'Olic 60
60
O Pingitangit a Mitolon to Pipa'ading no Kawas
O nito^to'an ni Tafiti a 'olic to sapasifana' to tamdaw, itiya yo malalood cingra i Misopotamiya ato Copah no Aram a 'ada, micoflis ci Yoap a tayra itira i Cilah hananay a tono' a milowid a mipatay to 12,000 a Itom a tamdaw. Mapatorod i kakridan no paradiway. O no <<Mipawacayay a Yolinohana>> a hacong ko saparadiw.
1Kawasaw, falahen Iso kami, lowiden Iso kami,
o makteray Kiso i tamiyanan, nanay palowadenho kami i matini.#60.1 o makteray Kiso i tamiyanan, nanay palowadenho kami i matini -- ano ^ca i, o nano makteray to Kiso i tamiyanan, falah hanto Iso kami.
2O nao mingerngeran Iso ko sra a mipla',
saka, maprarto ko sra, nanay palololenho Iso konini.
3Kiso ko mipadesay to finawlan Iso to masamaamaanay a pades,
Kiso ko sakapolin niyam a matiya o komaenay to ci'icelay a ^pah a malasang.
4O nao patirengay Kiso to fayfay to piraodan no mangodoay i Tisowanan,
ta caay ka pastek cangra i raraw.
5Nanay paca'ofen Iso kami,
ka o 'icel Iso ko sapipa'orip i tamiyanan,
ta mapa'orip Iso ko kaolahan Iso a finawlan.
6Nai itira i Fangcalay Kaitiraan no Kawas a pasowal Cingra,#60.6 Nai itira i Fangcalay Kaitiraan no Kawas a pasowal Cingra -- ano ^ca i, mitoro' Cingra to nika Fangcal Ningra a mikton to sowal.
<<O lalowiden Ako a micinas ko Sikim, o papakilacen Ako i finawlan Ako ko Sukot a tono'.
7O Kiliyat i, o no Mako,
o Manasi i, o no Makoto,
o Ifraim i, o sa'ading a kafong Ako,
o Yuta i, o sakowan a cokor Ako.
8O Moap i, o kamonanawan Ako to wa'ay a talay,
o mamitkol kako to cokap a pasayra i Itom.
Pasayra Kako i Filistin a tamdaw a romadiw to sapakalowid a radiw,>> saan.
9Cima ko mama^deng a mikrid i takowanan a pacomod i tanektekay a niyaro' saw?
Cima ko mama^deng a mikrid i takowanan a patayra i Itom saw?
10Kawasaw, so'lin a falahen Iso kami haw?
Caayto pikapot Kiso to sofitay niyam a milood haw?
11Nanay padamaenho Iso kami a mico'ay to 'ada,
nawhani awaay ko ^poc to pipadama no tamdaw.
12Ano mikapot ko Kawas i titaanan i,
caay ka ^ca pakalowid kita,
nawhani Cingra ko pakalowiday to 'ada ita.
Currently Selected:
'Olic 60: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
