Matay 12

O Pakayniay i Pasla'an a Romi'ad a Licay

(Maroko 2.23-28; Luka 6.1-5)

1Nanoya, yo ccay a Pasla'an a Romi'ad, pakayra i ci^miay a omah ca Yis a romakat. Macahiwen ko nisawawaan ni Yis saka, hapric sato to minaro'an no ^mi cangra a komaen. 2Ma'araw no Farisay a tamdaw konini a dmak saka, sowal sa i ci Yisan, <<Nengnengen, midmak ko nisawawaan Iso to caay ko dadmaken i Pasla'an a Romi'ad,>> han nangra.

3Paca'of sa ci Yis, <<Caho ka asip namo saw ko pakayniay i nano dmak na Tafiti ato kapot ningra yo macahiw cangra? 4Micomod cangra i Pita'ongan to Kawas a Loma', miliyang to Rikec cingra ato kapot ningra a komaen to nipacakatan i Kawas a ^pang (Nawhani, deng o citodongay to ta'ong ko manga'ay a komaen). 5O romasato, caay ka asip namo saw ko matiliday a Rikec ni Mosi toya i Pasla'an a Romi'ad i Fangcalay Pita'ongan, ano miliyaliyang ko citodongay to ta'ong to Pasla'an a Romi'ad i, caay ko raraw nangra sanay. 6Pasowalen Ako kamo, ira i tini ko ikakaay no Fangcalay Pita'ongan. 7Ano mafana'ay kamo to tatodong noya <Maolah Kako to adayay no tamdaw, caay ka olah Kako to pipato'aya no tamdaw,> sanay a sowal i, kona caay pasteken namo i raraw ko awaay ko raraw a tamdaw. 8Nawhani o Tapang no Pasla'an a Romi'ad ko Wawa no Tamdaw,>> han Ningra.

O Piadah to Mapikingay ko Kamay a Tamdaw

(Maroko 3.1-6; Luka 6.6-11)

9Nanitira a miliyas ci Yis i, tayra a micomod i kasa'opoan no Yutaya a loma'. 10Ira itira ko mapikingay ko tatihi a kamay a tamdaw. Saka, licayen no tamdaw ci Yis, <<Manga'ay a miadah to adadaay i Pasla'an a Romi'ad haw?>> han nangra. Onini i, o sapakokotaw nangra to dmak ni Yis.

11Paca'of sa ci Yis, <<Tinako sa ano ira ko cisiriay no nima namo to ccay, ano matfad i rfong koya siri to Pasla'an a Romi'ad i, caay pasadaken namo koya siri saw? 12Tadaikaka no siri ko nika o kakalimlaan ko tamdaw. Orasaka, o nipidmak to nga'ayay i piPasla'an a Romi'ad i, o mahaydaay i Rikec,>> han Ningra. 13Itiya i, <<Fiyacen ko kamay iso!>> han ni Yis koya tamdaw.

Saka, fiyac han ningra ko kamay i, maadahto ko kamay ningra. Malcadto ato tatihi a kamay a manga'ay. 14Sadak sato koya Farisay a tamdaw. Samaanen ita ko pipatay ci Yisan? saan a masasowasowal cangra.

O Nipili'an no Kawas a Matayalay

15Matngil ni Yis konini saka, liyas sato itira. Mitoor ko 'alomanay a tamdaw Cingraan. Adahen Ningra ko adadaay nangra a ma^min. 16Palimo'oten Ningra cangra, <<Aka pakafana'en ko tao to pakayniay i Takowanan,>> han Ningra. 17Onini i, o nika lahci no nisowalan ni Isaya o pali'ayaway to sowal no Kawas toya,

18<<O matayalay Ako a koli konini.

O nipili'an Ako, o kaolahan Ako Cingra.

O papaflien Ako Cingra to 'Adingo Ako.

O paparatoh Cingra i kasafinawlan to pakayniay i pisawkit Ako.

19Caay ko mamacacoli Cingra ato tamdaw.

Caay ko mamicli' Cingra.

Caay ko mamisacli' Cingra a pasowal i lalalalan.

