Lukas 5

Gelman ad Jesu gle ni.

1Bersi muren su ndramed su me goure, su besbas le sal, beg hirong nongen ad Jehova be i da le leng, ber ndran Genesaret. 2I ilndri ndol marie, su da len leng, su ndremda ni su gin bieni ndol asu, su sasngeni gahu asu. 3I la lundiendol heie ad Simon, i ndemani i, i na gle heb ndran. Boen i lugdo mi ndol, i henunuen su ndramed. 4Nongen aden boen, i vong le ndro Simon, i bai: Al gal sal, or bieni gahu ademu gle bor ni. 5Simon i bode: Ndorlaben, iou gin bo mburer lobing gane, de gin bor hom ni bui. Be uo abui, iou gbieni gahu adu gle nongen adem. 6Su hinen i dagara, su hur ni mabosanged, gahu asu beghege i mud. 7Su ha gemi su gous asu su do da ndol heie, su gmeher roud le sobani su, be su beg rui gahu asu. Su gin me, su ha somui ndol marie i beb, baghege na glol. 8Be Simon Petrus gin ilndri i, i godurhu ngondrnegan la boan, i vong le ndro Jesu i bai: Ndorlaben, al bieni oi, io hom ndramed momen ge. 9I noh manden, noh asu dsoln, su da gin bor no diga. 10Jakobus, sor Johanes ndur sor Sebedeus, su da ndro Petrus lie. Jesu i vong le ndro Simon, mbue uo go noh, io beg loh uo, le rui su ndramed le gor lundielang. 11Su hur ndol le leng, su bieni memrad asu masi, su ndrbon Jesu.

Jesu regurdueni mandrn legen ge.

12Boen i dogi le gor hoger, i ilndri ndramed homo, mandrn masi legen ge. Be i gin ilndri Jesu, i los le boan, i nhui bormarn, i soling le ndro i, i boi: Ndorlaben, be uo lengi, gregurdueni io. 13Jesu i daui nemen lendi, i doro i, i bai: Io ha lengi mandrm rosan ge. Legen adem gineao gane malabo. 14Boen Jesu i vong le ndro i, i bai: Maiu, al ndro su lao ad Jehova e dirhor le ndro Ndorlaben gle gan anem, dege Mose gin bai. 15Ngarnongen le longu aden i hilou le gor manan. Su ndramed dsoln su la ndro i, beg hirong nongen aden, su ha lengi i, i gregurdueni su. 16Jesu i la marboga, i lodu le ndro Ndorlaben.

Jesu ma su labenen ber gor.

17Bersi muren i henunuen su ndramed, su Pharso, ma su ndremda hernou ber Galilea, ma ber Judea e ber Jerusalem su la born ndro i, ndoui ad Ndorlaben ber belengan i regurdueni su. 18-19Su huri hom ndramed ndrun aden masi momen ge, i da le berle aden, su beg huri i berle bage ndro Jesu. De dansu i bui, su la ndra um, su la mbusere balndo, su luluendi berle be boan la dogrosu masi, baghege le ndro Jesu. 20Be i gin ilndri su, su da gin boro ndoui ad Jehova hian ge, i vong le ndro ndramed, i da le berle: Io gin sibui longu adem momen gineao. 21Su ndremda hernou, ma su Pharsi, su da hanguruen le golsu su bai: I ogo i sie, i da boii Jehova. Sie danen esbui longu momen, Jehova ge, i ge, danen i. 22Jesu i danen hanguruen asu, i vong le ndro su: Ma da hanguruen sa le bergolmu? 23Sehe longu i ndoun, be io da bai: Io gin sibui longu adem momen gineao, de io vong. Edne, girgai! 24Io beg henunuen mu ndur ndramed i ndoa le esbui longu momen asu ndramed ber boan. Boen i vong le ndro ndramed ogo: Io vong le ndro uo: Edne, hedi berle adem, al um adem. 25Malabo ndramed ogo i dne le bormarsu masi, i i bamugueni Jehova. 26Su masi, meluasu i ieb, noh asu dsoln, su mugueni Jehova, su bai: Iou gin ilndri longu ndoun ndoun ge eruar.

Jesu loh Levi.

27Boen i bieni um, i ilndri hom ndremda moni ngarn Levi, i da lugdo mi logna moni aden, i vong le ndro i, i bai: Or ndrbo. 28Levi i bieni memrad aden masigane, i dne, i ndrbon Jesu. 29Muren Levi i sueri gous manden, i da um aden, le ndro Jesu, ma su ndremda moni mabosanged, dagara su ndramed dsoln su ha lugdo le mandrgosgeiao aden. 30Su Pharisi, ma su ndremda hernou, su la ndro su lao aden, ndrnesu i irgu, su vong su bai: Hi derbe, mu da ien gan la born ndro su ndremda moni, ma su ndramed momen? 31Jesu i vong le ndro su, i bodeie: Su ndramed horuasu, su de loh doktor bui, su ge, su da med su ha lengi i. 32Io de gin me le la ndro su ndramed hian bui, io eloh su ndramed momen ge, su garbelueni bern asu.

Heb nongen le bandri.

33Su lao ad Jesu su vong le ndro i: Su lao ad Johanes su bandri mabosanged su lodu sidesi, dagara su lao asu Pharisi, su lao aden ge, su ien, ma su ilmui. 34Jesu i bodeie: Su da gin me lo gous manden ad hom ndramed su gabandri derbe, be gous asu i da le mandrgosgeao asu. 35Rang na gmehere be su rui gous asu giao, muren su gabandri. 36Muren i bosoui le ndro su heb nongen dohongein, i bai: Homo i de sindrdi heb le salo aden houen bugane i sueri heb salo ogo houen gle golos sagen. Golos aden sagen i mbuserei, ma golos aden houen gina momen lie. 37Hom de daui ndrunvain houen de la boged sagen bui ndrunvain houen i ndumbue boged, vain gi muh, boged gina momen lie. 38Su ha lug ndrunvain houen le boged mahouen aga hian. 39Homo i da gin ilmui vain sagen, i mburen ndrunvain houen, i vong: Vain sagen i hian hanu.

Currently Selected:

Lukas 5: LLENT

Highlight

Copy