'Olic 57
57
O Pitolon a Milongoc to Pipadama
O nito^to'an ni Tafiti a 'olic, yo milaliw cingra ci Sawloan a milimek i dihidihifan. Mapatorod i kakridan no paradiway. O no <<Caay ko Tatastasen>> a hacong ko saparadiw.
1Kawasaw, kaadayayen kako, nanay kaadayayenho kako,
nawhani tayniay kako a miti'er i Tisowanan.
I tini kako i laloma' no sapikpik Iso a milongoc to pidipot Iso,
tangasa i kata'lifan no pades.
2Mingitangit kako i Isatakaraway a Kawas,
milongoc kako i pafliay takowanan to kalomaamaan a Kawas.
3O a ocoren Ningra nai kakarayan ko mamipadama i takowanan,
o lalaplapen Ningra ko misamsamay i takowanan a tamdaw.
O papahapinang ko Kawas i takowanan to caay ka falic a olah ato so'lin Ningra.
4Malikot no 'ada kako,
matiya o kakomaen to tamdaw a layon cangra.
Matiya o 'idoc ato pana' ko wadis nangra,
matiya o citalemay a fonos ko sma nangra.
5Kawasaw, nanay mita'lif to kakarayan ko nika tadamaan Iso.
Nanay maldef i polong no hkal ko 'dil Iso.
6Mitlay to tilo ko 'ada to sapirpetaw i takowanan,
mapa^kel no pades kako.
Misarfong cangra a mitalakal i rarakaten ako,
'arawhani, cangra ko taharfongay.
7Kawasaw, tanektekto ko faloco' ako, caayto ka ngyangi.
O raromadiw kako a pahmek i Tisowanan.
8Faloco'aw ako, kapalalto!
Datokaw, kapalalto!
Halocidal a palalen ako!
9Tapangaw, i ka'ayaw no kasakitakit kako a mikansiya i Tisowanan,
i ka'ayaw no kasafinawlan kako a pahmek i Tisowanan.
10Tangasato i kakarayan ko mida'ocay a olah Iso.
Mitkohto i to'em ko nika so'lin Iso.
11Kawasaw, nanay mita'lif to kakarayan ko nika tadamaan Iso,
nanay maldef i polong no hkal ko 'dil Iso.
Currently Selected:
'Olic 57: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
