Mathew 21

A.D. 33. —

1 Crist yn marchogaeth ar asen i Jerwsalem; 12 yn gyrru y prynwyr a’r gwerthwyr o’r deml; 17 yn melltithio y ffigysbren; 23 yn gostegu yr offeiriaid a’r henuriaid, 28 ac yn eu ceryddu trwy gyffelybu y ddau fab, 33 a’r llafurwyr a laddasant y rhai a anfonwyd atynt.

1A #Marc 11:1; Luc 19:29phan ddaethant yn gyfagos i Jerwsalem, a’u dyfod hwy i Bethffage, i #Sech 14:4fynydd yr Olewydd, yna yr anfonodd yr Iesu ddau ddisgybl, 2Gan ddywedyd wrthynt, Ewch i’r pentref sydd ar eich cyfer, ac yn y man chwi a gewch asen yn rhwym, ac ebol gyda hi: gollyngwch hwynt, a dygwch ataf fi. 3Ac os dywed neb ddim wrthych, dywedwch, Y mae’n rhaid i’r Arglwydd wrthynt: ac yn y man efe a’u denfyn hwynt. 4A hyn oll a wnaethpwyd, fel y cyflawnid yr hyn a ddywedasid trwy’r proffwyd, yn dywedyd, 5#Esa 62:11; Sech 9:9; Ioan 12:15Dywedwch i ferch Seion, Wele, dy frenin yn dyfod i ti, yn addfwyn, ac yn eistedd ar asen, ac ebol llwdn asen arferol â’r iau. 6Y #Marc 11:4disgyblion a aethant, ac a wnaethant fel y gorchmynasai’r Iesu iddynt. 7A hwy a ddygasant yr asen a’r ebol, ac #2 Bren 9:13a ddodasant eu dillad arnynt, ac a’i gosodasant ef i eistedd ar hynny. 8A thyrfa ddirfawr a daenasant eu dillad ar y ffordd; #Ioan 12:13eraill a dorasant gangau o’r gwŷdd, ac a’u taenasant ar hyd y ffordd. 9A’r torfeydd, y rhai oedd yn myned o’r blaen, a’r rhai oedd yn dyfod ar ôl, a lefasant, gan ddywedyd, Hosanna i fab Dafydd: #Salm 118:26; Pen 23:39Bendigedig yw’r hwn sydd yn dyfod yn enw’r Arglwydd: Hosanna yn y goruchafion. 10#Marc 11:15; Luc 19:45; Ioan 2:13, 15Ac wedi ei ddyfod ef i mewn i Jerwsalem, y ddinas oll a gynhyrfodd, gan ddywedyd, Pwy yw hwn? 11A’r torfeydd a ddywedasant, Hwn yw Iesu y proffwyd #Pen 2:23o Nasareth yng Ngalilea.

12A’r Iesu a aeth i mewn i deml Dduw, ac a daflodd allan bawb a’r oedd yn gwerthu ac yn prynu yn y deml, ac a ddymchwelodd i lawr fyrddau’r newidwyr arian, a chadeiriau’r rhai oedd yn gwerthu colomennod: 13Ac efe a ddywedodd wrthynt, Ysgrifennwyd, #Esa 56:7Tŷ gweddi y gelwir fy nhŷ i; eithr #Jer 7:11; Marc 11:17; Luc 19:46chwi a’i gwnaethoch yn ogof lladron. 14A daeth y deillion a’r cloffion ato yn y deml; ac efe a’u hiachaodd hwynt. 15A phan welodd yr archoffeiriaid a’r ysgrifenyddion y rhyfeddodau a wnaethai efe, a’r plant yn llefain yn y deml, ac yn dywedyd, Hosanna i fab Dafydd; hwy a lidiasant, 16Ac a ddywedasant wrtho, A wyt ti yn clywed beth y mae’r rhai hyn yn ei ddywedyd? A’r Iesu a ddywedodd wrthynt, Ydwyf. Oni ddarllenasoch chwi erioed, #Salm 8:2O enau plant bychain a rhai yn sugno y perffeithiaist foliant?

17Ac efe a’u gadawodd hwynt, ac a aeth allan o’r ddinas i #Ioan 11:18Fethania, ac a letyodd yno. 18#Marc 11:12A’r bore, fel yr oedd efe yn dychwelyd i’r ddinas, yr oedd arno chwant bwyd. 19A phan welodd efe #21:19 Gr. un ffigysbren.ffigysbren ar y ffordd, efe a ddaeth ato, ac ni chafodd ddim arno, ond dail yn unig: ac efe a ddywedodd wrtho, Na thyfed ffrwyth arnat byth mwyach. Ac yn ebrwydd y crinodd y ffigysbren. 20A phan welodd y disgyblion, hwy a ryfeddasant, gan ddywedyd, Mor ddisymwth y crinodd y ffigysbren! 21A’r Iesu a atebodd ac a ddywedodd wrthynt, Yn wir meddaf i chwi, #Pen 17:20; Luc 17:6Os bydd gennych ffydd, ac #Iago 1:6heb amau, ni wnewch yn unig hyn a wneuthum i i’r ffigysbren, eithr hefyd os dywedwch wrth y mynydd hwn, Coder di i fyny, a bwrier di i’r môr; hynny a fydd. 22A #Pen 7:7; Marc 11:24; Luc 11:9; 1 Ioan 3:22; 5:14pha beth bynnag a ofynnoch mewn gweddi, gan gredu, chwi a’i derbyniwch.

