PALABURU 12
12
I Burahima ndapeboo i mPue Ala
12:1-9
1 #
Pwn. 7:2-3, Ib. 11:8 Ndatoʼo i mPue ri Burahima, “Palaikamo tanamu, waʼa njaʼimu pai banua mpapamu, kanjoʼumo ri tana anu da kutujuka siko. 2Yaku da mawaika siko mulimu anu sondo pai tau seʼe da mewali sambaʼa banca anu bangke. Yaku da mangadonco siko, toʼomu da tebambari, painaka siko da mewali popadonco.
3 #
Gal. 3:8
Yaku da mangadonco waʼa ntau anu mangadonco siko
pai da mantadeasi waʼa ntau anu mantadeasi siko.
Pai ua kasikonya
yaku da mangadonco pura-pura banca ri lino.”
4-5Ri pampalaika i Burahima Harani tinuwunya pitu mpuyu pai alima ntaʼu, palainya seʼe silulu pai songka i mPue ri siʼa. I Burahima njoʼu ri tana Kanaʼa sangkani-ngkani rongonya ri Sarai, pai pinoananya i Loʼoti, sangkani pai pura-pura aga-aganya pai waʼa anamayununya anu narata ntau seʼe ri Harani.
6Karata ntau seʼe ri tana Kanaʼa, nalinjaki i Burahima tana setu rantani rata siʼa ri puʼu nunu bangke ri More, njairiamo kareʼe mpanyomba ri Sike. (Ri tempo setu njaupa to Kanaʼa mampeari tana setu.) 7#Pwn. 7:5, Gal. 3:16 I Pue mampapamara koroa ri Burahima nepa ndatoʼoka siʼa, “Inceʼimo tana anu da kuwaika siko pai waʼa mulimu.” Inceʼe painaka nawangu i Burahima sambaʼa lampaʼni mpanyomba ri Pue anu mampapamaramo koroa ri siʼa. 8Roo setu nepa napaliu pelinja njoʼu ri tondo selata, ri daera kasondo pongku ntana ri tondo pebetea kota Beteli, nepa da powia kemanya ri oyo kota Beteli pai kota Ai: Beteli ri tondo kasoyoa pai Ai ri tondo pebetea. Njairia seʼe nawangu lampaʼani mpanyomba ri Pue. 9Ungka njairia napaliu woʼu pelinjanya ungka tampa anu sambaʼa njoʼu ri tampa anu sambaʼa, pelinjanya natotoka tondo selata ntana Kanaʼa.
I Burahima ri tana Masiri
12:10-20
10Sangkani tana Kanaʼa naperampe oro bangke, painaka malai woʼu i Burahima ri tondo selata, njoʼu ri tana Masiri, da maroo-roo njairia mampelawisi naka liu oro bangke setu. 11Ri tempo da napaliu tida ntana da mancuakimo tana Masiri, natoʼoka rongonya i Sarai, “Siko seʼi rongoku madolidi. 12Ane nakita nto Masiri siko, da natoʼo ntau seʼe kasikonya rongoku, manoto da napepate ntau seʼe yaku pai siko bareʼe napepate. 13#Pal. 20:2, 26:7 Mewali, da nutoʼoka tau seʼe siko tuaʼiku, da naka bareʼe napepate ntau seʼe yaku pai da madago powia ntau seʼe ri yaku ua siko.” 14Pai monco kojo, butu naliumo i Burahima tida ntana pai jelamo siʼa ri tana Masiri, nakita nto Masiri i Sarai setu madolidi kojo. 15Reʼe bara tesangkuja tau pegawai i langkanae i anu mangkita siʼa njoʼu napetumbuka i datu ewambeʼi kadolidinya weʼa setu; inceʼe painaka ndakeni siʼa njoʼu ri langkanae i datu. 16Ua kaʼi Sarainya setu madago napancabe i datu i Burahima, nawaika siʼa waʼa anamayunu, waʼa bimba, mbula, japi, kalide pai onta.
17Paikanya ua pantima i datu i Sarai setu, painaka ndapareʼe i mPue waʼa njuʼa majaʼa ri datu pai waʼa ntau ri raya langkanaenya. 18Inceʼe painaka napeboo i datu i Burahima nepa napeoasi natoʼo, “Nunjaa anu roo nupowia ri yaku seʼi? Wenu painaka bareʼe nutoʼo kasiʼanya rongomu? 19Wenu painaka nutoʼo siʼa tuaʼimu nepa nupapaliuka yaku mantima da mewali rongoku? Seʼi siʼa, rongomu; timamo pai palaimo!” 20Nasongka i datu bara tesangkuja pegawainya, mampapesuwu i Burahima ungka ri tananya sangkani pai rongonya pai aga-aganya.
Currently Selected:
PALABURU 12: LAIPMF
Highlight
Share
Copy
Want to have your highlights saved across all your devices? Sign up or sign in
