Kenesis 25

1Penūri Ebraham yōĭmpī retepon mori yeti natov nin eni mokū Ketūra. 2Mō meti numprokomol iran Ebraham ugi iyi Sĭmran, ĭm Yoksan, ĭm Midan, ĭm Mĭdian, ĭm Isbak, ĭm Sūa. 3Mō meti numprokomol iran Yoksan, Siba, ĭm Didan, mirora ōvun nĭtnĭme eni Ashūr, ĭm Letūs, ĭm Lēum dūmnē ra Didan. 4Im Mĭdian yivī ōvun nĭtnĭme eni, Efa, ĭm Efer, ĭm Hanok, ĭm Abida, ĭm Eldēa. Irora sū ōvūn nĭtnĭme mori dūmnē ra Ketūra.

5Im Ebraham yĭmtenĭmpe pugi Isak en tiame sū eni. 6Kō Ebraham yitalokugi pun ōra ōvun nĭtnĭme en irora ovasiven mōmū eni, ōvun ĭtemas mō ĭmtamūl‐ora ra nūrū ūnūrū marugi Isak nĭtni eni pol sugkū yumūrep.

7Dūti dan sū ra nevi sū ra nomūrep wun hunder ĭm seventi‐fīv nevi sū. 8Im Ebraham isūma nesumsah mō mas ra nĭmpugon numpūmetūo eni, neteme numprĭtwī dūti nevi sū sikat iran, mō ĭmpe tovun‐ōra ravĭndeme eni. 9Im Isak, ĭm Ismēel ōvun nĭtni eni dūtĭnemi iyi ūneveli Makpila ra nūrū eni Efron nĭtni eni Sōhar, neteme eni Het, 10nūrū mori ra nokorĭn Mamri, Nūrū mori Ebraham yivasĭgi marokonda ōveteme eni Het, yite?-?nemi Ebraham iyūi, ĭm Sēra retepon eni.

11Mō netepū penūri Ebraham yimas Iehōva yivīeves Isak nĭtni eni ĭm Isak yetĭndōwi ra nūĭtokeli Lahēī‐rōi.

12Dūti imo sū ōvun palsi eni Ismēel nĭtni eni Ebraham mori dumprokomol iran Ebraham ugi Hēkar nasiven Ityĭpt, nasiven torugat eni Sēra. 13Mimo sū ov ninda en irora ōvun nĭtnĭme eni Ismēel, ugi ov ninda, mugi ōvun palsi sū en irora; ĭtnetemefi eni Ismēel yeti Nebēōt; ĭm Kidar, ĭm Adbil, ĭm Mĭbsam. 14Im Mĭsma, ĭm Dūma, ĭm Masa. 15Im Hēdar, ĭm Tima, ĭm Yetūr, Nafis ĭm Kedema. 16Imo sū mori ōvun nĭtnĭme eni Ismēel, dūatov ninda mūmokū ugi ōvun tĭmne en irora, ĭm sugkū ōvun nimo?-?sū enirora mori horog, mov nelepon natemonōk twelv ugi ov numpūn lō sū en irora.

17Nevi sū ra nomūrep eni Ismēel dūti nevi sū wun hunder ĭm turti seven, miyi ĭsūma nesumsah, yōmas mō ĭmpe pun ōra ravĭndeme eni. 18Mirora dumorokote lap ĭlebōteven ra Havila ĭm ra Sūr mori ra nokorin Ityĭpt sugkū sī umampe devsĭgo ra Ashūr; miyi yimas ūnimĭnda ravĭnsīeme eni omwi sū.

19Dūti imo sū ōvun palsi sū eni Isak nĭtni eni Ebraham; Ebraham yivī Isak. 20Dūti nevi sū forti iran Isak nĭmpugon iyi yivī Rebeka retepon eni, nĭtni eni Betūel neteme Sĭria, ra Padanaram, vĭven eni Lēban neteme Sĭria.

21Im Isak yesenĭgi Iehōva nĭsekon retepon eni ĭt iyi umlat, im Iehōva yorĭgi, ĭm Rebeka retepon eni yisar. 22Mov nĭtni dūōil ūnesog iyi, miyi yenūwi memokū, Nagkū aremī, anti nōkowo imō tovuni yx? Miyi yive wore?-?tagkeli ugi Iehōva. 23Im Iehōva yĭmtamsi pugi memokū, Numpūn lō en dūrū ūnetnĭn kĭk, mov netevokontū en dūrū wamnē ra netnĭn‐e‐kĭk, sī lō anti horog mōmū ra sī, miyi ĭtnetemefi ontarugat iran ĭtevirok.

24Im pol sūgkū yokompeli dan sū worevī nĭtni eni, pah umaleme ūnetnĭn eni. 25Miyi mori yōbūm yetūratumpeni ilat navilara ĭm nokolĭsiran sugkū nemas noveliran; mirora dūatov nin eni mūmokū, Iso. 26Penūri yetūratumpeni ilat avĭnsī eni, miyi gi nokoben yorūleki masūri eni Iso; yeti natov nin eni memokū Iēkob. Dūti nevi sū iran Isak sĭksti mĭmpugon iroran dūrū dūti numprokomol ugi Rebeka.

27Mavūnyan mori dūalam; ĭm Iso yeti neteme nelekon woresumpeli ōvun nūrah sū, neteme ūntumpe; kō Iēkob yeti neteme wokon mori yetĭndōwi ra mumpon ōvun tent. 28Im Isak yelĭntugi Iso, ĭt iyi yeni nelat eni, kō Rebeka yelĭntugi Iēkob.

29Im Iēkob yiworūmon nevag ĭm iso yivelum yĭmnē ūntumpe, miyi yetevūlul. 30Im Iso yenūwi pugi Iēkob memokū, Ya kum nesĭnug kĭk, ovo‐yx nevag enugkĭk mori navilara, ĭt ya kum mĭntavūlūl; ĭm popōwo sugkū yatov nin eni mokū Idom. 31Im Iēkob yōmenūwi memokū, Evasigi po yx irē pen dan ima mori enugkĭk ugi ĭtnetemfi enugkĭk.

32Im Iso yōmenūwi memokū, Pah, ya kum mĭntī nūrū, ĭm tie aremī nĭsekog imō ugi ĭtnetemefi enyx? 33Im Iēkob yōmenūwi memokū, Enūwi po yx nam ūnam irē pen dan; miyi yenūwi pe; miyi yĭvasĭgi Iēkob ima mori ugi ĭtnetemefi. 34Im Iēkob yovugi Iso yōūp ĭm nevag ra lentĭl, miyi yeni mō moneki, yōĭmtūok mōĭmpe. Im Iso yokesĭndi ima mori ugi ĭtnetemefi eni.

Currently Selected:

Kenesis 25: ERGOT

Highlight

Copy