Hogusra 13
13
1Egi Abram Egipteja hihinabshana, ereanaga egi hijawira egi washara jarnaga harnigi harnaj egi Lot hakishu, wiorojonjera howarairena.
2Egi Abram mashja hitajena jera egi shura‐sgara egi shura‐sira.
3Egi wiorojonjeja howahi gixanana Bethel‐eja hina, jeg‐hojikereja hajinja jhinihera eja, Bethel egi Ai hojakenainja.
4Nab‐horuxaj hou jegeja unihera eja, egi eja Abram Jehowa rash harnira girajshana.
5Egi Lotga Abram hakishu uangra hishge jhasga harnina egi jera egi jhira.
6Egi manaka inke warniu ruxurugnina, hakikijhi phiranina washara rokana harninegi inke hakikijhi ruxurughiranina.
7Egi eja kikitag hirena Abram je hirakara warnira egi Lot je hirakara warnira. Egi Kana‐anitra egi Pheresitra ma‐eja jhi harni‐hairena.
8Egi Abram Lot wagena: Ningitarna, inke kikitak hiranigi ne‐wineanaga egi nenine egi je hirakara warnira egi je hirakara washinira, hikikhinub hajege.
9Jasge inke mara harnaj joweraregi‐nagnishe? Ningitarna hikirujekjena, hoirajgeregi horawasheregi egi hoishororegi wawatekjena nigeshge hoishorora horawasheregi egi hoirajgera wawatekjena.
10Egi Lotga horuxujre‐hina egi Jordan mara harnaj horuxujshana egi hajarna hajinja herera ni jura Jehowa kheni Sodom egi Gomorah maisinsh wahini, Jehowa max harnira hikisgena, Egipt mara hikisgena, Soar eja hipa.
11Egi Lotga Jordan mara harnaj khijana. Egi Lotga wiaxebhueja hoixanana, egi khirujeshana khinena.
12Abram Kana‐an mainja jhinakshana, egi Lotga ma‐eja jhinag‐eja jhina. Egi Sodom sanig e hapahi jhi kikuna.
13Eshi Sodom wankshigra wowonk‐hirena egi Jehowa jowehieja washa woishana ura rokana‐hirena.
14Egi Jehowa Abram wagena: Lotga khiruje‐anaga hageja, Woruxujre egi hosh’urajega eja wioweshguni eja horuxujre egi wiorojonjeja egi wiaxebhueja, egi wioireja.
15Mara jasgexji hashjaga hornik’unkjanena egi su hashinira manegus.
16Egi su hashinira manegi majushishig‐nagre wawikina wahakjanena, wankshigra hisha ma‐hihagregi majushishig‐nagre gikarab ruxurugkhi, hishge su washinira waikarabnana.
17Nashianage egi mara hiroha howarare egi haruje howarare, she‐e hornik’unkjanena.
18Egi Abram jhira gixana karagina egi Mamre nanojaija hina egi eja jhina Hebron eja herena, egi eja Jehowa nab‐haruxaj hauisha giuna.
Currently Selected:
Hogusra 13: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
