'Olic 41
41
O Pitolon no Adadaay a Tamdaw
O 'olic ni Tafiti. Mapatorod i kakridan no paradiway.
1O mafana'ay a miharateng to pakosiya a tamdaw i,
tada o malmeday.
Ano mapades ko matiniay a tamdaw i,
dipoten no Tapang cangra.
2Dipoten no Tapang cangra a parihaday to 'orip nangra,
palmeden Ningra cangra tonini a sra,
caay papirpeten no Tapang ko 'ada i cangraan.
3Ano adada cangra i, adahen no Tapang cangra,
palololen Ningra a patanektek cangra.
4Sowal sa kako a mitolon, <<Tapangaw, o ciraraway kako i Tisowanan,
nanay kaadayayenho kako, adahenho kako,>> han ako.
5Sowal sa ko 'ada ako a milokes i takowanan,
<<Ano hacowa a mapatay cingra ta caayto ka harateng no tamdaw cingra?>> saan.
6O tayniay a miliso' i takowanan i,
caay ko so'linay ko faloco' nangra,
o mihapinangay cangra to tatiihay a dmak ako,
ta payakayaken nangra i cowacowa.
7Oya mi'intelay i takowanan a tamdaw i,
ala rongorongoh#41.7 rongorongoh -- o roma i, o pihawhaw konini, mangangoo to tangal a malalihod (ka'amis). sa to fongoh cangra a masasowasowal.
Misahalaka cangra a miri'ang i takowanan.#41.7 Misahalaka cangra a miri'ang i takowanan -- ano ^ca i, koti' ci adada saan cangra i takowanan.
8Sowal sa cangra, <<Ciadada cingra to caay ko mamaadah,
caayto ko lalomowad cingra,>> saan.
9Haloya nipatahkaan ako a niti'eran ako a tadawidang ako a mitnok i takowanan.
10 Tapangaw, nanay kaadayayenho kako,
patanektekenho ko tireng ako,
ta nga'ay kako a mico'ay to 'ada ako.
11Nanay caay papilowiden Iso ko 'ada i takowanan,
mafana' kako to nika o maolahay Kiso i takowanan.
12O makoracay a ma'imer kako saka, padamaen Iso kako,
o nidipotan Iso kako a patanektek i ka'ayaw Iso tangasa i da'oc.
13Nanay mapahmek ko Tapang,
o Kawas no Israil tangasa i da'oda'oc.
Amin! Amin!
Currently Selected:
'Olic 41: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
