एहुन्‍ना 19

1हेना वरी पिलातुस इदी केडिय ते कोड़ा ते ईसुय एर ञेंड तेडा। 2तहाँ सिपाहिकू जनोम राः मुकुट बनो केते भोःतु रेकू तुसींञ वडिय दोहो एनु, अवुर बेयजनी#19:2 राजाकू नेन रंग राः कपड़ा कू तुसींञ दोहो एनु। रंग राः कपड़ा कू तुसींञ वडिय दोहो एनु। 3अवुर हेंय थरे घाड़ी अंगूर मेज मेज तेकू कहनी वयू, “ए एहूदिकू रेनिय राजा, जोहार!” अवुर हेंय पाड़ो होकू पाड़ोविय दोहो एनु।

4हेना वरी पिलातुस फेर बहेर हनिय उडूंग केनते होड़कू थरेय कहनी तेडा, “ञेंलेय पे, इंञ अपे थरे फेर बहेरिंञ उडूंग यडिया, ताकि इंञ नेय थरे कनर गलती बेगारिंञ ञाँमा, हेना पे पपाड़ी।” 5तहाँ ईसु जनोम राः मुकुट अवुर बेयजनी रंग राः कपड़ा कू तुसींञ केडिय ते बहेर हनतेकू उडूंग तेडिया। हेना वरी पिलातुस होड़कू थरेय कहनी तेडा, “ञेंलेय पे नेय हो-ड़ू।”

6हेना वरी बड बडे आजककू अवुर मँडिल पहराःकू सिपाहिकू हेंय ञेंलतेकू हल्ला एना, “नेय कुरूस रेपे रकाबियू, नेय कुरूस रेपे रकाबियू!” तहाँ पिलातुस हेंकू थरेय कहनी तेडा, “नेय थरे कनर गलती बेगारिंञ ञाँमा, अनापे इदी केय ते कुरूस रेपे रकाबियू।”

7तहाँ एहूदिकू रेनकू मुखियाकू जबाब वडिया, “अले राः हो मियाँटंग नियम इदाना, अवुर हेना नियम राः अनुसार ते नेय ञेंड गोजेय लायिक गिआयू, कहेकि नेय अनानेज भगवान होपोनिय बनोः तना।”

8हेना वरी नआँ टेबोः पिलातुस अँजोम तेड दो अवुरिय बोरो यनु। 9तहाँ फेर गड़ही भीतर रे ईसुय अदीर केडिय ते फे-रिय होंबोर चुवेर तेडिया, “अम करेन मी हवे?” लेकिन ईसु हेंय कनर जबाब मेनेय एमगाडिया। 10तहाँ पिलातुस कहनी तेडा, “इंञ थरे ची लगड मेनेम लाय यडा? अम मेनेम पपाड़ी तना किदो, इंञ कुरूस रे रकब मी राः अवुर अड़ाः मी राः हँक हो इंञ थरे इदाना?”

11तहाँ ईसु जबाब वडिया, “अगर अम भगवान वरी हँक मेने ञँम गन रेदो, इंञ थरे हो अमाः कनर हँक एरो दोहोएन मेनू। हेनाते अम थरे, जे ईञिय एर पकड़ो केडा, हेंय रआ पाप अम वरी हो बगरा गिआ।”

12नआँ अँजोम केते पिलातुस ईसुय बगी सोवाडा, लेकिन एहूदिकू हल्लाः तींग तेकू कहनियू, “अगर अम मेय मी बगी वतन रेदो, कयसर गतर हँडेनिय न लगे, कनय हो अनानेज राजा मेनतेय कहनिऊ, हेंय कयसर रेनिय बिरोधी हवे।” 13नआँ अँजोम केते पिलातुस ईसु बहेर हनते उडूंगिय लगाडिय कहनी वडकू दोहो एनु। अवुर हेना रे मियाँटंग चबूतरा#19:13 नेन जघा रे पिलातुस दुड़ूब कोःतेय न्याये दोहो एनु। दोहो एना। हेना इबरानी भासा ते, गब्बता मेनते कू कहनी वआ। हेन गद्दी रे पिलातुस न्याये लगाडिय दुड़ूब एना। 14हेना चेका पस्का परब मनो राः तयारी#19:14 सुक दिन दोहो एना राः दिन दोहो एना, नआँ लगभग तीकिनाः टेबोः हवे। तहाँ पिलातुस एहूदिकू रेनकू मुखियाकू थरेय कहनी तेडा, “नोय ञेंलेय पे राजा तपे दो!”

15लेकिन होड़कू, “ञेंड गोजेय पे! ञेंड गोजेय पे! नेय कुरूस रेपे रकाबियू मेनते कू हल्ला एना!”

तहाँ पिलातुस हेंकू थरेय कहनी तेडा, “अपे रेनिय राजा इंञ कुरूस रेंञ रकाबिय किदो?”

