Migaga Mimatubula 34
34
Dufu duMoise
1Moise amawenda o kumu tsiMoab o julu mukongu uNebo, diwendi rie: o julu mukongu uPisga va nsungisi na Jericho. Fumu amamulasa bulongu buotsu: 2ubandila o Galaad te no Dan no Neftali jiotsu ajivu bulongu buEfraim na buManasse no bulongu buotsu buJuda te no mubu aguvu o yiari ayi wisi ewendisini, 3rio tandu no biari biotsu biJourdain no yibususu yiJericho no misiengi mimambari nesi te no Soar. 4Fumu amamutsingula rie: Abuna la bulongu abu nyimavangana uvega ombu Abraham na Isaac na Jacob ava nyimavosila rie: Nyubuvega ombu bategula benu.
5Moise musalitsi uFumu amafuila vana o bulongu buMoab nana Fumu amamutsingulila. 6Nsambi amamutsiga o yibususu o bulongu buMoab va nsungisini na Bet-Peor. Ne mutu mosi agejabi ngila andi te na namunyi.
7Ava Moise amafuila amaba na kama na magumaibeji mabilima; ne nana misu mandi masamaba na bidumbitsi na mangolu mandi masamasuka. 8BaIsrael bamalilanga Moise te na magumarieru mabilumbu bibukuili o kumu tsiMoab.
9Josue muana dibaala uNoun amabasu na Yinyunyi yidiela mu mbari Moise amamusakiga miogu. BaIsrael bairiamudedila na bamadukanga maruma ama Fumu amavega Moise.
10Vasamamuelabana mubiyitsi o Israel agumaba dedi na Moise. Fumu amakelasa kiakiaki ombu gandi; 11amamusindiga uvaga bilimba biotsu na bimaga o bulongu buEgypte ombu Pharaon nombu basalitsi bandi nombu bisi bulongu buandi botsu. 12Bimaga bieni biotsu abi Moise amadugusu na mangolu maNsambi bimavagu va misu mabaIsrael botsu wandi.
Currently Selected:
Migaga Mimatubula 34: PUU1992
Highlight
Share
Copy
Want to have your highlights saved across all your devices? Sign up or sign in
La sainte Bible en langue Yipunu © Alliance Biblique du Cameroun, 1992.
