luka 10

asa 10

ḏuwəja ḏeḏi calɩmis jun jiro ḏuɽi kwoɽoṯəɽɩl na ḏaɽuwa ḏagin

1na ŋɩno gɩdo na gwele gwun gwiro elo məṯo liji lun liro ḏuɽi kwoɽoṯəɽɩl lun liro kaja, nulwəjo lɩttən lɩttən kɩɽelo lugwun gi jɩmɩrɩgen wei na kalo gun gar gunele. 2nuleicɩno, ḏɩwona ḏo ḏutu namɩni liji lun lapo ŋɩru lɩti. na ŋiro dino ɽoṯeḏɩl kwele gweḏi ḏɩwona gwun gwiro elo ŋuwəjo liji lun lape ŋɩru gi ḏɩwona ḏuŋun. 3wiḏɩl. nyi gwajuwəje liro gi joŋol jun joga kɩlɩgi ganu geḏi jamɽainy. 4nya lo lanape gwurəḏə na jɩwɩḏe; nyanmɩɽəḏə gwete gi ṯaṯ no. 5na dunu gwun gwanyanəḏi nyamɩɽənyə gwerre liji leḏi dunu. 6na ḏa ŋaɽe ŋeḏi ḏɩmɩɽəḏo ŋɩmaje ŋɩnəwei, ḏɩmɩɽəḏo ḏalo ḏaje lagin; namɩni ḏa ŋɩmete, namɩni ḏɩmiɽəḏo ḏalo ḏaɽuwa lagalo. 7jəḏəṯɩl kwu dunu kweno, nyaʼe nanyayu ŋun ŋajiliḏəḏə, gi gwune gwun gwapo ŋɩru gwɩḏeleḏo ŋɩdi ŋuŋun. na nya lo laṯɩwele kwu dunu kwu dunu. 8na əmɩrɩgen yun yanyanəḏi ḏa lɩmajəmɩnyi, iṯɩllo ŋun ŋajilɩgico ga; 9nyalŋele liji muma lun leḏeḏo nanu lun lijo ŋɩno; nyaleicɩno, ŋele ŋeḏi elo ŋɩmila gɩṯo lagalo. 10namɩni amɩrɩgen yun yanyanəḏi ḏa late limajəmɩnyi no, tuḏɩl gi daṯ deḏi amɩrɩgen, nyaleicɩno, 11ḏibuɽɩbuɽ ḏun ḏidiɽəḏɩje nanu kamɩrɩgen yalo ḏanagɩḏuḏɩŋeje lagalo; nyalmɩni lɩŋe ŋeno nyalarno, ŋele ŋeḏi elo ŋɩmila gɩṯo lagalo. 12na nyi gweiceŋɩno, gi lamon lun lila ḏakɩmino ḏeḏi sadum ḏɩtiene gi ḏakɩmino ḏeḏi amɩrɩgen yeno.

13ŋɩki lugwuŋa, ŋa korasin, ŋɩki lugwuŋa ŋa beṯsaida. gi gwune na ḏa ŋɩru ŋɩbuḏo ŋun ŋigelɩnu lagalo ŋagelini sur na saida nalwɩrla ga ŋuɽun ŋun ŋɩki uro kili, nalkani jiria jun jijoginya nanu nalpini gi jaro. 14namɩni sur na saida naltiene ḏakɩmino kworo gwalo gi lamon le ḏakɩmiḏa. 15namɩni ŋa kabranaum, gwun gwobəḏəṯɩnu elo kanyin, ŋa gwaṯiŋəḏɩno kalo geḏi liji lun laiyo. 16gwun gwajideŋɩnejo gwiḏeŋɩnejo, namɩni gwun gwajiḏonye gwiḏonye; na gwun gwuḏonyi gwudonye gwun gwuwəjɩŋi.

17nalaɽuwa lun liro ḏuɽi kwoɽoṯəɽɩl ḏidila ḏe ganu nalarno, gwele gwəri, na ḏiŋerom ḏaṯijideŋɩnejo jiri je juŋa. 18nuleicɩno, nyi gwaŋəḏi seiṯanŋ gwidu kanyin gi ḏɩmana ḏeḏi ŋau. 19nyi ŋwaṯiḏədi ŋelɩnya nyaladoṯa juŋɩnyaŋe ganu na jimu, na ŋɩma wei ŋeḏi gwun gwɩkiḏiḏɩle, na gwaŋ gwetɩdo gwate gwajərri ŋuɽuna ŋədi no. 20namɩni nya ɩo ləḏile ganu ŋuɽun ŋeno ŋan ḏiŋerom dajideŋɩnejo, nyamɩni dile ganu gi gwune jiri jalo julinu kanyin.

yecu gweico eloŋu sukran

mṯ. 11:25-27; 13:16-17

21na kaja kono nudile ganu gwuɽɩwə gwe nuarno, nyi gweleaŋa sukran, baba gwun gwiro gwele gweḏi kanyin ni gweḏi gɩḏilio, gi gwune ŋa malbɩji ŋɩdio ŋeno gi liji lun lilɩŋiḏi ŋuɽuna ŋuṯu na lun ləṯi ŋadɩgɩɽenya, na ŋɩmalaŋijo nyaɽe nyun nyoga. i, dino baba, gi gwune ŋɩmar dino ŋiŋir gi jei ganu lugwuŋa. 22nuwɩrla ga gi calɩmis juŋun nuleicɩno, ŋɩdi wei ŋɩḏəḏinyilo baba gwi; na gwate gwetɩdo gwun gwilɩŋiḏi ŋaɽe ŋiro ŋira no nimɩnl baba, ng gwaŋe gwcɩido gwun gwilɩeiḏi baba gwiro gwira no namɩni ŋaɽe, na gwun gwa ŋaɽe aŋinijo.