हेना वरी बड बडे आजककू जबाब वडिया, “कयसर छोड़ ते अले रेनिय कनय एटागी राजा कोवाया।”

16हेना वरी पिलातुस कुरूस रेकू रकाबिय लगड हेंकू ती रेय जिमा तेडिया।

सिपाहिकू ईसु कुरूस रेकू ठोको तेडिया

(मत्ती 27:32-44; मरकुस 15:21-32; लूका 23:26-43)

17तहाँ सिपाहिकू ईसु कू गोःतेडा। अवुर हेंय अनेज राः कुरूस रिमकेते एरुसलेम सहर वरी बहेर हँडे मियाँटंग जघा रेय इदी तेडा। हेना जघा राः ञुमू “खोपड़ी राः जघा” मेनते दोहो एना, इबरानी भासा ते गुलगुथा मेनते कू कहनी वआ। 18हेनारे हेंकू ईसु कुरूस रेकू रकब तेडिया, अवुर हेंय सुदा अवुर बा होड़ हो कुरूस रेकू रकब तेडकिञाँ, मियाँहोड़ जोम गतर रे मियाँहोड़ कोंञ गतर रे अवुर ईसु मँझर रे।

19अवुर पिलातुस मियाँटंग दमभराआ पटरा रे बदी तेडिय हेना लिखो केतेय एर ठोको तडा, अवुर हेना रे नआँ घयते लिखो तना, “नसरेत रेनिय ईसु, एहूदिकू रेनिय राजा हवे।” 20नआँ बदी तेडिय हेना बगरा एहूदिकू पड़हो तेडा, कहेकि ईसु कुरूस रेकू रकब तेडिया, हेना जघा सहर बँदे रे दोहो एना। अवुर नआँ बदी तेडिय हेना चिट्ठी एहूदिकू राः भासा ते अवुर रोमिकू राः भासा ते अवुर उनानिकू राः भासा तेकू लिखो तडा।

21तहाँ एहूदिकू रेनकू बड बडे आजककू पिलातुस थरे कू कहनी तेडा, “एहूदिकू रेनिय राजा मेनते अलोम एर लिखोवे, बल्कि अनेज कहनी तेडा, ‘इंञ एहूदिकू रेनिय राजा हवे मेनते’।”

22हेना वरी पिलातुस जबाब तेडा, “जेयसेंञ एर लिखो केडा, हेन घयते दोहोना।”

23सिपाहिकू ईसु कुरूस रेकू रकब तेडिया, तहाँ हेंय राः कपड़ा#19:23 बेलट, चप्पाल, मुकड़े छेवेंय दोहोना अंगा, कुरता, पगरी चार थरे कू हटींग तेडा। हेंकू सींड़कू मियाँड टंग कू अँगेर तेडा, अवुर कुरता होकू अँगेर तेडा, हेना कुरता राः सियन मेने दोहो गना, लेकिन इहाँ उहाँ कू गलंग तड दोहो एनु। 24हेनाते हेंकू कहनी ओड़ेंग एना,

“अबू नआँ अलोबू ओड़ेजे, ईया अँगेरेआ,

चिट्ठी बू डलो।”

धरमग्रंथ रे लिखल इदान हेना टेबोः पुरोः लगड नआँ घयते होया एना, “हेंकू ईञाः कपड़ा आपस रेकू हटींग तेडा, अवुर ईञाः कुरता लगड चिट्ठी कू डलो तेडा।”#सिरिंग 22:18 अवुर सिपाहिकू हेनेन घयतेकू करो तेडा।

25ईसु इंगत अवुर मीसित, कोलोपास कन्याँ मरियोम, मगदल गाँव रेनिय मरियोम, ईसु कू ठोको तडा हेना कुरूस बँदे रेकू चड़ाँ तना। 26अवुर ईसु अखीरिय परेम तेडिय हेनी चेला, हेंय हो हेना रेय चड़ाँ तना। तहाँ ईसु इंगत हन तको केतेय कहनी तेडा, “ए कोड़ीहोन, अँजोमेमू, तेसींञ वरी नेय अम कोड़ा होपोन हवे।” 27अवुर हेंय चेला थरेय कहनी तेडा, “नेय इंगम हवे।” अवुर हेन चेका वरी हेंय चेला ईसु इंगत अनेज ओड़ाः हनतेय गोःतेडिया।

ईसु राः मिरतू

(मत्ती 27:45-56; मरकुस 15:33-41; लूका 23:44-49)

28हेना वरी ईसु, अब दो सींड़ काम पूरा यना#19:28 तीन घंटा वरी तयोमआँ घटना हवे मेनाअय पपाड़ियानू। अवुर धरमग्रंथ रे लिखल इदाना, हेना टेबोः पूराः लगाडिय कहनी तेडा, “इंञ ततँग#सिरिंग 22:15 केडिञाँ।” 29हेनारे मियाँटंग बरतन दोहो एना। हेनारे सिरका#19:29 अखीर जोजीः हेना अंगूर रस, नआँ होडिंञ दाम ते ञमुआँ कू पेरेज तडा। हेना वरी हेंकू सिरका रे रुवा बोथो केते, जुफा#19:29 नआँ सूधुः लगड मूसा मिसरी देस रेय उपयोग तेडा। निर्ग 12:22, लेय 14:4, गिनती 19:6, सिरिंग 15:6 डाँहटी रे लगो केते हेंय अहत रेकू इदी तेडा। 30ईसु हेना सिरकाय चेपेज तेड तहाँय कहनी तेडा, “पूरा यना” अवुर भोःतुय केटुब तेडा अवुर अनेज राः जीविय अड़ा गोत्तेडू।

