Josue 5
5
1Bakaga botsu baAmor o yiari ayi wisi ewendisini yiJourdain na bakaga botsu baCanaan abamatsananga o yiari yimubu, banogulu yiri Fumu amakamusa mamba maJourdain te na baIsrael bamasabuga, bamakambulu te na bamabakama mirima ava bamalabila baIsrael.
Durebu dubaIsrael o Guilgal
2Va temu eni Fumu amarumina Josue rie: Vaga mabaga mamamanyi noreba baIsrael bebaba.
3Josue amavaga mabaga mamamanyi na amareba baIsrael; dimavagu o julu mukongu uAralot. 4Guluanu dibandu adi Josue amabarebila. Batu botsu abamapalila o Egypte, diwendi rie: Bagora botsu bamafuila o kumu muna nsila ava bamapalila o Egypte. 5Batu beni botsu abamapalila o Egypte bamaba barebu; tumba botsu abamaburulu o kumu muna nsila ava bamapalila o Egypte mbe basakarebu. 6BaIsrael bamalinga o kumu magumana mabilima te na vana dubungu dubagora botsu abamapalila o Egypte mu mbari basamagulu diufi diFumu; Fumu amabalevisa pesi yiri agobalasa bulongu abu amavangana na bataji bogu utuvega, bulongu abuvu na tindi digumba. 7Fumu amasinga baana bogu va yivinga yiogu; Josue amabareba mu mbari mbe basakarebu, basamareba batu mu nsila. 8Banomana urebu, batu botsu bamatsana o milaku te na bamabeluga. 9Fumu amatsingula Josue rie: Namunyi nyimadugusulila yisonyi yiEgypte. La dibandu mbura eni jimalugulu Guilgal te na namunyi.
Paque jitega o Canaan
10BaIsrael bamavaga milaku o Guilgal; bamaji feta Paque uyitsila Fumu yilumbu yiyigumi na muina yitsungi eni o kumu jiJericho. 11Ava kedi ajibambini na feta Paque bamaji tsangu tsible tsibulongu; diwendi rie: mapa amagaa na dufunusu na ble tsigangu; bamaji biotsu bina mu yilumbu yieni. 12Ava kedi jiyilumbu ayi bamajanganga ble tsibulongu, manna tsimasuka; kabogu baIsrael basamamuedila manna tumba muna yilumbu yieni yiotsu bamajanganga biguji biCanaan.
Yivunda yidibadi diFumu
13Ava Josue amabila bebeli na Jericho amabuaga misu o julu na amalaba dibaala diteli va nsungisini nandi adimaba na dijenga va dikaka adisamaba mu yisupu. Josue amabambana nandi nomuwivula rie: Ndeʼ aguʼetu vo guvu muvinitsi etu? 14Amawagula rie: Nesi, tumba nyivu yivimda yidibadi diFumu, adina nyimaruyila.
Josue amakebuaga va tsi va gusu andi na amawivula rie: Diambu yi Fumu ami erumi musalitsi andi?
15Yivunda yidibadi diFumu amaruma Josue rie: Vula bapondu bagu mu mbari mbura aji guvu jivu yingitsi.
Josue amadivaga.
Currently Selected:
Josue 5: PUU1992
Highlight
Share
Copy
Want to have your highlights saved across all your devices? Sign up or sign in
La sainte Bible en langue Yipunu © Alliance Biblique du Cameroun, 1992.
