Hogusra 16
16
1Egi Abram hijawira Sarai inke ninkjang hagarninina, egi hinug wareisha harnina Egipt wankshigisha, e Hagar higairena.
2Egi Sarai Abram wagena: Horuxujre Jehowa hornaingissege ninkjang harnira, ningitarna hinug‐ware harnieja hokaware, ningete ninkjang harniege newarnikjena. Egi Abram Sarai hoit’era harnagixguna.
3Egi Abram hijawira Sarai hinug‐ware Egipt‐wankshig Hagar rus‐anaga egi Abram hok’una hikhanara hijawi hikjege, Abram Kana‐an mainja ma kerepana‐haisha jhiarnaga hageja.
4Egi Abram Hagar‐eja hokewena egi waujganakshana. Egi jaja Hagar waujganagra hakijagi hirukana harnira inke washa hiranak‐inina hajaija.
5Egi Sarai Abram wagena: Hawe hirawera ne harni‐shuna, hinug‐ware harnira mang hashinieja harniningigina egi jaja waujganagra hakijara inke washa hirainainina hajaija. Jehowa hajanga hiwaungi wangiragihikjanena.
6Eshi Abram Sarai wagena: Horuxujre hinug‐ware hashinira nab‐hashinieja jena, jasge raiphingi giune. Egi jaja Sarai Hagar hawehigi jowehieja gias‐shana.
7Egi Jehowa waxopiniwarajire harnira Hagar hierena niwagu hisha eja ma‐hojainainja, ni‐wagujega nagu Shur hirakereja.
8Egi Hagar wagena: Hinug‐ware Sarai harnira, hajinja horawarajishe, egi hajinja horawa‐sh’ushe? Egi wena: Hirukana harnira Sarai hagigias‐shana.
9Egi Jehowa waxopiniwarajire harnira Hagar wagena: Hirukana hashinieja hakja howakarare, egi nab‐earnieja hokikurushja rehiaje.
10Egi Jehowa waxopiniwarajire harnira wagena; Su hashinira woroha rokana hakjanena, worohaxjingi inke gikarab phinikjanena.
11Egi Jehowa waxopiniwarajire harnira wagena: Horuxujre waurajganag‐kshanakshana, egi hojinjinig hisha hashinikjanena, egi rashra Ishmael higairekjanena, Jehowa harawera nanixgunge.
12Egi wang jashishig hisha herekjanena. Nab earnira higu peshe heregi hakirakjanena, egi wankshigra nab warninera hakirairekjanena, egi wakhinubra harnaj jowehireja jhikjanena.
13Egi Hagar Jehowa rashra rajshana E hokit’era Mau wajaranina esge wena: Nishge eegi haunagre hajaphianiguni wajanagra.
14Esge ni‐wagujega ni‐wagu niambjera E wajajera higena. Horuxujre Kades egi Bared hojakenainja herena.
15Egi Hagar Abram hojinjinig hisha hagarnina. Egi Abram hinigra rashra Ishmael higena, Hagar hagarnina.
16Egi Abram ma kerepana‐haruang‐anaga egi hakewehashanahana, jaja Hagar Abram Ishmael haganira.
Currently Selected:
Hogusra 16: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