20Oya maptekay a pnen, caay paci^ci Cingra a miripa',

caay paci^ci Cingra a mipadeng to sakapadengananay a dawdaw.

Caay ko mamatoled Cingra tangasa i pipatirengan Ningra to mo^celay a dmak.

21O mamalopafaloco'an no kasafinawlan no hkal Cingra, sanay,>> han ni Yis.

Ci Yis aci Pilcipul

(Maroko 3.20-30; Luka 11.14-23; 12.10)

22Itiya i, ira ko mikriday a patayra i ci Yisan to ccay a maaro'ay no palafoay, o mapohaway, o maapaay cingra. Adahen ni Yis cingra saka, caciyawto, paka'arawto cingra. 23Safahka' sa ko finawlan. Sowal sa, <<Onini alatek koya Wawa ni Tafiti hananay?>> saan cangra.

24Matngil no Farisay a tamdaw konini a sowal i, sowal sa, <<O sakafana' Ningra a mifahfah to palafoay i, caayay hakiya kao nano 'icel no kakridan no Palafoay ci Pilcipul#12.24 Pilcipul -- o ccay a ngangan ni Satan.,>> saan cangra.

25Mafana' ci Yis to harateng nangra i, sowal sa i cangraan, <<Ano macacoli a malacinowas ko paro no kitakit i, o mamapleng koya kitakit. Ano macacoli a malacinowas ko paro no niyaro' ato paro no loma' i, caay ko tatomireng koya niyaro' atoya loma'. 26Ano fahfahen ni Satan ci Satan i, o macacoliay a malacinowas ko laloma' nira. Ano hatira i, samaanen no kitakit nira ko nika tomireng hakiya? 27Ano nano 'icel ni Pilcipul ko sapifahfah Ako to palafoay i, nima a 'icel ko sapifahfah no kapot namo to palafoay saw? Ano hatira i, o pahapinangay cangra to nika patlac namo. 28Nikawrira, o nano 'icel no 'Adingo no Kawas ko sapifahfah Ako to palafoay. Saka, o pahapinangay konini to nika irato i tamowanan ko pikowan no Kawas.

29<<Ano sapicomodan ko cima a tamdaw to loma' no ci'icelay a tamdaw a mi'afas to dafong ningra i, i 'ayawenho ningra ko nipipalit toya ci'icelay a tamdaw. Ta nga'ay ko nipi'afas noya tamdaw to dafong noya ci'icelay a tamdaw.

30<<O caay pikitini i Takowanan a tamdaw i, o pacoliay Takowanan. O caay pikapot i Takowanan a misa'opo i, o palicinowasay to tamdaw. 31Orasaka, sowalen Ako kamo, Ma^dengho a mahpol ko masamaamaanay a raraw ato tatiihay a sowal no tamdaw. Nikawrira, o milokesay to Fangcalay 'Adingo a tamdaw i, caay ko mamahpol ko raraw ningra. 32Oya milokesay to Wawa no Tamdaw i, ma^dengho a mahpol ko raraw ningra. Nikawrira, o milokesay to Fangcalay 'Adingo i, ano aninito, ano a irato a hkal i, caay ko mamahpol ko raraw ningra.

O Kilang ato Hci

(Luka 6.43-45)

33<<O nga'ayay a kilang i, o nga'ayay ko hci. O tatiihay a kilang i, o tatiihay ko hci. Nawhani i hci a mahapinang ko nika masamaanay koya kilang. 34Kamo, o cisawarakay a 'oner, o tatiihay kamo. Saka, samaanen namo ko nika somowal to nga'ayay a sowal saw? Nawhani ano masamaanay ko faloco' noya tamdaw i, hatiraay ko masadakay i ngoyos ningra. 35O nga'ayay a tamdaw i, o nga'ayay a nina'angan ningra i faloco' ko nisadakan ningra to nga'ayay. O tatiihay a tamdaw i, o tatiihay a nina'angan ningra i faloco' ko nisadakan ningra to tatiihay.