23nuwɩrla ga gi calɩmis juŋun kaja ŋagin nuleicɩno, ḏɩməreḏa ḏaje gi jei jun jaŋu ŋun ŋaŋəḏanyalo; 24gi gwune nyi gweiceijɩno, nebɩŋa lutu na lele lar laŋu ŋun ŋaŋəḏanyalo namɩni ate nalaŋu no, nilar ŋalɩdiŋɩni ŋun ŋɩdiŋɩnanyalo nalmɩni ate nalɩdiŋɩni no.

ḏɩməṯo ḏe ḏɩmiḏa gi gɩḏilio galakwe

mṯ. 22:34-40, mks. 12:28-31

25na mualɩm gwete gweḏi ŋuɽun ŋun ŋigelijɩlo elo musaŋ ḏiɽelo nuiḏeije nueicɩno, mualɩm gwi, nyi gwarre galakwe nyiməṯo ḏɩmiḏa gi gɩḏilio? 26nueicɩno, ŋɩrṯa ŋiro ŋulinu kɩḏam geḏi ŋuɽun ŋun ŋigelijɩlo elo musaŋ? ŋa gwaṯəgiri galakwe? 27nuwɩrlijo ŋuɽuna nueicɩno, arram ŋa gwəmɩnyi gwelɩnya gwun gwiro elo gwuŋa, ḏugwor ḏe ḏuŋa wei, na gwulo gwe gwuŋa wei, na ŋɩma ŋe ŋuŋa wei, na ŋadɩgɩɽe ŋe ŋuŋa wei, na gwun gwijaḏanyagwe ga gwiro gi gwulo gwuŋa. 28nuuməḏɩjo nueicɩno, ŋa gwuməḏi muma; aṯaŋarre dino namɩni ŋa gwəmɩḏe. 29namɩni ŋu gwar gwaŋini ŋuɽuna ŋuŋun ŋiŋir nuuməḏɩjo yecuŋ nueicɩno, na əḏi gwiro gwun gwijaḏanagwe ga?

ŋuɽun ŋun ŋɩlɩbo ŋeḏi gwusamɩra gwun gwiŋir

30na yecu wɩrlijo ŋuɽuna nueicɩno, gwiji gwete gwugwulu urucəlim gwar gwele ariya, na lɩdigin məṯo, nalwala jiria juŋun nalpl, naniwalane nuje gɩṯo gi ḏaiya. 31na gɩsis gete gwulo gi ṯaṯ ṯeno girimu, na gwune nuaŋu nuwele ṯaṯ kəni. 32na dino gwulawi gwete wila kalo keno, na gwune nuaŋu nuwele ṯaṯ kəni. 33namɩni gwusamɩra gwete gwuweləḏi kaja, wele kalo gun gijune, na gwune nuaŋu nuino. 34nuwele lugwun nugaki dəɽi duŋun, nuldoije ŋila na ŋau#10:34 liju laṯarno ŋau ŋeno ŋiro ḏawa ŋun ŋiro gi ŋau ŋeḏi ŋwuɽuṯ; nuabuje ŋəɽigo elo ŋuŋun nugwuloḏa mədelə nudɩme. 35ni giləganu gwune nuar gwele nuapa əlŋɩrucə ḏuɽi dɩṯɩen nuḏəḏə gwiji gweḏi mədelə, nuuməḏɩjo nueicɩno, dɩmiḏi, na ḏa ŋamabaḏaice ŋɩdio ŋədi ŋutəno namɩni kaja gun gigaɽuwa aŋalḏəḏə. 36ŋa gwarno əḏi gwiro gi lun liro ṯəɽɩl maro gwun gwaṯilgwijaḏe ga gweḏi gwiji gwun gwupiḏi lɩdigin? 37nueicɩno, gwiro gwun gwinəḏi. ni yecu eicɩno, wiḏi ŋanduji dino.

mariam na marta

38na gwune wiḏɩlo nalobene gi lɩrgwom lete na gwa gwete gwun gwan marṯa nugwuloḏa dunu lugwun. 39na ŋu gwəṯi maga gwun gwiro gwa gwun gwan mariam, gwun gwaṯijajo yecuŋ galo ŋwara ganu naṯudiŋɩni ŋuɽuna ŋuŋun. 40naṯimɩni marṯa irəre ga ŋɩru ŋe ŋutu nuwila lugwun nueicɩno, gwele gwəri, ŋa gwate gwinəḏinyi gi gwune niŋin magəri walane niape ŋɩru cucun ni? uməḏɩjo ŋwinyiŋelejo uwə. 41na gwele wɩrlijo ŋuɽuna nueicɩno, marṯa, marṯa, ŋɩdi ŋutu ŋaṯaŋal ḏugwor mɩjeijo, 42namɩni ŋuɽun ŋo ŋete ŋate ŋɩmalape no. namɩni mariam ŋɩmulməṯo ŋəwei ŋun ŋiŋir ŋun ŋate ŋunəbɩrini ganu no.

Currently Selected:

luka 10: OTR1966

Highlight

Copy