Kenesis 26
26
1Yetĭn tamas ra nūrū mori penūri temas ran dan su eni Ebraham. Im Isak yivē pugi Abĭmelek natemonōk en irora ōveteme Fĭlis ra Kirar.
2Im Iehōva yetūratumpeni pugi mō menūwi pugi memokū, Etūyep ra Ityipt, orokte‐lap‐wi ra nūrū ĭgko mori yx mĭpmenūwi pug kĭk memokū ugi. 3Orokote‐lap‐wi ra nūrū igko ĭm ya kanti ūndū kĭk woreveīeves kĭk ĭm ya kampunok ĭm novsen enugkĭk nūrū sū imo sū. Ya onampesog nam ūnam enyx mori yx menūwi pugi Ebraham ĭtemen‐e‐kĭk. 4Im ya onumpi novsen enugkĭk worelegetevtevi sugkū mosi sū ūnpōkop mō mampugi novsen enngkĭk nūrū sū ĭgko omwi sū; mov netevokontū sū omwisū ra nemap wampī e ves irora ugi novsen enugkĭk. 5Popōwo Ebraham yĭmsendiuki ves nam enyx memmekompeli nam horog enyx mōvun pasewugi sū, ĭm nam sū alam enyx.
6Im Isak yĭmetĭndōwi ra Kirar: 7mōveteme ra nūrū iyūi dūtagkeli iyi ugi retepon eni, miyi yenūwi memokū, Iyi vĭvenug, ĭt iyi yĭmtetugi worenūwi magkū, Iyi retĭg, kū en tawi ōveteme ra nūrū mori wantalugi iyi ra Rebeka, ĭt iyi fanasiven.
8Mō metepū pol sugkū dan sū ĭsūma worekote lap iyūi, Abĭmelek natemonēk enirora ōveteme Fĭlĭs yokesī‐go ra nilara mō mokesi ĭm pah Isak yale ūndū Rebeka retepon eni.
9Im Abĭmelek yovrugi Isak mō menūwi pugi memokū, Pah iyi ĭtnesog, retepon enugkĭk, Irantiē kimenūwi memōkū iyi vĭven enugkĭk? Im Isak yĭmtamsi memokū, It yx menūwi memokū, Kū en tawi ya amas ra iyi mori.
10Im Abĭmelek dōmūnūwi memokū, Tiē imō kĭmumpi? Nagkū sī netme ra netevokontū palē ūndū iyi kĭk petipe noworepatĭvi ĭramam. 11Im Abĭmelek yĭmpasewokonda ov netevokontū memokū, iyi mori osugkori imō neteme kū retepon eni amas.
12Penūri Isak yōwi ra nūrū yūi mō mevī ima nevi wun hunder ra sī: ĭm Iehōva yivīeves iyi. 13Im Isak yetepū nūsian mō mumproketeli horoge sah mafeli nĭmpugon iyi yeti ra nūsian tamas. 14Eni ōvun sĭmsĭmak ra ov nūrah mōvun torugat sikat mōveteme Fĭlĭs dūarekara iran. 15Mov nū‐itokeli sū ōvun torugat eni Ebraham ĭtemen dokoil, ōveteme Fĭlĭs dūsumpat mō mūsevi gi navivon nemap.
16Im Abĭmelek yōmenūwi pugi Isak memokū, Eve marug kam, ĭt e kĭk oti mōmū nusian ĭramam. 17Im Isak yivē pelah mō metipe tent eni ra nomolsep Kirar, mō metĭndōwi yūi. 18Im Isak yokōl ōvun nū‐itokeli mori irora dūpmokol ran dan sū eni Ebraham ĭtemen eni, it irora ōveteme Fĭlĭs dūmūsevi irora penūri Ebraham yimas; miyi yatov ninda memokū ugi ōvun ninda ĭtemen eni yĭpmatov ninda.
19Mōvun lĭvsx eni Isak dokol ra nūrū nomolsep mō mokesi yūi novuanda mori yorari. 20Mōv navles ra ōvun sĭmsĭmak ra Kirar dūōil dal ovnavles ra sĭmsĭmak sū eni Isak mūmūnūwi mūmokū, Nū enugkam, miyi yatov nin nu‐itokeli memokū, Nxekūmwi, ĭt irora dūmūrūn‐xore‐wi dal iyi. 21Mirora dōmokol nū‐ĭtokeli nelepon sī mō‐mxorūwi ugi sugkū, miyi yatov nin e pe memokū, Nakan. 22Miyi yivē pelah marugi nūrū mori mō mokoli nū‐itokeli nĭlepon sī mōmū, mirora dūtūxoruwi mōmū miyi yatov nin nuitokeli mori memokū Tanterum, yōmenūwi memokū, It marima Iehōva yumpi tanterum nĭsekont, ĭm kos wantĭndamsah ra nemap.
23Miyi yivesah marugi nūrū mori ra Birsiba. 24Im Iehōva yetūratumpeni ra pūmrok mō menūwi pugi memokū, yx Nōbū eni Ebraham ĭtemenk kĭk, etū‐emtetugi, ĭt yx ūndū kĭk mō mampīe ves kĭk, mō malegetevtevi novsen enugkĭk popōwo ugi Ebraham lĭvsx enyx. 25Miyi yumpi nefati yūi mō movrugi iran nin eni Iehōva mō metipe tent eni yūi mōvun lĭvsv eni Isak dokol nū‐ĭtokeli yūi.
26Im Abĭmelek yivē pugi yĭmnē ra Kirar, ĭm Ahūsō avĭn eni, ĭm Fīkol nivūo ra tentūrū sū ūbrami eni. 27Im Isak yenūwi pun ōra memokū, Irantiē kĭmi kūvelum pō yx ĭt e kūmnakan po yx mō ĭmtamūli yx pelah marug kūm?
28Mirora dūtamsi pugi mūmokū, Itneseg kam lokosi ma Iehōva yeti ūndū kĭk ĭm kam lenūwi nūmokū, Aremī kos kĭm lanūwi nam pug kos woreti ĭramam miram, 29kos lanūwi imō nam mokū, Aremī kos werenūwi nam ūnam magkū kĭk otū onumpi sat ĭramam, ĭm kam letū umpi sī sat iram, ĭm kam lumpi aremī wokon nĭsekon mō īmtamūlok pelah ra nĭnparata, marima kĭk oti nevīeves ugi Iehōva.
30Miyi yumpi narĭgari nĭsekonda, 31mirora dwoni mō moneki; mō mūtūok, yumtĭn dan dūmūnūwi nam ūnam pun ōra. 32Im Isak yitamūlōra mirora dūvē marugi ra nĭnparata. Mō metepū ran dan mori ōvun torugat eni Isak dūvelum pugi mō mūnūwi mūmokū ugi nū‐itokeli mori dumprokokol, mūmūnūwi mūmokū, Ka ke lokesi nū. 33Miyi yatov nin e pe memokū, Siba popōwo pe nin ūntĭmne yūi oti Birsiba mafeli nĭmpugon marima.
34Dūti nevi sū forti iran Iso pol sngkū iyi yivī retepon eni nin Yūdĭt nĭtnĭ eni Birī mori neteme eni Hĭtī, ĭm Batsima nĭtni eni Elon, mori neteme eni Hĭtī. 35Im Isak ĭm Rebeka dūrĭgi sat ugi irora mori.
Currently Selected:
Kenesis 26: ERGOT
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society: Genesis in 1914, and Ruth in 1932.
