Hogusra 17
17
1Egi jaja Abram ma kerepana‐hishankijushguni‐anaga egi hishankijushguni‐hashanahangi, Jehowa Abram jantingikhina egi wagena: Ne Mau inke washa rushagnira winena, Hishja joweharegi manige egi inke washara hisha hirohiranine.
2Egi rohira hikisge wakhi harnira hojakena hihiregi haunkjanena egi woroha rokana ninkjanena.
3Egi Abram hishjara mainja herehi himpshana, egi Maura hokit’ena wena:
4Horuxujre de‐eshi niarnira, rohira hikisge wakhi harnira harakishu shunajena, egi wankshig howajehira rohaxji hianj‐hire niunkjanena.
5Egi rash hashinira inke shige Abram hinigai‐ranikjanena eshi Abraham hinigairekjanena, wankshig howajehira rohaxji hianjni niunge esge.
6Egi wojara rokanaxji niunkjanena, egi wankshig howajehi niunkjanena, egi hungra eegi horniwahi hihinab‐hirekjanena.
7Egi rohira hikisge wakhi harnira hojakena hihiregi hakara‐kerekjanena, egi su washinira hag howarehire hokijhu harnineja, manegus rohira hikisge wakhi hisha herena. Mau hashinikjanena egi su washinira hag howarehire.
8Egi hornik’unkjanena egi su washinira hag howarehire ma wakuruxe hosh’urajane Kana‐an mara harnaj manegus harninekjanena, egi Mau ne‐hininekjanena.
9Egi Maura Abraham wagena: Esge rohira hikisge wakhi harnira harnijanje ne‐nineanaga egi su washinira hag howarehira wankshig‐hoi harnineja.
10De‐e rohira hikisge wakhi harnira herena e hashinikjawina hojakena hihiregi egi su washinira hag howarehire. Wangra horograregi herera harnaj wamajhairekjena.
11Egi rei‐xu washiniwira wamanajhekjawina egi rohira hikisge wakhira e woijantira herekjanena hojakena hihiregi.
12Egi ninkjangnigra hamb haruanga‐hangi wamajhairekjena horog‐rawiejananka hokijhu hashinieja wangnanka harnaj hisha jhieja wankshig‐ingi, shige hijahi herera hisha shura hiruwinegi e inke su hashiuira herenishge.
13Hisha jhi hashinieja wankshig‐ingi egi hisha shura hashinira hiruwinegi wamajhairegi phinana. Egi rohira hikisge wakhi harnira ro hashinieja nihekjanena, manegus rohira hikisge wakhisha herena.
14Egi ninkjangnig wang inke majhairanira e rei‐xu harnira inke majhairanigi naxirag she‐e wankshig warnieja mawaxhirekjanena, e rohira hikisge wakhi harnira hingishanage.
15Egi Maura Abraham wagena: Hijawinaga Sarai inke hinupahana Sarai higarnianje, eshi Sarah rashra higairekjanena.
16Washophi howe‐hakjanege egi hishge hojinjinigra hisha hornik’unkjanena Sarah‐eja howaji. Hisgexji washophi howe‐hakjanena egi wankshig howajehira hiunihirekjanena, egi wankshigra hung warninera eja howajirekjanena.
17Egi Abraham hishjara mainja herehi jimpshana, egi hiksharna, egi najge earnieja wakigena: Ninkjangnigra hisha hagarni‐hiranashe ma hogihishangi egi Sarah ma kerepana‐hishankijushguni‐hangaja ninkjang harnikjaneshe?
18Egi Abraham Maura wagena: Ishmael e joweraregi wankshig‐insheshi.
19Egi Maura wena: Hijawinaga Sarah hisgexji hojinjinig hisha harnigarnikjanena egi rash sharagi Isaak hiragekjena egi rohira hikisge wakhi harnira hakishuunje hakjanena, manegus rohira hikisge wakhi hisha herena egi e su warnira hag howarehiga.
20Egi shige Ishmael hishge nanaxgura, horuxujre washophi najhiroajane, egi woja hakjanena egi worohaxji rokana hakjanena, hungra kerepanaishanaga‐nuphashana hagarninekjanena egi wankshig howajehi rokan haunakjanena.
21Eshi rohira hikisge wakhi harnira Isaak hakishu unjehakjanena e Sarah harnigarnikjanera deshejanagi ma joweregi.
22Egi hokit’era rashjana egi Maura wangrowakerena Abraham eja unjera.
23Egi Abraham hinigra Ishmael kurussana egi jarnaga jhi eojhieja wankshig‐ingi egi jarnaga shura earnigi wawiruwingi Abraham hojhira wankshig warnira horog hireja wangra harnaj rei‐xu warninera wamangijhairena higu hamb eegi, Maura shesge higege.
24Egi Abraham ma kerepana‐hishankijushguni‐anaga egi hishankijushguni‐hashanana, rei‐xu earnira makarajhajega eegi.
25Egi hinigra Ishmael ma kerepanaishanaga‐danihashanana rei‐xura mangijhairega eegi.
26Egi higu hambeja Abraham egi hinigra Ishmael wamajhairena.
27Egi eojhieja wangnanka harnaj, jhieja wankshiginegi egi hijahi here shura wawiruwinegi wakishu majhairena.
Currently Selected:
Hogusra 17: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
