima maroo-roo ri tana KanaĘĽa, paikanya i LoĘĽoti mawangu kemanya ri waĘĽa ngkota ri rato anu mosu pai Sodomo. 13Kota Sodomo napeari waĘĽa ntau anu maĘĽai ngkajaĘĽa poĘĽengkonya pai masalaa ri Pue.
Pelimba i Burahima ri Heberoni
13:14-18
14Butu payamo i Loʼoti, ndatoʼo i mPue ri Burahima, “Ungka ri kareʼe mpekakoremu setu, papowawo mpodago tana seʼi juku-juku; 15#Pwn. 7:5 Yaku da mangawaika siko pai waʼa mulimu samalele tana anu nukita da nupopanta rantani masae-sae. 16Yaku da mangawaika siko mulimu anu maʼai ngkasondo, painaka bereʼe mau sambaʼa tau anu mangkoto mangaimba gori ngkasondonya. Ewambeʼi kabareʼenya nakoto ntau mangaimba awu ntana, ewanceʼemo mulimu bareʼe ndakoto mangaimba. 17Mewali seʼi-seʼi, linjakimo samalele ntana seʼi, maka tana seʼi da kuwaika siko.” 18Ungka lairia nalimba i Burahima kareʼe mpokemanya nepa maroo-roo siʼa mosu ri waʼa nunu kareʼe mpanyomba ri Mamire mosu Heberoni, pai njairia nawangu lampaʼani mpanyomba ri Pue.
Currently Selected:
PALABURU 13: LAIPMF
Highlight
Share
Copy
Want to have your highlights saved across all your devices? Sign up or sign in
