Taneng 19
19
1Ano pakosiyasiya ko 'orip ano mo^cel ko dmak i,
ikaka no misa'fitay maapaay a tamdaw ko nika nga'ay.
2Tano lalolalok aca ano awaay ko fana' i, awaay ko ^poc,
o macalohay ko rakat i, narikay a mapolin.
3O nano apa no tamdaw ko sakatfad ningra,
'arawhani ngaliwngiw sa cingra to Tapang.
4O cipaysoay a tamdaw i, 'aloman a 'aloman ko widang ningra,
o pakosiya a tamdaw i, haloya dengan a widang ningra i, miliyasto.
5O misamangahay a pawacay i, o mamatfoc cingra,
o misakaniway a somowal i, caay ko mamaliyas ningra ko satfoc.
6O tadamaanay a tamdaw i, ta'ongen no tamdamdaw,
o halipalada'ay a tamdaw i, misawidang ko tamdamdaw.
7O pakosiya a tamdaw i, halosalikaka ningra a ma'osi i cingraan, mangalef ko widang ningra a miliyas i cingraan.
Mikilim cingra to hawidang ningra i, awaay a matama ningra.
8O milongocay to sakafana'aw i, o maolahay to tireng ningra,
o ma'imeray to fana' i, caay ka citolas ko nika lmed ningra.
9O misamangahay a pawacay i, caay ko mamaliyas ningra ko satfoc,
o misakaniway a somowal i, o mamatkop cingra.
10O maapaay a tamdaw i, caay ka tatodong a patahtah saan ko 'orip,
o koli a tamdaw i, caay ka tatodong a mikowan to tawki ningra.
11O citanengay a tamdaw i, caay ka narikay a makter,
caay pikadkad to patlac no tamdaw, o katadamaan ningra konini.
12Ano makter ko hongti i, matiya o piltoh no layon, nikawrira,
o sini'ada ningra i, matiya o misngeray to talod a 'arsing.
13O maapaay a wawa i, o sakapades no wama ningra,
o karacoliay a fafahi i, matiya o caay pitolas a lsa' no 'orad.
14O loma' ato dafong i, o nirocokan nai to'as,
nikawrira, o citanengay a fafahi i, o nipaflian no Tapang.
15O matokaay a tamdaw i, saromi'ad sa a mafoti',
o sasalama sanay a tamdaw i, o mamacahiw.
16O mido^doay a ma'imer to rikec no Kawas i, o kako'daw ko 'orip ningra,
o misorikoray to lalan no Tapang i, o mamatkop cingra.
17O palada'ay a padama to pakosiya a tamdaw i, o pacaliway i Tapang to payso,
o nga'ayay a dmak ningra i, o Tapang ko papatikol i cingraan.
18Yo ka^mangho ko mihcaan no wawa i, tangsolen a pasifana' a palatamdamdaw,
nikawrira, aka pakinalien ko dmak to saka^caaw ka tkop nangra.
19O karakteray a tamdaw i, o mamilayap cingra to hci no tatiihay a dmak ningra,
ano pa'adingen iso cingra i, sariyariyaden a mipa'ading cingra.
20Pitngil a mihaklong to pisalof no tao, kaolah a minanam,
ta malacitanengay a tamdaw kiso i pahrekan.
21Alatek adihay ko nisafacoan no tamdaw a dmak,
nikawrira, deng o nafaloco'an no Tapang ko malahciay.
22O kakangodoan ko nika 'anof,#19.22 O kakangodoan ko nika 'anof, -- ano ^ca i, Ka o so'linay ko faloco' no tamdamdaw.
o a ikaka no pakosiya a tamdaw ko nika nga'ay no misamangahay a tamdaw.
23O mita'ongay to Tapang i, o kako'daw ko 'orip ningra,
rihaday ko aro' ningra a matayal, awaay ko pades ningra.
24O matokaay a tamdaw i, mitatoyto ko kamay ningra to kakaenen nai sala#19.24 sala -- o no Ripon a sowal.,
kawrira, o pipacomato i ngoyos i, matokato cingra.
25Sti'en ko malata'angay a tamdaw ta, mapalal ko maapaay a tamdaw.
Salofen a pa'icel ko citangalay a tamdaw ta, matongal ko nika citangal ningra.
26O misafaya'ay to wama ato milaplapay to wina a wawa i,
o tadapakangodoay to polong no paro no loma'.
27Wawaaw, ano pasla'ho kiso a minanam i,
miliyasto ko taneng ato sifana',
halokafana'an iso a matawalto iso.
28O tatiihay a pawacayay a tamdaw i, awaay ko mo^celay a sowal ningra.
O tatiihay a tamdaw i, deng o nika 'anof aca to caay ka mo^cel.
29O malata'angay a tamdaw i, o mamatfoc cingra.
O maapaay a tamdaw i, caay ko mamaliyas ningra ko sasti'.
Currently Selected:
Taneng 19: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
