Hogusra 10

1Egi de‐e Noah hinig‐wahira Shem, Ham egi Japhet hokijhu harninera herena. Egi nija rushjanaga hageja hinig‐wahirera wawagarninena.

2Japhet hinig‐wahira de‐e rerena: Gomer egi Magog egi Madai egi Jawan egi Tubal egi Meshex egi Tiras.

3Egi Gomer hinig‐wahira de‐e rerena: Ashkenas, Riphat egi Thogarma.

4Egi Jawan hinig‐wahira: Elisha, Tarshish, Kittim egi Dodanim.

5De‐e hirarujeja herera wij warnineja jhirena ma warnineja, jarnagaka hit’era hikaratairena, wawojhireja herera egi wankshig howajehi warnineja.

6Ham hinig‐wahira de‐e rerena: Xush egi Misraim, Put egi Kanaan.

7Egi Xush hinig‐wahira: Seba egi Xawila egi Sabtah egi Raema egi Sabtexa. Egi Raema hinigwahira: Sheba egi Dedan.

8Egi Xush Nimrod hagarninena, e manegi rokana jirena.

9Nakikara rokanaisha herena Jehowa hishja jowehieja. Esge wairena: Nimrod hikisge, nakikara rokanaisha Jehowa hishja jowehieja.

10Egi hungma harnira jegjikerehina Babel eja egi Erex egi Akkad egi Xalne Shinar mainja.

11Ma‐tegi rarnaga Ashur eja hina egi Niniweh una egi Rexoboth‐Ir egi Kalax,

12Egi Resen hojakenainja minagshana Niniweh hereanaga egi Kalax, de‐e jhinag xetena.

13Egi Misraim Ludim hagarninena. Egi Anamim egi Lehabim egi Naphtuxim,

14Egi Pathrusim egi Kasluxim (eja Philistim howajina) egi Kaphtorim.

15Egi Kana‐an Sidon hagarninena jorni herera egi Xeth,

16Egi Jebusitra egi Amoritra egi Gergesitra,

17Egi Xiwitra egi Arkitra egi Sinitra,

18Egi Arwaditra egi Semaritra egi Xamathitra egi hageja Kana‐anitra hojhira hoerarena.

19Egi Kana‐anitra hijej harninera Sidon epa rena Gerar eja rahinana egi Gasa eja rahinana egi Sodom egi Gomorah egi Adamah egi Seboim egi Lasha eja rahinana.

20De‐e Ham hinig‐wahina wojhireja herera, hit’e warninera wikarat’airera, ma warnineja egi jhinag howajehi warninera.

21Egi hishge Shem ninkjang hagarninena, Eber ninkjang warnira harnaj hianj hirena, Japhet xetera khinubra.

22Shem ninkjang warnira: Elam egi Ashur egi Arphaxshad egi Lud egi Aram.

23Egi Aram ninkjang warnira: Us egi Hul egi Gether egi Mash.

24Egi Arphaxshad Shalah hagarninena egi Shalah Eber hagarninena.

25Egi Eber hojinjinigra nupiwi hagarninena, hisha rashra Peleg higairena, hamb‐eja mara khiruje hirege esge, egi khinubra rashra Joktan higairena.

26Egi Joktan Almodad hagarninena egi Sheleph egi Hasarmaweth egi Jerax,

27Egi Hadoram egi Usal egi Diklah,

28Egi Obal egi Abimael egi Sheba,

29Egi Ophir egi Hawilah egi Jobab. De‐e harnaj Joktan hinigwahina.

30Egi Mesha epa hojhi harairena Sephar eja rahinana e xe hisha wiaxebhu ejanakshana.

31De‐e Shem hinig‐wahina wawojhirera, egi hit’era wawikarat’e hirena, ma warnineja, jhinag howajehi warnineja.

32De‐e Noah hinig‐wahira wojhirera hererena, wankshig howajehi warninera hokijhu warninera. Egi wankshig howajehi de‐e khirujekhinena manegi nijanaga hagregi.

Currently Selected:

Hogusra 10: WIN

Highlight

Copy