Hogusra 12
12
1Egi Jehowa Abram wagena: Ma hashininegi hihinabge nigeowarare egi washawararegi egi hianjraga hojhiregi, ma nige himanigitaikjanera eowarare.
2Egi wankshig howajehi rokana niunkjanena, egi washophi howenikjanena, egi rash hashinira rokana ninkjanena, egi washophi howe‐wahiranikjanena.
3Egi washophi howe‐wahakjanena washophi howeninegi, egi washoshishig howekjanena, washoshishig howenigi. Egi ne‐hawau manegi jhinagra washophi howairekjanena.
4Egi Abram nigeowarena, Jehowa hirokit’era shesge. Egi Lot hakishurena. Egi Abram ma kerepana‐shagowihanaga egi saja‐hashana‐hangaja Haran eja nigeowarena.
5Egi Abram hijawira Sarai hakaraninena egi khinubra hinigra Lot egi washara jarnaga ruxurughire harninankhi egi naxiragra jarnaga Haran eja harninankhi. Egi Kana‐an mainja howarairena, egi Kana‐an mainja hahirena.
6Egi Abram mara howaregi Sixem eja hina, nanojaija Moreh higairera. Egi Kana‐anitra ma‐eja nankshana.
7Egi Jehowa Abram janti‐gikhina egi wagena: Made‐e su hashinira wawak’unkjanena. Egi eja nab‐haruxaj haura Jehowa giuna E janti‐gikhina.
8Egi eja gixanarena xeisha ejanakhi Bethel wiaxebhueja hina egi eja jhina Bethelra wihoirejanakshana egi Ai wiaxebhuejanakshana egi eja nabharuxaj haura Jehowa giuna egi Jehowa rashra rajshana.
9Egi hageja Abram sanig wiorojonjera hapahi hoixanana.
10Egi eja mara dokewehi wahina. Egi Abram Egipteja howarena ma‐wakuruxe jhina, mara dokewehi wahira rokanage esge.
11Egi herena jaja Egiptra hiwusunsh hokewera higi, hijawira Sarai wagena: Horuxujre, hiaperessana hinug phi hajararanina.
12Egi wauinekjanena jaja Egipt wankshigra harnijairegi, wairekjanena: De‐e hijawira herena, egi d’ewinekjanena, eshi niambjeninekjanena.
13Ningitarna, ne hinug nijabshe aje, ne hawau, phi hauanjekjena, ne hawau naxirag harnira niaimbjena.
14Egi herena jaja Abram Egipteja higi, Egipt wankshigra hinugra hajairena mashja hajara phira.
15Egi Pharaoh manape hung harnira hishge hinugjega hajarna egi Pharaoh jowehieja hinugjega hophira rajankshana. Egi hinugjega Pharaoh hojhieja harniokawairena.
16Egi hinugjega hawau Abram phi hirena. Egi jhasga harnina egi jera egi shungxete‐najawaxete wangra egi wang warera egi hinug warera egi shungxete‐najawaxete hinugra egi wanoijge‐huxashogra.
17Egi Jehowa Pharaoh egi jhi hojhira howashara rokana wahina, Sarai e hawau Abram hijawira.
18Egi Pharaoh Abram gigorna egi wena: Jagu‐u de‐e wairagish’ushe? Jagu‐u inke hunagisharagnishe ne hijawiragi?
19Jagu‐u washeshe, ne hinug‐hajabshana? Esge hakhanaikjane hiaregajerena. Egi horuxujre, hijawiraga de‐erena, kurusge egi karare.
20Egi Pharaoh wang warnira u‐washina Abram haehi, egi nigekere hahirena egi hijawira, egi washara jarnaga harnigi harnaj.
Currently Selected:
Hogusra 12: WIN
Highlight
Share
Copy
Want to have your highlights saved across all your devices? Sign up or sign in
Published by the American Bible Society in 1907.
