Matay 3

O Pipatnak ni Yohani o Paino'ay

(Maroko 1.1-8; Luka 3.1-18; Yohani 1.19-28)

1Itiya i, ira ci Yohani o paino'ay a tamdaw a patnak i kohkohan no Yutaya a pala. 2Sowal sa, <<Pasasiyoren ko faloco' namo. Nawhani mangatato a talahkal ko Kitakit no Kawas#3.2 Kitakit no Kawas -- O sowal no Krisiya toya <<O i Kakarayanay a Kitakit>> sanay i, kinapinapina a masadak i cudad ni Matay, o tatodong nonini i, o masongila'ay a pikowan no Kawas, pahapinang to 'icel, olah, mo^cel ato 'dil Ningra, yo taynito ko Kitakit no Kawas i, o mamilahci Cingra to sapa'orip ato sapisawkit a dmak.!>> saan. 3Onini a tamdaw koya nisowalan ni Isaya o pali'ayaway to sowal no Kawas toya,

<<Ira ko ccay a milkalay i kohkohan a somowal,

<Patalaen ko malolalan no Tapang.

Songila'en ko malolalan Ningra,> >> sanay.

4O nisanga'an to fanoh no lakota ko riko' ni Yohani. O rafir ko safaked ningra to tatlecan. O riri' ato waneng no 'odal no pala ko nikaenan ningra. 5Tayra ci Yohanian ko nai Yirusalimay ato nai niyaro'ay no Yutaya ato nai tatihiay no Yortan a 'alo a tamdamdaw. 6Patalahkal cangra to raraw nangra, saka, paino'en ni Yohani cangra i Yortan a 'alo.

7Ma'araw ni Yohani ko nika tayni no 'alomanay a Farisay ato Satukay a tamdaw a papipaino' i cingraan i, sowal sa cingra, <<Kamo o cisawarakay a 'oner, cima ko pasifana'ay tamowanan to sapiliyasaw namo to aira a pitfoc no Kawas saw? 8Ano hatira i, pahapinangen i dmak namo ko nika sasiyor no faloco' namo a pasayni i Kawas. 9O tato'asan niyam ci Apraham, aka ka saan a malata'ang ko faloco' namo. Sowalen ako kamo, ma^deng ko Kawas a misanga' to malotloc ni Apraham tonini a foklokloh. 10Mapatalato a matli i tapangan no kilang ko caklis. O caay ka cihci to nga'ayay i, o lalteken a ma^min a mifahkol i namal. 11O nanom ko sapaino' ako i tamowanan a pahapinang to nika sasiyor no faloco' namo a pasayni i Kawas. Nikawrira, o aira i ikor ako a tamdaw i, o Fangcalay 'Adingo ato namal ko sapaino' Ningra i tamowanan. Ikaka ako ko 'icel Ningra. Caay ka tatodong kako a mitatoy to cokap Ningra. 12Mitatoy Cingra to hatapes to sapitapes Ningra a mihimrac#3.12 mihimrac -- o roma i, mitrac (ka'amis). to niparparan a ^mi. O nana'angen Ningra i 'ariri ko ^mi. O tatodohen Ningra ko tpes i caay ko mamapadeng a namal,>> han ni Yohani.

O Pipaino' ci Yisan

(Maroko 1.9-11; Luka 3.21-22)

13Itiya sato ira ci Yis nai Kalili a tayra i Yortan a 'alo a miraod ci Yohanian, a milongoc to sapipaino' ningra. 14Sapitena'an ci Yohani i Cingraan. Saka, sowal sa ci Yisan, <<Kona ako ko papaino'en Iso, 'arawhan i, tayni Kiso i takowanan a papipaino',>> han ni Yohani.

15Paca'of sa ci Yis, <<Paino' hanho Kako i matini. Onini a dmak i, o sapilahci ita to mo^celay a matatodongay i nafaloco'an no Kawas a dmak,>> han Ningra. Saka, paino' hanto ni Yohani ci Yis.

16Mahrek ci Yis a paino' i, tangsol sa a macakat nai nanom, mafawah ko kakarayan. Ma'araw ningra ko nika ^pod no 'Adingo no Kawas a matiya o topi#3.16 topi -- o roma i, fanol (ka'amis). a patfo i tireng Ningra. 17Itiya i, ira ko ngiha' nai kakarayan. Sowal sa, <<O kakaolahan Ako a Wawa konini, o kakahmekan Ako Cingra,>> saan.

Currently Selected:

Matay 3: AMIS2019

Highlight

Copy