खरदा तेकू सोबोः तेडिया

31हेना चेका सब्द लगड तयारी राः दिन दोहो एना, अवुर सब्द राः दिन कुरूस रे लास अलो दोहोन लगड#19:31 एहूदिकू राः रीति रिवाज रे कुरूस रे लास अलो दोहोन लगड नियम दोहो एना। एहूदिकू पिलातुस थरे सेनकेन ते कटत कू टोविज#19:31 कटा टोवीजे रेदो हली तेकू गोजुआ। लगड अवुर अगड़ू कू लगड कू कहनी तेडा, कहेकि सब्द राः दिन असली#19:31 नआँ सब्द पस्का परब रे फसोः दोहो एनु, हेनाते नआँ दिन असली दिन हवे। दिन दोहो एना। 32हेना वरी सिपाहिकू सेनकेन ते ईसु सुदा कुरूस रेकू ठोको तडकींञ हेंकींञ बना होड़ कटा कू टोविज तेडा। 33लेकिन ईसु बँदे रेकू मेजेन दो, हेंय गोज तना ञेंलते हेंय कटा मेने कू टोविज गडा।

34लेकिन सिपाहिकू मेंडे रे मियाँहोड़ खरदा ते पँजर तुरेय सोबोः तेडा। तहाँ हेंय वरी तुरेत्ते, रक्‍ती अवुर दाः उडूंग एना। 35जे होड़#19:35 एहुन्‍ना हवे नआँ सीड़िय ञेंलतेडा, हेंय अपे बिसवासे लगड गोवाहिय एमतेडा। अवुर हेंय राः गोवाही सत गिआ, अवुर हेंय जे-नाय कहनी यड हेना, सीरित गिआ मेनाअय पपाड़ी तना। 36धरमग्रंथ रे नआँ याःते कहनी केड हेना टेबोः पूराः लगड नआँ याःते होया एना, “कनार जाँग हेंय राः एरो कू टोविज#निर्ग 12:46; गिनती 9:12 तेडा।” 37#दरसन 1:7अवुर मियाँ थरे न याःते लिखल इदाना, “जे जे हेंकू सोबोः तेडिया, हेंकू हेंय कू ञेंलेया।”

ईसु मरघटी रेकू दोहो तेडिया

(मत्ती 27:57-61; मरकुस 15:42-47; लूका 23:50-56)

38नआँ बितो केन राः बाद रे अरमतियाह#19:38 एरुसलेम वरी 32 किलो मीटर (11) कोस रे इदाना गाँव रेनिय मियाँहोड़ होड़ दोहो एना, हेंय ञुमू #लूका 23:51; मत्ती 27:5उसुफ मेनते दोहो एना। हेंय हो ईसु थरेय बिसवासे दोहो एनु। लेकिन हेंय नआँ मने मन रेय दोहो तडा। कहेकि हेंय एहूदिकू रेनकू मुखिया कुय बोरोवा दोहो एनु। तहाँ ईसु राः लास गोगोईय इका वआ किदो एरोआ मेनाः होंहोंबोर पिलातुस थरेय सेनेना। अवुर पिलातुस हेंय राः टेबोईय अँजोम तेडा। तहाँ हेंय सेनकेन ते हेना लासिय गोःतेडा।

39 # एहुन्‍ना 3:1,2 अवुर मियाँ एस ईसु सुदा ञींद जुमोईय सेनेना, हेनी नीकुदेमुस हो हेंय सुदाय दोहो एना। हेंय लगभग तँयतीस किलो गन्धरस अवुर एलवा#19:39 बढ़ियाँ ते सोंओंआँ चीज मेनते कु ञुमू केड हेना सोंओंआँ चीज मेड़वा तड हेनाय अगतेडा। 40तहाँ हेंकीञ ईसु राः लास कींञ गोःतेडा, अवुर हेंकींञ एहूदिकू लोसोड कुआ, हेन घयते हेंकींञ सोंओंआँ चीज कींञ लगो तेडा। अवुर कफन तेकींञ गुरघेट तेडा। 41ईसु कुरूस रेकू रकब तेडिया, हेनारे बगेयचा दोहो एना। हेना बगेयचा रे मियाँटंग नवाँः मरघटी दोहो एना। हेना मरघटी रे कनाय मेने कू दोहो बेड़ागड दोहो एनु। 42हेना चेका एहूदिकू राः सब्द#19:42 सब्द राः दिन सिंगड़ छो बजे वरी बोंहड़ी जोमा लगड तयारी राः दिन दोहो एना। सब्द राः दिन सुरुः वरी मड़ंग ते लोलोसोड दोहो एना। हेनाते हेंकींञ ईसु हेन मरघटी रेकींञ दोहो तेडिया। कहेकि हेना मरघटी ठाँव रे दोहो एना।

Currently Selected:

एहुन्‍ना 19: ksz

Highlight

Copy