रोमि 14

एटाःकू अलोपे दोस कू

1एगा भाईकू, जे बिसवास रेय कमजोर गिआ, हेंय अपे सुदा पे गतियू; लेकिन हेंय संखा वतन हेना राः बारे ते अलोपे धमगजरता।#कुलु 2:16 2कहेकि मियाँहोड़ दो सगोर चीज जोम सकोआ मेनतेय बिसवासेआ, लेकिन जे बिसवास रेय कमजोर गिआ, हेंय सगे सब्जी भरिय जो-मा। 3अवुर सगोर चीज जो-मेअय, मेनेय जो-मेआँ हेंय अलोय मेरंग वयू, अवुर मेने जो-मेअय, जो-मेअय अलोय दोसीयू; कहेकि भगवान हेंयिय अपनो केडिया। 4भगवान रेनिय हरवाह थरे दोस लगोअय अम ईया हवे? सहिय करो यडा किदोय बेजय यडा हेना, मुँवर तू उपर रेआ, कहेकि परभु हेंय थीर तेय रखो सकोआ।

5कोई कोई दो अवुराः दिन वरी एटाआ दिन बढ़ियाँ दिन हवे मेनते कू मनोवेआ, अवुराःकू दो सगोर दिन मियाँ घयतेकू मनोवेआ। सगोरकू अपन मन रेकू पपाड़िकोऊ। 6जे होड़ कनारा दीनिय मनोवेआ, हेंय परभु आदर इजेत लगाडिय मनोवेआ। जे होड़ सींड़ चीजिय जो-मेआँ, हेंय परभु आदर इजेत लगाडिय जो-मेआँ, कहेकि हेंय जो-मेअय हेना लगड भगवान धन्यवादिय ओवाया, अवुर मेने जो-मेअय, परभु आदर इजेत लगड मेनेय जो-मेआँ, अवुर हेंय हो भगवान धन्यवादिय ओवाया। 7कहेकि अबू मेंडे कनय अनेज लगड मेनेय जियोआ, अवुर कनय अनेज लगड मेनेय गोजुआ। 8अबू जियोः तन रेदो, परभु लगड बू जीवत गिआ; अगर बू गोजुः रेदो, परभु लगड बू गोजुआ; हेनाते अबू जियोः चहे बू गोजुऊ, अबू पनरभु रेनकू हवे। 9गोजकेनकू अवुर जियोः तनकू बनर मेल रेनकू रेनिय परभु होयाः लगड, मसीहा गोजे नयू, अवुरिय जियो रिमेना।

10अम अमाःकू भाईकू, ची लगड मी दोस यडकुआ? चहे हेंकू ची लगड मी मेरंग वकू तना? अबू सगोरकू भगवान न्यायेआ हेना सिहासन मड़ंग रे खड़ा होयेक पड़ोआ।#2 कुरि 5:10 11कहेकि धरमग्रंथ रे नआँ घयते लिखल इदाना, परभु कहनिया,

“इंञ जीवातय भगवान हवे, सगोरकू इंञ मड़ंग रेकू उकड़ूमुआँ,

अवुर सगोरकू ने-नी भगवान हवे मेनते कू मनोविञाँ।”#एसा 45:23

12हेनाते अबू सगोरकू भगवान थरे अपन अपन हिसाब एएम पड़ोआ।

अपे राः चलते ते एटाःकू पाप रे अलोकू लोजोरुऊ

13हेनाते अबू अब अलोबू दोस ओड़ेंगू, अवुर एटाःकू लगड बाधा, अवुर पाप रे लोजोरुः घियाः काम एनेरोंञ काम तेडा मेनते अपन मन रेपे पक्‍का ता। 14इंञ परभु ईसु थरेंञ बिसवास यडा, अवुर इंञ बढ़ियाँ तेंञ पपाड़ी तना, कनर चीज अपने अपन ते असुद्ध कोवाआ, लेकिन जे होड़ कनारा चीज असुद्ध गिआ मेनतेय मनोवेआ, हेंय लगड हेना असुद्ध गिआ। 15अगर अमाअय भाई, अम जो-मेआँ चलते ते दुख लगोः तन रेदो, अम अमाअय भाई मेनेम परेम यडिया; हेंय लगड हो मसीहा गोजेना, हेंय अम जो-मेआँ चलते ते अलोम नासियू। 16जे टेबोः अपे सही गिआ मेनते पे मनो यडू, हेना राः बारे ते कनय होड़ मान मनिस ते टेबोः वपे राः मोका अलोपे ओवाकू। 17कहेकि भगवान राः राज जोमुः चरोः हेना न लगे, लेकिन धरमी जीवन, अवुर मया मिलन ते दोहोनू, अवुर पवितर आत्मा ए-मेआँ हेना हँसी खुसी रे दोहोनू, नेन होयाना भगवान राः राज। 18जे होड़ न घयते मसीहा रअय सेवाआ, हेंय भगवान मनहें वया, अवुर होड़कू सही कू मनोविया।

19हेनाते अबू मया मिलन ते दोहोन हेना, अवुर एटाःकू बिसवास रेकू मजबू तुआ, हेना घियाः राः कोसीस रेबू दोहोनू। 20अवुर अपे कहिन जहिन जोम गिसन पेआ हेना चलते ते भगवान राः काम अलोपे उजाड़े; सींड़ चीज सुद्ध गिआ, लेकिन अपे जो-मेआँ हेना चलते ते एटागी पाप रेय लोजोरुः तन रेदो, हेना जो-मे लगड बढ़ियाँ कोवाआ। 21अगर अपे जील पे जो-मा, चहे अंगूर रस पे ञूँआ, हेना चलते ते अपे रेनय भाई पाप रेय लोजोरुः तन रेदो, हेना घियाः कनारा काम अलोपे अरुयू, हे-ना बढ़ियाँ गिआ। 22नआँ घियाः राः बारे ते जो अमाः बिसवास इदाना, हेना भगवान मड़ंग रे अनामाः मन रेम जोगोता। सही गिआ मेनतेय पसींदेआ हेना टेबोः रे अपन आप दोसी केनंञ मेनते मेनेय ठहरोआ, हेंय होड़ आसीसिय ञँमकेडा। 23लेकिन जे होड़ संखा केतेय जो-मेआँ, हेंय दोसीय ठहरो यना, कहेकि हेंय बिसवास केते मेनेय जो-मेआँ; अवुर नआँ सही कोवाआ मेनतेय बिसवासेआ, हेनाय अरुय रेदो, हेना पाप हवे।

Currently Selected:

रोमि 14: ksz

Highlight

Copy