Hogusra 14
14
1Egi herena hamb‐naka eja Shinar ma‐eja Amraphel hungra herena, egi Elasar ma‐eja Ariox hungra herena, egi Elam ma‐eja Kedor‐la‐o‐mer hungra herena, egi wankshig hirarujeja herera Tidal hungra herena.
2De‐e Sodom hungra Bera kisairena egi Gomorah hungra Birsha, egi Adamah hung harninera Shinab, egi Seboim hung harninera Shemeber, egi Bela Soar herera hung harninera.
3De‐e harnaj hakikishu Siddim hosunsh‐eja hajirena, e nisguteja herena.
4Ma kerepanaishanaga‐nuphashana Kedor‐la‐o‐mer warnina, egi ma kerepanaishanaga‐hitani‐hashanainja hakirairena.
5Egi ma kerepanaishanaga‐hijop‐hashanainja Kedorla‐o‐mer jina egi hung hakishu jina egi wawarnana Rephaimra Ashteroth Karmaim‐eja nagra, egi Susimra Hameja nagra, egi Emimra Kiriathaim mainja nagra,
6Egi Horitra Seir’xe harnieja nagra, Paran nanojaija mojainainja herena.
7Egi hakja hakirirena egi ma‐i Mishpat‐eja hahirena Kadesh‐eja herena egi Amalekitra ma harnineja harnaj wawarnana egi shige Amoritra she‐e Haseson‐Tamar eja jhinankhi.
8Egi Sodom hung harninera egi Gomorah hung harninera egi Adamah hung harninera egi Seboim hung harninera egi Bela Soar hererena hung harninera harairena egi hikikoroho hokisara Siddim hosunsh‐eja.
9Wakirairekjanena Elamra hung harninera Kedor‐lao‐mer egi wankshig hirarujeja herera hung harninera Tidal egi Shinarra hung harninera Amraphel Elasarra hung harninera Ariox, hungra jopi, saja hakirana.
10Egi Siddim hosunshra rexoro wiraraax mopoxra rokanana. Egi Sodomra egi Gomorahra hung warninera giashirena egi eja warnainena egi jarnaga hotagi xeja hogiashirena.
11Egi Sodom egi Gomorah washa warninera harnaj wagirus‐hirena egi waruj warninera harnaj egi nigeowakarairena.
12Egi Lotga rus‐hirena Abram khinubra hinigra e Sodom‐eja jhinagra egi washa warnira egi nigeowakarairena.
13Egi hisha jina rugash‐rehiregi, egi Abram Hebraer hisha waunjena hogirag‐hirena, e Mamre nanojaija jhinakshana Amoritga harnieja, e Eshkol khinubshana egi Aner khinubshana, de‐e Abram rohira hikisge wakhina.
14Egi jaja Abram naxgungi khinubra hini harniakarairegi, harairena manape hikaraijga ware warnira, jhi eojhieja wankshig‐inera, hogihi‐danianaga egi kerepanaishanaga‐haruang‐hashana, egi Dan‐eja waruxahirena.
15Egi khiruje‐khinena wakira e hereanaga egi ware warnira haheregi, egi d’ewahina egi Hobah‐eja waruxahina, e Damaskus horajgeja herena.
16Egi washara harnaj hakja warni‐kirina egi shige khinubra Lotga harni‐kirina egi washa warnira egi hinugra hishge egi wankshigra.
17Egi jaja Abram hakja‐kirigi Kedor‐la‐o‐mer kisarnaga egi hung wakishu‐unakhi, Sodom hung harnira hikipahina, hosunsheja hung hosunshra higairera eja.
18Egi Salem hung harninera Melxisedek waisgabduj egi nishuj hagarnihina. Egi e nab‐horuxaj hirukanaisha herena Mau eshana xetera harnira.
19Egi washophi naj‐hirojana egi wena: Abramra Mau eshana xetenagra maxi‐hoshunagre egi mara harni‐nagra washophi naj‐hironijankjanena.
20Egi Mau eshana xeteranira nitajankshana, E hokikje‐wara‐jabra nab hashinieja wornigi‐rushjarehina. Egi Abram hikere‐panaishara harnaj hok’una.
21Egi Sodom hungra Abram wagena: Wankshigra woik’une egi washara wakirusre.
22Egi Abram Sodom hungra wagena: Jehowa Mau eshana xetera maxi‐wangregi hoshuagre egi mara harnira nab‐harnira eja hapahi hakuruana,
23Inke wirujagra egi shige inke waguje‐sikara hisha dusni‐kjanena washa washinieja hisha, nigete washege Abram hitajeharna.
24Washa jagu hojinjira ruj‐hirerashana egi wang hijane wakishu hahira Aner egi Eshkol egi Mamre washa harninekjera kurus‐wagigire.
Currently Selected:
Hogusra 14: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
