'Olic 56
56
O Miti'eray to Kawas a Pitolon
Yo marpet no Filistin a tamdaw ci Tafiti itira i Kat a niyaro'. O nito^to'an ni Tafiti a 'olic, mapatorod i kakridan no paradiway. O no <<O Naniraayay a Caay ka cingiha' a Topi>> a hacong ko saparadiw.
1Kawasaw, kaadayayen kako,
nawhani makari'ang no tao kako,
saromi'ad sa ko 'ada a misamsam takowanan.
2Caay pitolas ko 'ada a mikari'ang i takowanan,
sa'aloman sa ko mipacoliay i takowanan.
3O Isatakaraway a Tapangaw, yo matalaw kako i,
miti'er kako i Tisowanan.
4Miti'er kako to Kawas,
mipahmek kako to niktonan Ningra a sowal,
miti'er kako i Kawas saka, caayto ka talaw kako.
Ma^dengho a pakapimaan ko tamdaw i takowanan saw?
5Saromi'ad sa ko 'ada a sapikari'angan i takowanan,
mararid cangra a misaharaterateng to sapikari'angaw i takowanan.
6Masakapot cangra a misa'imer,
misa'adapaw#56.6 Misa'adapaw -- o roma i, misalipaw, misamamaw, misa'imer. cangra to sapipatayaw i takowanan.
7Kawasaw, nanay tfocen Iso ko nika ciraraw nangra,
nanay kakteren Iso cangra a mipolin.
8Mafana' Kiso to nika adihay no pades ako,
maharateng Iso ko nika rowis no losa' ako.
Caay ka tilid i cudad Iso konini a ma^min saw?
9Ano mitahidang kako i Tisowanan i,
o mamalowid a milaliw ko 'ada ako,
onini ko saka, mafana' kako to nika o mipadamaay ko Kawas i takowanan.#56.9 onini ko saka, mafana' kako to nika o mipadamaay ko Kawas i takowanan -- ano ^ca i, mafana'ay kako to Kawas.
10Miti'er kako to Kawas,
mipahmek kako to niktonan Ningra a sowal,
miti'er kako to Tapang,
mipahmek kako to niktonan Ningra a sowal.
11Miti'er kako to Kawas saka, caayto ka talaw kako.
Ma^dengho a pakapimaan ko tamdaw i takowanan saw?
12Kawasaw, lahcien ako ko niktonan ako a sowal i Tisowanan,
mipacakat kako i Tisowanan to sapikansiya a sapato'aya.
13Nawhani, o nipa'oripan Iso kako a paliyas nai patay,
saka, caay ka lowid kako,
ma'oripho kako i ka'ayaw no Kawas, i laloma' no 'dil no pafliay i takowanan to 'orip.
Currently Selected:
'Olic 56: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