23 # Marc 11:27; Luc 20:1 Ac wedi ei ddyfod ef i’r deml, yr archoffeiriaid a henuriaid y bobl a ddaethant ato, fel yr oedd efe yn athrawiaethu, #Exod 2:14; Act 4:7; 7:27gan ddywedyd, Trwy ba awdurdod yr wyt ti yn gwneuthur y pethau hyn? a phwy a roddes i ti yr awdurdod hon? 24A’r Iesu a atebodd ac a ddywedodd wrthynt, Minnau a ofynnaf i chwithau un gair, yr hwn os mynegwch i mi, minnau a fynegaf i chwithau trwy ba awdurdod yr wyf yn gwneuthur y pethau hyn. 25Bedydd Ioan, o ba le yr oedd? ai o’r nef, ai o ddynion? A hwy a ymresymasant yn eu plith eu hunain, gan ddywedyd, Os dywedwn, O’r nef; efe a ddywed wrthym, Paham gan hynny nas credasoch ef? 26Ond os dywedwn, O ddynion; y mae arnom ofn y bobl: #Pen 14:5; Marc 6:20canys y mae pawb yn cymryd Ioan megis proffwyd. 27A hwy a atebasant i’r Iesu, ac a ddywedasant, Ni wyddom ni. Ac yntau a ddywedodd wrthynt, Nid wyf finnau yn dywedyd i chwi trwy ba awdurdod yr wyf yn gwneuthur y pethau hyn.

28Ond beth dybygwch chwi? Yr oedd gan ŵr ddau fab: ac efe a ddaeth at y cyntaf, ac a ddywedodd, Fy mab, dos, gweithia heddiw yn fy ngwinllan. 29Ac yntau a atebodd ac a ddywedodd, Nid af: ond wedi hynny efe a edifarhaodd, ac a aeth. 30A phan ddaeth efe at yr ail, efe a ddywedodd yr un modd. Ac efe a atebodd ac a ddywedodd, Myfi a af, arglwydd; ac nid aeth efe. 31Pa un o’r ddau a wnaeth ewyllys y tad? Dywedasant wrtho, Y cyntaf. Yr Iesu a ddywedodd wrthynt, #Luc 7:29, 30Yn wir meddaf i chwi, yr â’r publicanod a’r puteiniaid i mewn i deyrnas Dduw o’ch blaen chwi. 32Canys #Pen 3:1 & cdaeth Ioan atoch yn ffordd cyfiawnder, ac ni chredasoch ef; #Luc 3:12, 13ond y publicanod a’r puteiniaid a’i credasant ef: chwithau, yn gweled, nid edifarhasoch wedi hynny, fel y credech ef.

33Clywch ddameg arall. Yr oedd rhyw ddyn o berchen tŷ, #Salm 80:9; Can 8:11; Esa 5:1; Jer 2:21; Marc 12:1; Luc 20:9yr hwn a blannodd winllan, ac a osododd gae yn ei chylch hi, ac a gloddiodd ynddi winwryf, ac a adeiladodd dŵr, ac a’i gosododd hi allan i lafurwyr, ac #Pen 25:14, 15a aeth oddi cartref. 34A phan nesaodd amser ffrwythau, efe a ddanfonodd ei weision at y llafurwyr, #Can 8:11, 12i dderbyn ei ffrwythau hi. 35A’r llafurwyr a ddaliasant ei weision ef, ac un a gurasant, ac arall a laddasant, ac arall a labyddiasant. 36Trachefn, efe a anfonodd weision eraill, fwy na’r rhai cyntaf: a hwy a wnaethant iddynt yr un modd. 37Ac yn ddiwethaf oll, efe a anfonodd atynt ei fab ei hun, gan ddywedyd, Hwy a barchant fy mab i. 38A phan welodd y llafurwyr y mab, hwy a ddywedasant yn eu plith eu hun, #Salm 2:8; Heb 1:2Hwn yw’r etifedd; #Pen 26:3; 27:1; Ioan 11:53deuwch, lladdwn ef, a daliwn ei etifeddiaeth ef. 39Ac wedi iddynt ei ddal, hwy a’i bwriasant ef allan o’r winllan, ac a’i lladdasant. 40Am hynny pan ddêl arglwydd y winllan, pa beth a wna efe i’r llafurwyr hynny? 41#Edrych Luc 20:16Hwy a ddywedasant wrtho, Efe a ddifetha yn llwyr y dynion drwg hynny, ac a esyd y winllan i lafurwyr eraill, y rhai a dalant iddo’r ffrwythau yn eu hamserau. 42Yr Iesu a ddywedodd wrthynt, #Salm 118:22; Act 4:11Oni ddarllenasoch chwi erioed yn yr ysgrythurau, Y maen a wrthododd yr adeiladwyr, hwn a wnaethpwyd yn ben congl: gan yr Arglwydd y gwnaethpwyd hyn, a rhyfedd yw yn ein golwg ni? 43Am hynny meddaf i chwi, #Pen 8:12Y dygir teyrnas Dduw oddi arnoch chwi, ac a’i rhoddir i genedl a ddygo ei ffrwythau. 44#Esa 8:14, 15; Sech 12:3; Luc 20:18; Rhuf 9:33; 1 Pedr 2:8A phwy bynnag a syrthio ar y maen hwn, efe a ddryllir: ac ar bwy bynnag y syrthio, #Esa 60:12; Dan 2:44efe a’i mâl ef yn chwilfriw. 45A phan glybu’r archoffeiriaid a’r Phariseaid ei ddamhegion ef, hwy a wybuant mai amdanynt hwy y dywedai efe. 46Ac a hwy yn ceisio ei ddala, hwy a ofnasant y torfeydd; am eu bod #Luc 7:16; Ioan 7:40yn ei gymryd ef fel proffwyd.

Currently Selected:

Mathew 21: BWM1955C

Highlight

Copy