36<<Sowalen Ako kamo, i pisawkitan a romi'ad i, o papatalahkalen no tamdamdaw a ma^min ko kahaccaccay no nanisowalan no tireng to caay ka ci^poc a sowal. 37Nawhani pakaynien no Kawas i nano sowal iso ko nipipastek to nika awa no raraw iso, ano ^ca i, o nipipastek to nika ciraraw iso,>> han ni Yis.

O Pingitangit to Kafahka'an a Dmak

(Maroko 8.11-12; Luka 11.29-32)

38Itiya i, pasowal i ci Yisan ko papinapina a pasifana'ay to Rikec ato Farisay a tamdaw, <<Singsiaw, mangalay kami to sapa'arawaw Iso i tamiyanan to kafahka'an a dmak Iso,>> han nangra.

39Paca'of sa ci Yis i cangraan, <<Wata: ko nika tatiih ato nika ^ca pitoor no aniniay a tamdaw to Kawas. Mingitangit kamo i Takowanan to sapinengnengaw to kafahka'an a dmak. Caay! Deng oya kafahka'an a dmak no Kawas ci Yonaan o pali'ayaway to sowal no Kawas ko mama'araw, awaayto ko roma a kafahka'an a dmak a sapa'araw i tamowanan. 40Tolo a romi'ad, tolo a dadaya ci Yona i tiyad no tata'angay a foting. O mamahaen ito ko Wawa no Tamdaw a tolo a romi'ad, tolo a dadaya i laloma' no sra. 41I pisawkitan a romi'ad i, o tatomireng ko tamdaw no Ninifi a mipastek i raraw tamowanan o aniniay a tamdaw. Nawhani yo mitngil to kimad ni Yona ko Ninifi a tamdaw i, pasasiyor ko faloco' nangra a pasayni i Kawas. Sowalen Ako kamo, ira i tini ko ikakaay ni Yona ko nika tadamaan. 42I pisawkitan a romi'ad i, o tatomireng ko no timol a fafahiyan a hongti a mipastek i raraw i tamowanan o aniniay a tamdaw. Nawhani tayni cingra nai maraayay a kitakit to sapitngilaw to citanengay a sowal ni Solomon. Sowalen Ako kamo, ira i tini ko ikakaay ni Solomon ko nika tadamaan.

O Pipatiko no Kaackan a 'Adingo

(Luka 11.24-26)

43<<Ano masadak ko kaackan a 'adingo nai tamdaw i, misarakarakat ciira i awaay ko nanom a pala a mikilim to malopahanhanan niira. Nikawrira, ano awaay a matama niira i, 44sowal sa ciira, <Patiko kako a minokay toya nano kaitiraan ako a loma'> saan ciira. Patiko sato ciira i, awaay ko cimacima itira. Maasik a malosimet ko laloma' noya loma'. 45Saka, sadak sato ciira nai loma'. Tahidangen niira a patayni ko ikakaay niira ko tatiih a papitoay a tatiihay a kawas. Comod sato caira a maro' itira. Orasaka, ikakato no i 'ayaway a pinangan noya tamdaw ko nika tatiihto no pinangan ningra. O mamahaen ito ko dmak i aniniay a tatiihay a tamdaw,>> han ni Yis.

O Ina ato Salikaka ni Yis

(Maroko 3.31-35; Luka 8.19-21)

46Yo pasowalho ci Yis to finawlan i, ira ko ina ato salikaka Ningra a tayra a tomireng i papotal. Sapasowalan cangra i ci Yisan. 47Saka, sowal sa ko ccay a tamdaw i ci Yisan, <<Nengnengen ira ko ina ato salikaka Iso a tomireng i papotal. Sapasowalan cangra i Tisowanan,>> han ningra.

48Paca'of sa ci Yis, <<Cima ko ina Ako saw? Cima ko salikaka Ako saw?>> han Ningra. 49Laya' sa ci Yis to kamay a mitoro' i nisawawaan Ningra a somowal, <<Nengnengen, onini a tamdamdaw ko ina ato salikaka Ako. 50Ano cima ko mido^doay to nafaloco'an no Wama Ako i kakarayan i, orira ko salikaka Ako ato ina Ako,>> han Ningra.

Currently Selected:

Matay 12: AMIS2019

Highlight

Copy